WPL 2027: ಯಾವ ತಂಡ ಎಷ್ಟು ಆಟಗಾರ್ತಿಯರನ್ನು ಖರೀದಿಸಬಹುದು? ಇಲ್ಲಿದೆ ಮಾಹಿತಿ
ವುಮೆನ್ಸ್ ಪ್ರೀಮಿಯರ್ ಲೀಗ್ನ ಐದನೇ ಸೀಸನ್ನ ಮಿನಿ ಹರಾಜು ಪ್ರಕ್ರಿಯೆ ಅಕ್ಟೋಬರ್ 28, 2026 ರಂದು ಕೇರಳದ ಕೊಚ್ಚಿಯ ಗ್ರಾಂಡ್ ಹ್ಯಾಟ್ ಹೋಟೆಲ್ನಲ್ಲಿ ನಡೆಯಲಿದೆ. ಈ ಹರಾಜಿನಲ್ಲಿ 27 ಸ್ಲಾಟ್ಗಳಿಗಾಗಿ ಬಿಡ್ಡಿಂಗ್ ನಡೆಯಲಿದೆ. ಅಂದರೆ ಐದು ಫ್ರಾಂಚೈಸಿಗಳಲ್ಲಿ ಕೇವಲ 27 ಸ್ಥಾನಗಳು ಮಾತ್ರ ಖಾಲಿ ಇದೆ.
ವುಮೆನ್ಸ್ ಪ್ರೀಮಿಯರ್ ಲೀಗ್ 2027ರ ಸೀಸನ್ಗಾಗಿ ಎಲ್ಲಾ 5 ಫ್ರಾಂಚೈಸಿಗಳು ತಾವು ಉಳಿಸಿಕೊಂಡಿರುವ ಮತ್ತು ಬಿಡುಗಡೆ ಮಾಡಿರುವ ಆಟಗಾರ್ತಿಯರ ಅಧಿಕೃತ ಪಟ್ಟಿಯನ್ನು ಪ್ರಕಟಿಸಿವೆ. ಐದೂ ತಂಡಗಳು ಒಟ್ಟಾಗಿ 23 ವಿದೇಶಿ ಪ್ಲೇಯರ್ಸ್ ಸೇರಿದಂತೆ ಒಟ್ಟು 63 ಆಟಗಾರ್ತಿಯರನ್ನು ತಮ್ಮಲ್ಲೇ ಉಳಿಸಿಕೊಂಡಿವೆ. ಅದರಂತೆ ಮುಂಬರುವ ಮಿನಿ ಹರಾಜಿಗಾಗಿ ಒಟ್ಟು 27 ಸ್ಲಾಟ್ಗಳು ಲಭ್ಯವಿದೆ. ಈ ಲಭ್ಯವಿರುವ 27 ಸ್ಲಾಟ್ಗಳಲ್ಲಿ ಯಾವ ತಂಡ ಎಷ್ಟು ಆಟಗಾರ್ತಿಯರನ್ನು ಖರೀದಿಸಬಹುದು ಎಂಬುದರ ಸಂಪೂರ್ಣ ಮಾಹಿತಿ ಇಲ್ಲಿದೆ... (PC: WPL)
ಯುಪಿ ವಾರಿಯರ್ಸ್ (UPW): ಈ ತಂಡವು ಹರಾಜಿನಲ್ಲಿ ಅತಿ ಹೆಚ್ಚು ಅಂದರೆ 3.65 ಕೋಟಿ ರೂ. ಗಳ ಪರ್ಸ್ ಮೊತ್ತ ಹೊಂದಿದ್ದು, ಒಟ್ಟು 7 ಆಟಗಾರ್ತಿಯರನ್ನು ಖರೀದಿಸಲು ಅವಕಾಶವಿದೆ. ಇದರಲ್ಲಿ ಗರಿಷ್ಠ 2 ವಿದೇಶಿ ಆಟಗಾರ್ತಿಯರನ್ನು ತಂಡಕ್ಕೆ ಸೇರಿಸಿಕೊಳ್ಳಬಹುದು. (PC: WPL)
ಡೆಲ್ಲಿ ಕ್ಯಾಪಿಟಲ್ಸ್ (DC): ಕಳೆದ ಸೀಸನ್ನ ರನ್ನರ್-ಅಪ್ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ತನ್ನ ಪರ್ಸ್ನಲ್ಲಿ 1.10 ಕೋಟಿ ರೂ. ಹಣವನ್ನು ಹೊಂದಿದ್ದು, ಮುಂಬರುವ ಹರಾಜಿನಲ್ಲಿ ಒಟ್ಟು 5 ಆಟಗಾರ್ತಿಯರನ್ನು ತನ್ನದಾಗಿಸಿಕೊಳ್ಳಬಹುದು. ಈ ಐದರಲ್ಲಿ 1 ವಿದೇಶಿ ಸ್ಲಾಟ್ ಸೇರಿದೆ. (PC: WPL)
ಗುಜರಾತ್ ಜೈಂಟ್ಸ್ (GG): ಹರಾಜಿಗೆ ಮುನ್ನ 1.25 ಕೋಟಿ ರೂ. ಹಣವನ್ನು ಉಳಿಸಿಕೊಂಡಿರುವ ಗುಜರಾತ್ ಜೈಂಟ್ಸ್ಗ ಫ್ರಾಂಚೈಸಿಯು ಅತ್ಯಂತ ಕಡಿಮೆ ಅಂದರೆ ಕೇವಲ 3 ಆಟಗಾರ್ತಿಯರನ್ನು ಮಾತ್ರ ಖರೀದಿಸಬೇಕಾಗಿದೆ. ಈ ಮೂವರಲ್ಲಿ 1 ವಿದೇಶಿ ಆಟಗಾರ್ತಿಯ ಸ್ಲಾಟ್ ಲಭ್ಯವಿದೆ. (PC: WPL)
ಮುಂಬೈ ಇಂಡಿಯನ್ಸ್ (MI): ಈ ಬಾರಿ ಎಲ್ಲಾ ತಂಡಗಳಿಗಿಂತ ಅತ್ಯಂತ ಕಡಿಮೆ ಅಂದರೆ ಕೇವಲ 1.00 ಕೋಟಿ ರೂ. ಪರ್ಸ್ ಮೊತ್ತ ಹೊಂದಿರುವ ಮುಂಬೈ ಇಂಡಿಯನ್ಸ್, ಹರಾಜಿನಲ್ಲಿ ಗರಿಷ್ಠ 7 ಆಟಗಾರ್ತಿಯರನ್ನು ಖರೀದಿಸಬಹುದಾಗಿದೆ. ಈ ಏಳು ಸ್ಲಾಟ್ಗಳಲ್ಲಿ ಒಬ್ಬರು ವಿದೇಶಿ ಆಟಗಾರ್ತಿಯನ್ನೂ ಸಹ ಖರೀದಿಸಲು ಅವಕಾಶವಿದೆ. (PC: WPL)
ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB): ಹಾಲಿ ಚಾಂಪಿಯನ್ಸ್ ಆರ್ಸಿಬಿ ಬಳಿ ಪ್ರಸ್ತುತ 1.15 ಕೋಟಿ ರೂ. ಬಾಕಿ ಉಳಿದಿದ್ದು, ಹರಾಜಿನಲ್ಲಿ ಒಟ್ಟು 5 ಆಟಗಾರ್ತಿಯರನ್ನು ಖರೀದಿಸಬಹುದಾಗಿದೆ. ಇದರಲ್ಲಿ 2 ವಿದೇಶಿ ಆಟಗಾರ್ತಿಯರ ಸ್ಲಾಟ್ಗಳು ಸೇರಿವೆ.