IND vs SL: ಟೆಸ್ಟ್ ಕ್ರಿಕೆಟ್ನಲ್ಲಿ ಇತಿಹಾಸ ಸೃಷ್ಟಿಸಿದ ಸೋನಲ್ ದಿನುಷಾ
Sonal Dinusha's Record Double Century: ಸೋನಲ್ ದಿನುಷಾ ಕೊಲಂಬೊದಲ್ಲಿ ಭಾರತದ ವಿರುದ್ಧ ನಡೆದ ಟೆಸ್ಟ್ನಲ್ಲಿ ಅದ್ಭುತ ಪ್ರದರ್ಶನ ನೀಡಿದರು. ಫಾಲೋ-ಆನ್ನ ಒತ್ತಡದಲ್ಲೂ ಒಂದೇ ಪಂದ್ಯದ ಎರಡೂ ಇನ್ನಿಂಗ್ಸ್ಗಳಲ್ಲಿ ಶತಕ ಬಾರಿಸಿ ಶ್ರೀಲಂಕಾ ತಂಡವನ್ನು ಸೋಲಿನಿಂದ ಪಾರುಮಾಡಿದರು. ಈ ಐತಿಹಾಸಿಕ ಸಾಧನೆಯು ದಿನುಷಾರನ್ನು ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಹೊಸ ದಾಖಲೆಗಳಿಗೆ ಕಾರಣವಾಯಿತು, ಹಲವು ದಿಗ್ಗಜರ ಪಟ್ಟಿಗೆ ಸೇರಿಸಿತು.
ಕೊಲಂಬೊದಲ್ಲಿ ನಡೆದ ಭಾರತ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಶ್ರೀಲಂಕಾದ ಯುವ ಬ್ಯಾಟ್ಸ್ಮನ್ ಸೋನಲ್ ದಿನುಷಾ ಅದ್ಭುತ ಪ್ರದರ್ಶನ ನೀಡುವ ಮೂಲಕ ತಂಡವನ್ನು ಸೋಲಿನಿಂದ ಪಾರು ಮಾಡಿದರು. ಫಾಲೋ-ಆನ್ನ ಒತ್ತಡದ ನಡುವೆಯೂ ಅಚಲ ಆತ್ಮವಿಶ್ವಾಸದಿಂದ ಆಡಿದ ದಿನುಷಾ, ಒಂದೇ ಟೆಸ್ಟ್ನ ಎರಡೂ ಇನ್ನಿಂಗ್ಸ್ಗಳಲ್ಲಿ ಶತಕಗಳನ್ನು ಬಾರಿಸಿದರು. ಈ ಐತಿಹಾಸಿಕ ಶತಕಗಳೊಂದಿಗೆ ದಾಖಲೆಗಳನ್ನು ಸೃಷ್ಟಿಸಿದರು(PC-PTI).
ಭಾರತ ವಿರುದ್ಧದ ಒಂದೇ ಟೆಸ್ಟ್ ಪಂದ್ಯದ ಎರಡೂ ಇನ್ನಿಂಗ್ಸ್ಗಳಲ್ಲಿ ಶತಕ ಗಳಿಸಿದ ಮೂರನೇ ಶ್ರೀಲಂಕಾದ ಬ್ಯಾಟ್ಸ್ಮನ್ ಸೋನಲ್ ದಿನುಷ್. ಇದಕ್ಕೂ ಮೊದಲು, ದಲೀಪ್ ಮೆಂಡಿಸ್ (105, 105) 1982 ರ ಚೆನ್ನೈ ಟೆಸ್ಟ್ನಲ್ಲಿ ಎರಡೂ ಇನ್ನಿಂಗ್ಸ್ಗಳಲ್ಲಿ ಶತಕ ಗಳಿಸಿದ್ದರು. ನಂತರ 1997 ರಲ್ಲಿ, ಅರವಿಂದ ಡಿ ಸಿಲ್ವಾ (146, 120) ಕೊಲಂಬೊದ ಇದೇ ಮೈದಾನದಲ್ಲಿ ಈ ಸಾಧನೆ ಮಾಡಿದ್ದರು(PC-PTI).
ಅಂತಾರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್ನಲ್ಲಿ ಶ್ರೀಲಂಕಾ ಪರ ಒಂದೇ ಪಂದ್ಯದ ಎರಡೂ ಇನ್ನಿಂಗ್ಸ್ಗಳಲ್ಲಿ ಶತಕ ಸಿಡಿಸಿದ 8ನೇ ಬ್ಯಾಟ್ಸ್ಮನ್ ಎಂಬ ಹೆಗ್ಗಳಿಕೆಗೆ ಸೋನಾಲ್ ಪಾತ್ರರಾಗಿದ್ದಾರೆ. ಈ ಹಿಂದೆ ಅರವಿಂದ ಡಿ ಸಿಲ್ವಾ (ಎರಡು ಬಾರಿ), ಕುಮಾರ್ ಸಂಗಕ್ಕಾರ (ಎರಡು ಬಾರಿ), ದಲಿಪ್ ಮೆಂಡಿಸ್, ಅಸೆಂಕಾ ಗುರುಸಿಂಹ, ತಿಲಕರತ್ನೆ ದಿಲ್ಶಾನ್, ಧನಂಜಯ ಡಿ ಸಿಲ್ವಾ ಮತ್ತು ಕಮಿಂದು ಮೆಂಡಿಸ್ ಮಾತ್ರ ಈ ಅಪರೂಪದ ಸಾಧನೆ ಮಾಡಿದ್ದರು(PC-PTI).
ಇದರ ಜೊತೆಗೆ ದಿನುಷಾ ವಿಶ್ವ ಕ್ರಿಕೆಟ್ ಇತಿಹಾಸದಲ್ಲಿ ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ 3 ಶತಕಗಳನ್ನು ಸಿಡಿಸಿದ 8 ನೇ ಬ್ಯಾಟ್ಸ್ಮನ್ ಎನಿಸಿಕೊಂಡಿದ್ದಾರೆ. ಶ್ರೀಲಂಕಾದ ಮಾಜಿ ನಾಯಕ ಅರವಿಂದ ಡಿ ಸಿಲ್ವಾ ಈ ಹಿಂದೆ 1997 ರಲ್ಲಿ ಪಾಕಿಸ್ತಾನ ಮತ್ತು ಭಾರತದ ವಿರುದ್ಧ ಎರಡು ಬಾರಿ ಈ ಸಾಧನೆ ಮಾಡಿದ್ದರು. ಅದಾದ ನಂತರ, ಜಾಕ್ವೆಸ್ ಕಾಲಿಸ್ (2007), ಹಾಶಿಮ್ ಆಮ್ಲಾ (2010), ಕುಮಾರ್ ಸಂಗಕ್ಕಾರ (2013), ಯೂನಿಸ್ ಖಾನ್ (2014), ಮಾರ್ನಸ್ ಲ್ಯಾಬುಸ್ಚಾಗ್ನೆ (2022), ಕೇನ್ ವಿಲಿಯಮ್ಸನ್ (2024) ಈ ದಾಖಲೆ ನಿರ್ಮಿಸಿದ್ದರು(PC-PTI).
ಫಾಲೋ ಆನ್ ಹೇರಿದಾಗ ಟೆಸ್ಟ್ ಪಂದ್ಯದ ಎರಡೂ ಇನ್ನಿಂಗ್ಸ್ಗಳಲ್ಲಿ ಶತಕ ಬಾರಿಸಿದ ಮೂರನೇ ಆಟಗಾರ ದಿನುಷಾ. ಹಾಗೆಯೇ ಟೆಸ್ಟ್ ಇತಿಹಾಸದಲ್ಲಿ ಭಾರತದ ವಿರುದ್ಧ ಈ ಸಾಧನೆ ಮಾಡಿದ ಮೊದಲ ಬ್ಯಾಟರ್ ಕೂಡ ದಿನುಷಾ. ಅವರಿಗಿಂತ ಮೊದಲು, ವಿಜಯ್ ಹಜಾರೆ ಮತ್ತು ಆಂಡಿ ಫ್ಲವರ್ ಮಾತ್ರ ಈ ಸಾಧನೆ ಮಾಡಿದ್ದರು. ವಿಜಯ್ ಹಜಾರೆ ಆಸ್ಟ್ರೇಲಿಯಾ ವಿರುದ್ಧ ಈ ಸಾಧನೆ ಮಾಡಿದ್ದರೆ, ಆಂಡಿ ಫ್ಲವರ್ ದಕ್ಷಿಣ ಆಫ್ರಿಕಾ ವಿರುದ್ಧ ಈ ಸಾಧನೆ ಮಾಡಿದ್ದರು(PC-PTI).