Jio Valentine’s Day Offer: ವ್ಯಾಲೆಂಟೈನ್ಸ್ ಡೇಗೆ ಜಿಯೋದಿಂದ ಧಮಕಾ ಆಫರ್ ಘೋಷಣೆ: ಕೂಡಲೇ ರಿಚಾರ್ಜ್ ಮಾಡಿರಿ
Reliance JIO Offer: ಹೊಸ ವರ್ಷಕ್ಕೆ ನ್ಯೂ ಈಯರ್ ಆಫರ್ ನೀಡಿದ್ದ ಜಿಯೋ ಇದೀಗ ವ್ಯಾಲೆಂಟೈನ್ಸ್ ಡೇಗೆ ಹೆಚ್ಚುವರಿ ಡೇಟಾ, ಗಿಫ್ಟ್, ಫುಡ್‌ ಆರ್ಡರ್‌ಗಳನ್ನು ಮಾಡಬಹುದಾದ ವಿಶೇಷ ಆಫರ್ ಪರಿಚಯಿಸಿದೆ. ಜಿಯೋ ಬಳಕೆದಾರರು 249 ರೂ., 899 ರೂ., ಮತ್ತು 2,999 ರೂ. ಗಳ ರೀಚಾರ್ಜ್ ಯೋಜನೆ ಮೂಲಕ ಇದರ ಪ್ರಯೋಜನ ಪಡೆಯಬಹುದು.
ಸಾಮಾನ್ಯವಾಗಿ ವ್ಯಾಲೆಂಟೈನ್ಸ್ ಡೇಗೆ ಇ ಕಾಮರ್ಸ್ ತಾಣಗಳು ಹೊಸ ಮೇಳವನ್ನು ಆಯೋಜಿಸುವುದು ವಾಡಿಕೆ. ಹಾಗಂತ ಟೆಲಿಕಾಂ ಕಂಪಪನಿಗಳು ವಿಶೇಷ ದಿನಕ್ಕೆ ಯಾವುದೇ ಆಫರ್ಗಳನ್ನು ಬಿಡುಗಡೆ ಮಾಡುವುದಿಲ್ಲ. ಆದರೆ, ರಿಲಯನ್ಸ್ ಒಡೆತನದ ಜಿಯೋ ಇದೇ ಮೊದಲ ಬಾರಿಗೆ ವ್ಯಾಲೆಂಟೈನ್ಸ್ ಡೇ ದಿನದಂದು ತನ್ನ ಬಳಕೆದಾರರಿಗೆ ಧಮಾಕ ಆಫರ್ ಅನ್ನು ಘೋಷಿಸಿದೆ.
ಹೌದು, ಇತ್ತೀಚೆಗಷ್ಟೆ ಹೊಸ ವರ್ಷಕ್ಕೆ ನ್ಯೂ ಈಯರ್ ಆಫರ್ ನೀಡಿದ್ದ ಜಿಯೋ ಇದೀಗ ವ್ಯಾಲೆಂಟೈನ್ಸ್ ಡೇಗೆ ಹೆಚ್ಚುವರಿ ಡೇಟಾ, ಗಿಫ್ಟ್, ಫುಡ್‌ ಆರ್ಡರ್‌ಗಳನ್ನು ಮಾಡಬಹುದಾದ ವಿಶೇಷ ಆಫರ್ ಪರಿಚಯಿಸಿದೆ. ಜಿಯೋ ಬಳಕೆದಾರರು 249 ರೂ., 899 ರೂ., ಮತ್ತು 2,999 ರೂ. ಗಳ ರೀಚಾರ್ಜ್ ಯೋಜನೆ ಮೂಲಕ ಇದರ ಪ್ರಯೋಜನ ಪಡೆಯಬಹುದು.
ಜಿಯೋ ವ್ಯಾಲೆಂಟೈನ್ಸ್ ಡೇಯ ಈ ಆಫರ್ಗಳನ್ನು ನೀವು ಮೈ ಜಿಯೋ ಆಪ್ನ 'ವೋಚರ್' ವಿಭಾಗಕ್ಕೆ ಹೋಗಿ ತಿಳಿಯಬಹುದು. ಜಿಯೋ ಹೇಳಿರುವ ಪ್ರಕಾರ ಬಳಕೆದಾರರು ಹೆಚ್ಚುವರಿಯಾಗಿ 12GB 4G ಡೇಟಾ ಪಡೆಯಬಹುದು.
ಅಂತೆಯೆ 4,500 ಅಥವಾ ಅದಕ್ಕಿಂತ ಹೆಚ್ಚಿನ ದರದ ಫ್ಲೈಟ್ ಬುಕಿಂಗ್‌ನಲ್ಲಿ 750 ರೂ. ವರೆಗೆ ವರೆಗೆ ಡಿಸ್ಕೌಂಟ್, ಫರ್ನ್ಸ್ ಮತ್ತು ಪೆಟಲ್ಸ್‌ನಿಂದ 799 ರೂ. ಗಳ ಕನಿಷ್ಠ ಆರ್ಡರ್‌ನಲ್ಲಿ 150 ರೂ. ಗಳ ರಿಯಾಯಿತಿ ಹಾಗೂ 199 ಅಥವಾ ಅದಕ್ಕೂ ಹೆಚ್ಚಿನ ಮೌಲ್ಯದ ಆಹಾರ ಖರೀದಿ ಮಾಡಿದರೆ ಮೆಕ್‌ಡೊನಾಲ್ಡ್ಸ್‌ನಲ್ಲಿ 105 ರೂ. ಬೆಲೆಯ ಉಚಿತ ಬರ್ಗರ್‌ ಸಿಗುತ್ತದೆ.
ಈ ಎಲ್ಲಾ ಆಫರ್ಗಳು 249 ರೂ., 899 ರೂ. ಹಾಗೂ 2,999 ರೂ. ಗಳ ರೀಚಾರ್ಜ್ ಯೋಜನೆಗಳ ಮೇಲೆ ಮಾತ್ರ ಲಭ್ಯವಿದೆ. ಫೆಬ್ರವರಿ 10 ಅಥವಾ ನಂತರ ರೀಚಾರ್ಜ್ ಮಾಡುವ ಬಳಕೆದಾರರಿಗೆ ಮಾತ್ರ ಈ ಕೊಡುಗೆ ಸಿಗುತ್ತಿದೆ.
249 ರೂ. ಗಳ ರೀಚಾರ್ಜ್ ಪ್ಲಾನ್ನಲ್ಲಿ ಬಳಕೆದಾರರು ಪ್ರತಿದಿನ 2GB ಡೇಟಾ ಪ್ರಯೋಜನ ಪಡೆಯಬಹುದಾಗಿದ್ದು, ಇದು 23 ದಿನಗಳ ವ್ಯಾಲಿಡಿಯನ್ನು ಹೊಂದಿದೆ. ಈ ಯೋಜನೆಯು ಅನಿಯಮಿತ ಕರೆ ಮತ್ತು ಉಚಿತ ಎಸ್‌ಎಮ್‌ಎಸ್‌ ಪ್ರಯೋಜನವನ್ನು ಹೊಂದಿದೆ.
ಇನ್ನು 899 ರೂ. ಗಳ ರೀಚಾರ್ಜ್ ಪ್ಲಾನ್ನಲ್ಲಿ ಬಳಕೆದಾರರು ಒಟ್ಟು 225GB ಡೇಟಾವನ್ನು ಪಡೆಯಬಹುದಾಗಿದೆ. ಇದರೊಂದಿಗೆ ಅನಿಯಮಿತ ಕರೆ ಸೌಲಭ್ಯ ಮತ್ತು ದಿನಕ್ಕೆ 100 ಎಸ್‌ಎಮ್‌ಎಸ್‌ ಉಚಿತವಾಗಿ ಅನ್ನು ಕಳುಹಿಸಬಹುದಾಗಿದೆ. ಈ ಯೋಜನೆಯು 90 ದಿನಗಳ ವ್ಯಾಲಿಡಿಯನ್ನು ಹೊಂದಿದೆ.
ಕೊನೆಯದಾಗಿ 2,999 ರೂ. ಗಳ ಯೋಜನೆ ಮೂಲಕ ಗ್ರಾಹಕರು ದಿನಕ್ಕೆ 2.5GB ಡೇಟಾವನ್ನು ಪಡೆಯಬಹುದಾಗಿದ್ದು, ಇದರೊಂದಿಗೆ ಅನಿಯಮಿತ ಕರೆ ಹಾಗೂ ಎಸ್‌ಎಮ್‌ಎಸ್‌ ಸೇವೆ ಲಭ್ಯವಿರಲಿದೆ. ಇದರ ಹೊರತಾಗಿ ಓಟಿಟಿ ಆಯ್ಕೆ ನೀಡಲಾಗಿದ್ದು, ಡಿಸ್ನಿ+ ಹಾಟ್‌ಸ್ಟಾರ್ ಚಂದಾದಾರಿಕೆ ಪಡೆಯಬಹುದು. ಈ ಯೋಜನೆ ಒಂದು ವರ್ಷದ ಅಂದರೆ 365 ದಿನಗಳ ವ್ಯಾಲಿಡಿಯನ್ನು ಪಡೆದಿದೆ.
Published On - 12:37 pm, Tue, 14 February 23