Kabzaa Movie: ‘ಕಬ್ಜ’ ಚಿತ್ರದಲ್ಲಿ ವಿಂಟೇಜ್ ಕಾರುಗಳ ಕಾರುಬಾರು; ರೆಟ್ರೋ ಕಥೆಗೆ ಮೆರುಗು ತಂದ ವಾಹನಗಳು
Upendra | R. Chandru: ‘ಕಬ್ಜ’ ಸಿನಿಮಾದ ತೆರೆ ಹಿಂದೆ ಸಾಕಷ್ಟು ಇಂಟರೆಸ್ಟಿಂಗ್ ವಿಚಾರಗಳಿವೆ. ಈ ಚಿತ್ರದಲ್ಲಿ ಬಳಕೆ ಆಗಿರುವ ಕಾರುಗಳ ಕುರಿತು ಇಲ್ಲಿದೆ ಮಾಹಿತಿ..
ಆರ್. ಚಂದ್ರು ನಿರ್ದೇಶನದ ‘ಕಬ್ಜ’ ಸಿನಿಮಾದ ಕಥೆ 1945ರಿಂದ 1987ರವರೆಗೆ ಸಾಗುತ್ತದೆ. ಆ ಕಥೆಗೆ ಅನುಗುಣವಾಗಿ ಯಾವ ಯಾವ ರೀತಿ ವಾಹನಗಳು ಬರುತ್ತವೋ ಅದನ್ನೆಲ್ಲ ಕಷ್ಟಪಟ್ಟು ಸಂಗ್ರಹಿಸಿ ಶೂಟಿಂಗ್ ಮಾಡಲಾಗಿದೆ.
‘ಕಬ್ಜ’ ಸಿನಿಮಾದ ಚಿತ್ರೀಕರಣಕ್ಕಾಗಿ ‘ಕಲಾ ಫಾರ್ಮ್’ನಿಂದ 30 ವಿಂಟೇಜ್ ಕಾರುಗಳನ್ನ ತರಿಸಲಾಗಿತ್ತು. ಬೇರೆ ಬೇರೆ ಕಡೆಗಳಿಂದ 30 ಲಾರಿಗಳನ್ನ ತರಿಸಿ ಶೂಟಿಂಗ್ ಮಾಡಲಾಗಿದೆ. 300 ಬೈಕ್ಗಳು ಹಾಗೂ 70 ಜೀಪುಗಳು ಬಳಕೆ ಆಗಿವೆ ಎಂಬುದು ವಿಶೇಷ.
ಮುಖ್ಯ ಪಾತ್ರಗಳ ರೀತಿಯೇ ಈ ಸಿನಿಮಾದಲ್ಲಿ ಆ ಕಾಲದ ಕಾರುಗಳು, ಬೈಕ್ಗಳು, ಲಾರಿಗಳು ಗಮನ ಸೆಳೆಯಲಿವೆ. ಈಗಾಗಲೇ ಟ್ರೇಲರ್ನಲ್ಲಿ ಅವುಗಳ ಝಲಕ್ ಕಾಣಿಸಿದೆ. ಮಿರಮಿರ ಮಿಂಚುವ ಕಾರುಗಳು ಹೈಲೈಟ್ ಆಗಿವೆ.
ರೆಟ್ರೋ ಕಾಲದ ಕಥೆಯನ್ನು ತೆರೆಗೆ ತರುವುದು ಸುಲಭ ಅಲ್ಲ. ಆ ಕಾಲದ ರೀತಿ ಕಾಣೋಕೆ ಪ್ರಾಪರ್ಟೀಸ್ ಬಹಳ ಮುಖ್ಯ. ಅದನ್ನೆಲ್ಲ ಹೊಂದಿಸುವಲ್ಲಿ ಆರ್. ಚಂದ್ರು ಟೀಮ್ ಸಿಕ್ಕಾಪಟ್ಟೆ ಎಫರ್ಟ್ ಹಾಕಿದೆ. ಅದಕ್ಕೆ ಈ ಕಾರುಗಳೇ ಸಾಕ್ಷಿ.
ಮಾರ್ಚ್ 17ರಂದು ‘ಕಬ್ಜ’ ಸಿನಿಮಾ ಬಿಡುಗಡೆ ಆಗಲಿದೆ. ಉಪೇಂದ್ರ, ಕಿಚ್ಚ ಸುದೀಪ್, ಶಿವರಾಜ್ಕುಮಾರ್, ಶ್ರೀಯಾ ಶರಣ್ ಮುಂತಾದವರು ಈ ಚಿತ್ರದಲ್ಲಿ ಮುಖ್ಯ ಭೂಮಿಕೆ ನಿಭಾಯಿಸಿದ್ದಾರೆ. ಈಗಾಗಲೇ ಟ್ರೇಲರ್ ಸೂಪರ್ ಹಿಟ್ ಆಗಿದೆ.
Published On - 6:11 pm, Mon, 6 March 23