7 ಜನ ಒಡಹುಟ್ಟಿದವರು, ಧಾರವಿಯಲ್ಲಿ ವಾಸ, SSLC ಫೇಲ್; ಈ ಕ್ರಿಕೆಟರ್ ಬದುಕೇ ಒಂದು ಹೋರಾಟ!
WPL 2023: ಸಿಮ್ರಾನ್ ಅವರಿಗೆ 7 ಜನ ಒಡಹುಟ್ಟಿದವರಿದ್ದು, ತಂದೆ ವೈರಿಂಗ್ ಕೆಲಸ ಮಾಡುತ್ತಾರೆ. 10ನೇ ತರಗತಿಯಲ್ಲಿ ಅನುತ್ತೀರ್ಣಳಾದ ಸಿಮ್ರಾನ್, ಓದಿಗೆ ತೀಲಾಂಜಲಿ ಇಟ್ಟ ಬಳಿಕ ಕ್ರಿಕೆಟ್ನತ್ತ ಗಮನಹರಿಸಿದರು.
ಮಹಿಳಾ ಪ್ರೀಮಿಯರ್ ಲೀಗ್ನಲ್ಲಿ ಇಂದು ಡಬಲ್ ಹೆಡರ್ ಪಂದ್ಯವಾಗಿದ್ದು, ಎರಡನೇ ಪಂದ್ಯದಲ್ಲಿ ಯುಪಿ ವಾರಿಯರ್ಸ್ ತಂಡ ಗುಜರಾತ್ ಜೈಂಟ್ಸ್ ತಂಡವನ್ನು ಎದುರಿಸುತ್ತಿದೆ. ಇದರಲ್ಲಿ ಯುಪಿ ವಾರಿಯರ್ಸ್ ತಂಡದ ಭಾಗವಾಗಿರುವ ಸಿಮ್ರಾನ್ ಶೇಖ್ ಕೂಡ ತಂಡದಲ್ಲಿ ಸ್ಥಾನಪಡೆಯುವ ನಿರೀಕ್ಷೆ ಇದ್ದು, ಈ ಆಟಗಾರ್ತಿಯ ಕ್ರಿಕೆಟ್ ಬದುಕಿನ ಪಯಣ ಎಷ್ಟು ರೋಚಕವಾಗಿದೆ ಎಂಬುದನ್ನು ಪ್ರತಿಯೊಬ್ಬ ಕ್ರಿಕೆಟ್ ಪ್ರೇಮಿಯು ತಿಳಿದುಕೊಳ್ಳಲೇಬೇಕಾಗಿದೆ.
ವಾಸ್ತವವಾಗಿ ಸಿಮ್ರಾನ್ ಶೇಖ್ ಅವರನ್ನು ಯುಪಿ ವಾರಿಯರ್ಸ್ ಫ್ರಂಚೈಸ್ ಮೂಲಬೆಲೆ 10 ಲಕ್ಷ ರೂಪಾಯಿಗಳಿಗೆ ಖರೀದಿಸಿದ್ದು, ಈ ಆಟಗಾರ್ತಿ ಇಂದಿನ ಪಂದ್ಯದಲ್ಲಿ ಆಡುವ ಸಾಧ್ಯತೆಗಳು ಹೆಚ್ಚಾಗಿವೆ.
ಮೂಲತಃ ಏಷ್ಯಾದ ಅತಿದೊಡ್ಡ ಕೊಳೆಗೇರಿ ಧಾರವಿಯಲ್ಲಿ ವಾಸಿಸುತ್ತಿರುವ ಸಿಮ್ರಾನ್, ಕಡು ಬಡ ಕುಟುಂಬಕ್ಕೆ ಸೇರಿದವರು. ಸಿಮ್ರಾನ್ ಅವರಿಗೆ 7 ಜನ ಒಡಹುಟ್ಟಿದವರಿದ್ದು, ತಂದೆ ವೈರಿಂಗ್ ಕೆಲಸ ಮಾಡುತ್ತಾರೆ. 10ನೇ ತರಗತಿಯಲ್ಲಿ ಅನುತ್ತೀರ್ಣಳಾದ ಸಿಮ್ರಾನ್, ಓದಿಗೆ ತೀಲಾಂಜಲಿ ಇಟ್ಟ ಬಳಿಕ ಕ್ರಿಕೆಟ್ನತ್ತ ಗಮನಹರಿಸಿದರು.
ಬಲಗೈ ಬ್ಯಾಟರ್ ಆಗಿರುವ ಸಿಮ್ರಾನ್ ಶೇಖ್ ಲೆಗ್ ಸ್ಪಿನ್ನರ್ ಕೂಡ ಆಗಿದ್ದಾರೆ. ಮಧ್ಯಮ ಕ್ರಮಾಂಕದಲ್ಲಿ ಕಣಕ್ಕಿಳಿಯುವ ಸಿಮ್ರಾನ್ ಹೊಡಿಬಡಿ ಆಟಕ್ಕೆ ಹೆಸರುವಾಸಿಯಾಗಿದ್ದಾರೆ.
ಸಿಮ್ರಾನ್ ಶೇಖ್ ಕಳೆದ ವರ್ಷ ಹಿರಿಯ ಮಹಿಳಾ ಟಿ20 ಚಾಲೆಂಜರ್ ಟ್ರೋಫಿಯಲ್ಲಿ ಆಡಿದ್ದರು. ಈ 21 ವರ್ಷದ ಆಟಗಾರ್ತಿಯ ಕನಸು ಟೀಮ್ ಇಂಡಿಯಾಗೆ ವಿಶ್ವಕಪ್ ಗೆಲ್ಲಿಸಿಕೊಡುವುದಾಗಿದ್ದು, ಮಹಿಳಾ ಪ್ರೀಮಿಯರ್ ಲೀಗ್ನಲ್ಲಿ ಮಿಂಚುವ ಮೂಲಕ ಆ ಕನಸನ್ನು ನನಸು ಮಾಡಿಕೊಳ್ಳಲು ಶೇಖ್ ಹೊರಾಡಲಿದ್ದಾರೆ.