ಭಾರತದ ಶೀಮಂತ ಕ್ರಿಕೆಟಿಗ ಯಾರು ಗೊತ್ತಾ? ಕೊಹ್ಲಿ, ಧೋನಿ, ಸಚಿನ್ ಎಂದುಕೊಂಡರೆ ಅದು ನಿಮ್ಮ ತಪ್ಪು ಕಲ್ಪನೆ
ಭಾರತದ ನಂಬರ್ ಒನ್ ಕ್ರಿಕೆಟಿಗನ ಸ್ಥಾನಮಾನ 23 ವರ್ಷದ ಕ್ರಿಕೆಟಿಗ ಆರ್ಯಮನ್ ಬಿರ್ಲಾ ಅವರದ್ದಾಗಿದೆ. ಇದಕ್ಕೆ ಕಾರಣ ಅವರ ತಂದೆ ಅಂದರೆ ವ್ಯಾಪಾರ ಉದ್ಯಮಿ ಕುಮಾರ್ ಮಂಗಲಂ ಬಿರ್ಲಾ, ಅವರ ಒಟ್ಟು ಆಸ್ತಿ 70 ಸಾವಿರ ಕೋಟಿ.
ಭಾರತದ ಶ್ರೀಮಂತ ಕ್ರಿಕೆಟಿಗ ಯಾರು? ಈ ಪ್ರಶ್ನೆ ಬಂದ ಕೂಡಲೇ ಅನೇಕರು ವಿರಾಟ್ ಕೊಹ್ಲಿ, ಮಹೇಂದ್ರ ಸಿಂಗ್ ಧೋನಿ ಅಥವಾ ಸಚಿನ್ ತೆಂಡೂಲ್ಕರ್ ಎನ್ನುತ್ತಾರೆ. ಆದರೆ, ಭಾರತೀಯ ಕ್ರಿಕೆಟ್‌ನ ಈ ಎಲ್ಲ ಸೂಪರ್‌ಸ್ಟಾರ್‌ಗಳ ಹೆಸರನ್ನು ಮರೆತುಬಿಡಿ. ಏಕೆಂದರೆ, ಅವರಲ್ಲಿ ಯಾರೂ ಭಾರತದ ಶ್ರೀಮಂತ ಕ್ರಿಕೆಟಿಗರಲ್ಲ. ಈ ಕ್ರಿಕೆಟಿಗರ ಹೆಸರು ಖಂಡಿತವಾಗಿಯೂ ಶ್ರೀಮಂತರ ಪಟ್ಟಿಯಲ್ಲಿದೆ, ಆದರೆ ಅವರು ನಂ.1 ಶ್ರೀಮಂತರಲ್ಲ.
ಭಾರತದ ನಂಬರ್ ಒನ್ ಕ್ರಿಕೆಟಿಗನ ಸ್ಥಾನಮಾನ 23 ವರ್ಷದ ಕ್ರಿಕೆಟಿಗ ಆರ್ಯಮನ್ ಬಿರ್ಲಾ ಅವರದ್ದಾಗಿದೆ. ಇದಕ್ಕೆ ಕಾರಣ ಅವರ ತಂದೆ ಅಂದರೆ ವ್ಯಾಪಾರ ಉದ್ಯಮಿ ಕುಮಾರ್ ಮಂಗಲಂ ಬಿರ್ಲಾ, ಅವರ ಒಟ್ಟು ಆಸ್ತಿ 70 ಸಾವಿರ ಕೋಟಿ.
ಐಪಿಎಲ್ 2018 ರಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡದ ಭಾಗವಾಗಿದ್ದ ಆರ್ಯಮಾನ್ ಬಿರ್ಲಾ ಅವರಿಗೆ ಬಾಲ್ಯದಿಂದಲೂ ಕ್ರಿಕೆಟ್ ಬಗ್ಗೆ ಒಲವು ಇತ್ತು. ಅವರು ಚಿಕ್ಕ ವಯಸ್ಸಿನಿಂದಲೇ ಕ್ರಿಕೆಟ್ ತರಬೇತಿಯನ್ನು ಪ್ರಾರಂಭಿಸಿದರು. ಮಧ್ಯಪ್ರದೇಶದ ರಣಜಿ ತಂಡದಲ್ಲಿ ಆಯ್ಕೆಯಾದಾಗ ಅವರ ಕಠಿಣ ಪರಿಶ್ರಮಕ್ಕೆ ಪ್ರತಿಫಲವೂ ಸಿಕ್ಕಿತು. ಸಿಕೆ ನಾಯ್ಡು ಟ್ರೋಫಿಯ 6 ಪಂದ್ಯಗಳ 11 ಇನ್ನಿಂಗ್ಸ್‌ಗಳಲ್ಲಿ ಅವರು 79.50 ಸರಾಸರಿಯಲ್ಲಿ 795 ರನ್ ಗಳಿಸಿದ್ದಾರೆ. ಇದಲ್ಲದೆ, ಕಿರಿಯರ ಮಟ್ಟದಲ್ಲಿಯೂ ಆರ್ಯಮಾನ್ ಹೆಸರಿನಲ್ಲಿ ಮಧ್ಯಪ್ರದೇಶಕ್ಕೆ 4 ಶತಕ ಮತ್ತು 1 ಅರ್ಧಶತಕ ನೋಂದಾಯಿಸಲಾಗಿದೆ. ಭಾರತೀಯ ಕ್ರಿಕೆಟ್‌ನ ಶ್ರೀಮಂತ ಆಟಗಾರ ಪ್ರಸ್ತುತ ಕ್ರಿಕೆಟ್‌ನಿಂದ ವಿರಾಮ ತೆಗೆದುಕೊಂಡಿದ್ದಾರೆ.
ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಭಾರತದ ಶ್ರೀಮಂತ ಕ್ರಿಕೆಟಿಗರ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದ್ದು, ಒಟ್ಟು 1090 ಕೋಟಿ ರೂ. ಆಸ್ತಿ ಹೊಂದಿದ್ದಾರೆ. ಸಚಿನ್ ನಿಸ್ಸಂದೇಹವಾಗಿ ಕ್ರಿಕೆಟ್‌ನಿಂದ ನಿವೃತ್ತರಾಗಿದ್ದಾರೆ ಆದರೆ ಅವರ ಗಳಿಕೆಯ ಹಾದಿ ಇನ್ನೂ ಮುಕ್ತವಾಗಿದೆ. ಅವರು ಜಾಹೀರಾತುಗಳು, ಫ್ಯಾಷನ್ ಮತ್ತು ವಾಣಿಜ್ಯ ಬ್ರಾಂಡ್‌ಗಳು ಮತ್ತು ಪ್ರಾಯೋಜಕತ್ವದ ಮೂಲಕ ಹಣವನ್ನು ಸಂಪಾದಿಸುತ್ತಿದ್ದಾರೆ.
ಎಂಎಸ್ ಧೋನಿ ಭಾರತದ ಮಾಜಿ ನಾಯಕ ಮತ್ತು ವಿಶ್ವದ ಮೂರು ಪ್ರಮುಖ ಐಸಿಸಿ ಪ್ರಶಸ್ತಿಗಳನ್ನು ಗೆದ್ದ ಏಕೈಕ ನಾಯಕ. ಸಚಿನ್ ನಂತರ, ಶ್ರೀಮಂತ ಭಾರತೀಯ ಕ್ರಿಕೆಟಿಗರ ಪಟ್ಟಿಯಲ್ಲಿ 3ನೇ ಸ್ಥಾನದಲ್ಲಿದ್ದಾರೆ. ಧೋನಿ ಅವರ ಒಟ್ಟು ಆದಾಯ 767 ಕೋಟಿ ರೂ.
ವಿರಾಟ್ ಕೊಹ್ಲಿ. ಈ ಹೆಸರು ಇದೀಗ ಕ್ರಿಕೆಟ್ ಜಗತ್ತಿನಲ್ಲಿ ಜನಪ್ರಿಯವಾಗಿದೆ. ಆದಾಗ್ಯೂ, ಅವರ ಒಟ್ಟು ಸಂಪತ್ತು ಈ ಸಮಯದಲ್ಲಿ ಸಚಿನ್ ಮತ್ತು ಧೋನಿಗಿಂತ ಕಡಿಮೆಯಾಗಿದೆ. ವಿರಾಟ್ ಕೊಹ್ಲಿಯ ಸಂಪೂರ್ಣ ಸಂಪತ್ತು 638 ಕೋಟಿ ರೂ. ಇವುಗಳಲ್ಲಿ ಅವರ ಸ್ವಂತ ಫ್ಯಾಷನ್ ಬ್ರಾಂಡ್ ರೊಂಗ್ (ರೊಗ್ನ್), ಪೂಮಾ ಅವರೊಂದಿಗಿನ ಪಾಲುದಾರಿಕೆ ಸೇರಿವೆ. ವಿರಾಟ್ ಕೊಹ್ಲಿ ಪ್ರಸ್ತುತ ಫೋರ್ಬ್ಸ್‌ನ ಅತಿ ಹೆಚ್ಚು ಸಂಭಾವನೆ ಪಡೆಯುವ ಕ್ರೀಡಾಪಟುಗಳ ಪಟ್ಟಿಯಲ್ಲಿ 66 ನೇ ಸ್ಥಾನದಲ್ಲಿದ್ದಾರೆ.