Mussoorie Tourism: ಮುಸ್ಸೂರಿಯಲ್ಲಿ ನೀವು ಭೇಟಿ ನೀಡಬಹುದಾದ ಸುಂದರ ತಾಣಗಳ ಮಾಹಿತಿ ಇಲ್ಲಿದೆ
ಮುಸ್ಸೂರಿಯು ಉತ್ತರಾಖಂಡ ರಾಜ್ಯದ ಒಂದು ಸುಂದರವಾದ ಗಿರಿಧಾಮವಾಗಿದೆ. ದೆಹಲಿಯಿಂದ ಕೆಲವು ಕಿಲೋಮೀಟರ್‌ಗಳ ದೂರದಲ್ಲಿರುವ ಮುಸ್ಸೂರಿಗೆ ನೀವು ನಿಮ್ಮ ಸಂಗಾತಿ ಅಥವಾ ಸ್ನೇಹಿತರು, ಕುಟುಂಬದವರೊಂದಿಗೆ ಪ್ರಯಾಣ ಬೆಳೆಸಬಹುದಾಗಿದೆ.
ಈ ರಮಣೀಯ ಸ್ಥಳವು ಗರ್ವಾಲ್ ಹಿಮಾಲಯ ಶ್ರೇಣಿಗಳ ತಪ್ಪಲಿನಲ್ಲಿದ್ದು, "ದಿ ಕ್ವೀನ್ ಆಫ್ ಹಿಲ್ಸ್" ಎಂಬ ಹೆಸರು ಕೂಡ ಇದೆ. ಇಲ್ಲಿಗೆ ಭೇಟಿ ನೀಡಲು ಉತ್ತಮ ಸಮಯವೆಂದರೆ ಮಾರ್ಚ್ ಮಧ್ಯದಿಂದ ನವೆಂಬರ್ ಮಧ್ಯದವರೆಗೆ. ಜಲಪಾತಗಳಿಂದ ಹಿಡಿದು ಸುಂದರವಾದ ಕಣಿವೆಗಳವರೆಗೆ ನೀವಿಲ್ಲಿ ಕಣ್ತುಂಬಿಕೊಳ್ಳಬಹುದು.
ಕೆಂಪ್ಟಿ ಜಲಪಾತ: ಇದು ಸಮುದ್ರ ಮಟ್ಟದಿಂದ 4500 ಅಡಿ ಎತ್ತರದಲ್ಲಿದೆ. ಈ ಪ್ರಶಾಂತ ಜಲಪಾತವು ಬೆಟ್ಟಗಳ ನಡುವಿನಿಂದ ಬೀಳುವ ನೀರಿನ ಶಬ್ದದೊಂದಿಗೆ ಹಿತವಾದ ಅನುಭವವನ್ನು ನೀಡುತ್ತದೆ. ನೀವು ಮಸ್ಸೂರಿಗೆ ಭೇಟಿ ನೀಡಿದಾಗ ಈ ತಾಣವನ್ನು ಮರೆಯದಿರಿ.
ಗನ್ ಹಿಲ್: ಮಸ್ಸೂರಿಯಲ್ಲಿರುವ ಈ ಪ್ರವಾಸಿ ತಾಣವು ಬ್ರಿಟಿಷರ ವಸಾಹತುಶಾಹಿಯ ಸಮಯದಲ್ಲಿ ಕ್ಯಾನನ್‌ಗಳ ಗುಂಡಿನ ದಾಳಿಯಿಂದ ಈ ಹೆಸರನ್ನು ಪಡೆದುಕೊಂಡಿದೆ. ಸುತ್ತಮುತ್ತಲಿನ ಪ್ರದೇಶದ ಅದ್ಭುತ ನೋಟಗಳನ್ನು ನೀವಿಲ್ಲಿ ಕಣ್ತುಂಬಿಸಿಕೊಳ್ಳಬಹುದು.
ಸರ್ ಜಾರ್ಜ್ ಎವರೆಸ್ಟ್ ಹೌಸ್: ಮಸ್ಸೂರಿಯಲ್ಲಿರುವ ಈ ಪ್ರವಾಸಿ ಆಕರ್ಷಣೆಯು ತನ್ನ ಇತಿಹಾಸ, ಪ್ರಕೃತಿ ಮತ್ತು ಚಾರಣಕ್ಕೆ ಹೆಸರುವಾಸಿಯಾಗಿದೆ. ಇದು 18 ನೇ ಶತಮಾನದಲ್ಲಿ ನಿರ್ಮಿಸಲಾಯಿತು ಮತ್ತು ಸುಮಾರು 30 ವರ್ಷಗಳ ಕಾಲ ಮಸ್ಸೂರಿಯಲ್ಲಿ ತಂಗಿದ್ದ ಸರ್ವೇಯರ್ ಮತ್ತು ಭೂಗೋಳಶಾಸ್ತ್ರಜ್ಞ ಸರ್ ಜಾರ್ಜ್ ಎವರೆಸ್ಟ್ ಅವರಿಗೆ ಸೇರಿತ್ತು ಎಂದು ಹೇಳಲಾಗಿದೆ.
ಲಾಲ್ ಟಿಬ್ಬಾ: ಮಸ್ಸೂರಿಯಲ್ಲಿರುವ ಈ ಪ್ರಸಿದ್ಧ ಶಿಖರವು ಸಮುದ್ರ ಮಟ್ಟದಿಂದ ಅತ್ಯಂತ ಎತ್ತರದಲ್ಲಿದೆ ಮತ್ತು ಪರ್ವತಗಳು, ಕೇದಾರನಾಥ ಮತ್ತು ಬದರಿನಾಥಗಳ ಸುಂದರ ನೋಟಗಳನ್ನು ನಿಮಗಿಲ್ಲಿ ಒದಗಿಸುತ್ತದೆ.
ಮಸ್ಸೂರಿ ಸರೋವರ: ಮಸ್ಸೂರಿಯಿಂದ ಸುಮಾರು 6 ಕಿಲೋಮೀಟರ್ ದೂರದಲ್ಲಿರುವ ಈ ಸರೋವರವು ಸುತ್ತಮುತ್ತಲಿನ ಪ್ರಸಿದ್ಧ ತಾಣವಾಗಿದೆ. ಸರೋವರವು ನೈಸರ್ಗಿಕ ಜಲಪಾತಗಳಿಂದ ರಚಿಸಲ್ಪಟ್ಟಿದೆ. ನೀವಿಲ್ಲಿ ದೋಣಿ ಸವಾರಿ ಮಾಡಬಹುದು.
ಕ್ರೈಸ್ಟ್ ಚರ್ಚ್: ಮಸ್ಸೂರಿಯಲ್ಲಿರುವ ಈ ಪ್ರಸಿದ್ಧ ಚರ್ಚ್ 18 ನೇ ಶತಮಾನದಲ್ಲಿ ನಿರ್ಮಿಸಲಾಯಿತು ಮತ್ತು ಇದು ಬ್ರಿಟಿಷರ ಕಾಲದ ಅತ್ಯಂತ ಹಳೆಯ ಚರ್ಚ್‌ಗಳಲ್ಲಿ ಒಂದಾಗಿದೆ. ಚರ್ಚ್‌ನ ಗೋಥಿಕ್ ವಾಸ್ತುಶಿಲ್ಪ ಮತ್ತು ರಚನೆಗಳು ಭೇಟಿ ನೀಡಲು ಯೋಗ್ಯವಾಗಿದೆ.
Published On - 3:57 pm, Fri, 10 February 23