ಸೇಲ್ ಅಲರ್ಟ್: ಭಾರತದಲ್ಲಿ ಪೋಕೋ X6-ಪೋಕೋ X6 ಪ್ರೊ ಮಾರಾಟ ಇಂದಿನಿಂದ ಆರಂಭ
Poco X6-Poco X6 Pro First Sale: ಪೋಕೋ X6-ಪೋಕೋ X6 ಪ್ರೊ ಫೋನ್‌ಗಳು ಇಂದಿನಿಂದ ಫ್ಲಿಪ್‌ಕಾರ್ಟ್ ಮೂಲಕ ಮಾರಾಟವಾಗಲಿದೆ. ಗ್ರಾಹಕರು ICICI ಬ್ಯಾಂಕ್ ಕ್ರೆಡಿಟ್, ಡೆಬಿಟ್ ಕಾರ್ಡ್ ಮತ್ತು EMI ವಹಿವಾಟುಗಳ ಮೇಲೆ 2,000 ರೂ. ತ್ವರಿತ ರಿಯಾಯಿತಿ ಪಡೆಯಬಹುದು.
ಪ್ರಸಿದ್ಧ ಪೋಕೋ ಕಂಪನಿ ಇತ್ತೀಚೆಗಷ್ಟೆ ಭಾರತದಲ್ಲಿ ಪೋಕೋ X6 ಮತ್ತು ಪೋಕೋ X6 ಪ್ರೊ ಎಂಬ ಎರಡು ಹೊಸ ಸ್ಮಾರ್ಟ್ಫೋನ್ಗಳನ್ನು ಬಿಡುಗಡೆ ಮಾಡಿತ್ತು. ಉತ್ತಮ ಡಿಸ್ಪ್ಲೇ ಬಲಿಷ್ಠ ಬ್ಯಾಟರಿ ಆಯ್ಕೆ ಇರುವ ಈ ಎರಡೂ ಫೋನುಗಳು ಇಂದಿನಿಂದ ದೇಶದಲ್ಲಿ ಮಾರಾಟ ಕಾಣಲಿದೆ.
ಭಾರತದಲ್ಲಿ ಪೋಕೋ X6 ಪ್ರೊ ಎರಡು ಸ್ಟೋರೇಜ್ ಆಯ್ಕೆಯಲ್ಲಿ ಲಭ್ಯವಿದೆ. ಇದರ 8GB RAM + 256GB ಸ್ಟೋರೇಜ್ ಕಾನ್ಫಿಗರೇಶನ್‌ಗೆ 24,999ರೂ. ಇದೆ. ಅಂತೆಯೆ 12GB RAM + 512GB ರೂಪಾಂತವನ್ನು 26,999 ರೂ. ಗೆ ಖರೀದಿಸಬಹುದು. ಇದು ಹಳದಿ, ರೇಸಿಂಗ್ ಗ್ರೇ ಮತ್ತು ಸ್ಪೆಕ್ಟರ್ ಕಪ್ಪು ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿರುತ್ತದೆ.
ಮತ್ತೊಂದೆಡೆ, ಪೋಕೋ X6 ಫೋನ್ 8GB RAM + 256GB ಮತ್ತು 12GB RAM + 256GB ಸ್ಟೋರೇಜ್ ಮಾದರಿಗಳಲ್ಲಿ ಲಭ್ಯವಿದೆ. ಇದರ ಬೆಲೆ ಕ್ರಮವಾಗಿ ರೂ. 18,999 ಮತ್ತು 21,999 ರೂ. ಆಗಿದೆ. ಅಂತೆಯೆ 12GB RAM ಮತ್ತು 512GB ಅಂತರ್ಗತ ಸಂಗ್ರಹಣೆಯೊಂದಿಗೆ ಟಾಪ್-ಆಫ್-ಲೈನ್ ರೂಪಾಂತರವೂ ಲಭ್ಯವಿದೆ, ಇದರ ಬೆಲೆ ರೂ. 22,999 ಆಗಿದೆ.
ಪೋಕೋ X6-ಪೋಕೋ X6 ಪ್ರೊ ಫೋನ್‌ಗಳು ಇಂದಿನಿಂದ ಫ್ಲಿಪ್‌ಕಾರ್ಟ್ ಮೂಲಕ ಮಾರಾಟವಾಗಲಿದೆ. ಗ್ರಾಹಕರು ICICI ಬ್ಯಾಂಕ್ ಕ್ರೆಡಿಟ್, ಡೆಬಿಟ್ ಕಾರ್ಡ್ ಮತ್ತು EMI ವಹಿವಾಟುಗಳ ಮೇಲೆ 2,000 ರೂ. ತ್ವರಿತ ರಿಯಾಯಿತಿ ಪಡೆಯಬಹುದು.
ಪೋಕೋ X6 ಪ್ರೊ ಮತ್ತು ಪೋಕೋ X6 ಫೋನ್ ಆಂಡ್ರಾಯ್ಡ್ 14-ಆಧಾರಿತ HyperOS ಔಟ್-ಆಫ್-ಬಾಕ್ಸ್‌ನಲ್ಲಿ ಕಾರ್ಯನಿರ್ವಹಿಸುತ್ತವೆ. 6.67-ಇಂಚಿನ 1.5K (1,220×2,712 ಪಿಕ್ಸೆಲ್‌ಗಳು) ಡಿಸ್‌ಪ್ಲೇಗಳನ್ನು 120Hz ರಿಫ್ರೆಶ್ ರೇಟ್ ನಿಂದ ನೀಡಿದೆ. ಪೋಕೋ X6 ಪ್ರೊ ಡೈಮನ್ಸಿಟಿ 8300-Ultra SoC ಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಪೋಕೋ X6 ಸ್ನಾಪ್ಡ್ರಾಗನ್ 7s Gen 2 ಚಿಪ್‌ನಿಂದ ಚಾಲಿತವಾಗಿದೆ.
ಫೋಟೋಗಳು ಮತ್ತು ವಿಡಿಯೋಗಳಿಗಾಗಿ, ಪೋಕೋ X6 ಮತ್ತು X6 ಪ್ರೊ OIS ಜೊತೆಗೆ 64-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ, 8-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್-ಆಂಗಲ್ ಕ್ಯಾಮೆರಾ ಮತ್ತು 2-ಮೆಗಾಪಿಕ್ಸೆಲ್ ಮ್ಯಾಕ್ರೋ ಕ್ಯಾಮೆರಾವನ್ನು ಹೊಂದಿದೆ. ಸೆಲ್ಫಿಗಳು ಮತ್ತು ವಿಡಿಯೋ ಕರೆಗಾಗಿ, ಎರಡೂ ಫೋನ್‌ಗಳು 16-ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾವನ್ನು ಹೊಂದಿವೆ.
ಕನೆಕ್ಟಿವಿಟಿ ಆಯ್ಕೆಗಳು 5G, 4G LTE, ಬ್ಲೂಟೂತ್, NFC, GPS ಮತ್ತು USB ಟೈಪ್-C ಪೋರ್ಟ್ ಅನ್ನು ಒಳಗೊಂಡಿವೆ. 3.5mm ಹೆಡ್‌ಫೋನ್ ಜ್ಯಾಕ್‌ನೊಂದಿಗೆ ಬರುತ್ತದೆ. ಅಂಡರ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಸೇರಿವೆ. ಪೋಕೋ X6 ಪ್ರೊ ಮತ್ತು ಪೋಕೋ X6 ಕ್ರಮವಾಗಿ 5,000mAh ಮತ್ತು 5,100mAh ಬ್ಯಾಟರಿಗಳನ್ನು ಹೊಂದಿದೆ. ಇವುಗಳನ್ನು 67W ನಲ್ಲಿ ಚಾರ್ಜ್ ಮಾಡಬಹುದು.