ಕಾರ್ತಿಕ ಪೂರ್ಣಿಮೆ 2026: ಈ ದಿನ ಅಪ್ಪಿತಪ್ಪಿಯೂ ಕೂಡ ಈ ಕೆಲಸಗಳನ್ನು ಮಾಡಬೇಡಿ!

ಹಿಂದೂ ಧರ್ಮದಲ್ಲಿ ಕಾರ್ತಿಕ ಪೂರ್ಣಿಮೆಗೆ ವಿಶೇಷ ಮಹತ್ವವಿದೆ. ಈ ವರ್ಷ ನವೆಂಬರ್ 24 ರಂದು ಆಚರಿಸಲಾಗುವುದು. ಈ ಪವಿತ್ರ ದಿನದಂದು ನದಿ ಸ್ನಾನ, ದಾನ, ದೀಪದಾನ, ವಿಷ್ಣು-ಲಕ್ಷ್ಮಿ ಪೂಜೆಯಿಂದ ಪಾಪಗಳು ಕಳೆದು ಶುಭ ಫಲ ದೊರೆಯುತ್ತದೆ. ತುಳಸಿ ಎಲೆ ಕೀಳುವುದು, ಮಾಂಸಾಹಾರ ಸೇವನೆ, ಬೆಳ್ಳಿಯ ದಾನ ಮತ್ತು ಅಶುಭ ಬಟ್ಟೆ ಧರಿಸುವುದು ಸೇರಿದಂತೆ ಕೆಲವು ಕಾರ್ಯಗಳನ್ನು ತಪ್ಪಿಸಬೇಕು.

ಕಾರ್ತಿಕ ಪೂರ್ಣಿಮೆ 2026: ಈ ದಿನ ಅಪ್ಪಿತಪ್ಪಿಯೂ ಕೂಡ ಈ ಕೆಲಸಗಳನ್ನು ಮಾಡಬೇಡಿ!
ಕಾರ್ತಿಕ ಪೂರ್ಣಿಮೆ

Updated on: Nov 17, 2026 | 4:27 PM

ಹಿಂದೂ ಧರ್ಮದಲ್ಲಿ ಕಾರ್ತಿಕ ಪೂರ್ಣಿಮೆಗೆ ಅತ್ಯಂತ ವಿಶೇಷವಾದ ಧಾರ್ಮಿಕ ಮಹತ್ವವಿದೆ. ಕಾರ್ತಿಕ ಮಾಸದ ಹುಣ್ಣಿಮೆಯನ್ನು ಅತ್ಯಂತ ಪವಿತ್ರ ಮತ್ತು ಶುಭ ದಿನವೆಂದು ಪರಿಗಣಿಸಲಾಗುತ್ತದೆ. ಈ ದಿನದಂದು ಪವಿತ್ರ ನದಿಗಳಲ್ಲಿ ಸ್ನಾನ ಮಾಡುವುದು, ಬಡವರಿಗೆ ದಾನ ನೀಡುವುದು ಮತ್ತು ದೀಪದಾನ ಮಾಡುವುದರಿಂದ ಸಕಲ ಪಾಪಗಳು ಕಳೆದು ದೇವರ ವಿಶೇಷ ಅನುಗ್ರಹ ದೊರೆಯುತ್ತದೆ ಎಂಬುದು ಭಕ್ತರ ನಂಬಿಕೆ.

ಕಾರ್ತಿಕ ಹುಣ್ಣಿಮೆಯಂದು ಭಗವಾನ್ ವಿಷ್ಣು, ಪರಮೇಶ್ವರ ಹಾಗೂ ಮಹಾಲಕ್ಷ್ಮಿಯನ್ನು ಶ್ರದ್ಧಾಭಕ್ತಿಯಿಂದ ಪೂಜಿಸುವುದು ವಾಡಿಕೆ. ಈ ಪವಿತ್ರ ದಿನದಂದು ಕೆಲವು ನಿಯಮಗಳನ್ನು ಪಾಲಿಸುವುದರಿಂದ ಲಕ್ಷ್ಮಿ-ನಾರಾಯಣರ ಕೃಪೆಗೆ ಪಾತ್ರರಾಗಬಹುದು, ಅದೇ ರೀತಿ ಕೆಲವು ತಪ್ಪುಗಳನ್ನು ಮಾಡುವುದರಿಂದ ದೋಷಕ್ಕೂ ಗುರಿಯಾಗಬಹುದು. 2026 ರಲ್ಲಿ ಕಾರ್ತಿಕ ಪೂರ್ಣಿಮೆ ಯಾವಾಗ, ಶುಭ ಮುಹೂರ್ತ ಯಾವುದು ಮತ್ತು ಈ ದಿನ ಏನು ಮಾಡಬಾರದು ಎಂಬ ಸಂಪೂರ್ಣ ವಿವರ ಇಲ್ಲಿದೆ.

Loading...

2026 ರ ಕಾರ್ತಿಕ ಪೂರ್ಣಿಮೆ ಯಾವಾಗ?

ಪಂಚಾಂಗದ ಪ್ರಕಾರ, 2026 ರಲ್ಲಿ ಕಾರ್ತಿಕ ಪೂರ್ಣಿಮೆಯನ್ನು ನವೆಂಬರ್ 24, ಮಂಗಳವಾರದಂದು ಆಚರಿಸಲಾಗುತ್ತದೆ. ಹುಣ್ಣಿಮೆ ತಿಥಿಯು ನವೆಂಬರ್ 23 ರಂದು ರಾತ್ರಿ 11:42 ಕ್ಕೆ ಆರಂಭವಾಗಿ, ನವೆಂಬರ್ 24 ರಂದು ರಾತ್ರಿ 8:23 ಕ್ಕೆ ಕೊನೆಗೊಳ್ಳುತ್ತದೆ. ಸೂರ್ಯೋದಯ ತಿಥಿಯ (ಉದಯ ತಿಥಿ) ಆಧಾರದ ಮೇಲೆ ನವೆಂಬರ್ 24 ರಂದೇ ಕಾರ್ತಿಕ ಪೂರ್ಣಿಮೆ ವ್ರತ ಮತ್ತು ಆಚರಣೆಗಳನ್ನು ಕೈಗೊಳ್ಳಲಾಗುತ್ತದೆ. ಈ ದಿನ ಮುಂಜಾನೆ ಬ್ರಹ್ಮ ಮುಹೂರ್ತದಲ್ಲಿ ಸ್ನಾನ ಮತ್ತು ದಾನ ಮಾಡಿ, ಸಂಜೆ ಚಂದ್ರೋದಯದ ಬಳಿಕ ದೀಪಗಳನ್ನು ಬೆಳಗಿಸುವುದು ಅತ್ಯಂತ ಶ್ರೇಷ್ಠವೆಂದು ಹೇಳಲಾಗಿದೆ.

ಇದನ್ನೂ ಓದಿ: ನೀವು ಕಾಲಿಗೆ ಕಪ್ಪು ದಾರ ಕಟ್ಟುತ್ತೀರಾ? ಹಾಗಾದರೆ ಈ 9 ಗಂಟುಗಳ ನಿಯಮ ಮತ್ತು ಶುಭ ಸಮಯದ ಬಗ್ಗೆ ತಪ್ಪದೇ ತಿಳಿದುಕೊಳ್ಳಿ

ಕಾರ್ತಿಕ ಪೂರ್ಣಿಮೆಯಂದು ಅಪ್ಪಿತಪ್ಪಿಯೂ ಏನು ಮಾಡಬಾರದು?

ಧಾರ್ಮಿಕ ನಂಬಿಕೆಗಳು ಮತ್ತು ಶಾಸ್ತ್ರಗಳ ಪ್ರಕಾರ, ಕಾರ್ತಿಕ ಹುಣ್ಣಿಮೆಯ ದಿನದಂದು ಈ ಕೆಳಗಿನ ಕೆಲಸಗಳನ್ನು ತಪ್ಪಿಸಬೇಕು:

  • ಕಾರ್ತಿಕ ಪೂರ್ಣಿಮೆಯಂದು ತುಳಸಿ ಎಲೆಗಳನ್ನು ಕೀಳುವುದಾಗಲಿ ಅಥವಾ ತುಳಸಿ ಗಿಡಕ್ಕೆ ಹಾನಿ ಮಾಡುವುದಾಗಲಿ ಮಾಡಬಾರದು. ಬದಲಾಗಿ ಸಂಜೆ ತುಳಸಿ ಕಟ್ಟೆಯ ಬಳಿ ತುಪ್ಪದ ದೀಪ ಬೆಳಗಿಸಿ ಪೂಜಿಸಬೇಕು.
  • ಈ ಪವಿತ್ರ ದಿನದಂದು ಮಾಂಸ, ಮೀನು, ಮೊಟ್ಟೆ, ಮದ್ಯ, ತಂಬಾಕು ಹಾಗೂ ಯಾವುದೇ ಮಾದಕ ವಸ್ತುಗಳನ್ನು ಸೇವಿಸಬಾರದು. ಅಲ್ಲದೆ, ಅಡುಗೆಯಲ್ಲಿ ಈರುಳ್ಳಿ ಮತ್ತು ಬೆಳ್ಳುಳ್ಳಿಯನ್ನೂ ಬಳಸದಿರುವುದು ಉತ್ತಮ.
  • ಶಾಸ್ತ್ರಗಳ ಪ್ರಕಾರ, ಹುಣ್ಣಿಮೆಯ ದಿನದಂದು ಬೆಳ್ಳಿಯ ಪಾತ್ರೆಗಳು ಅಥವಾ ಹಾಲನ್ನು ದಾನ ಮಾಡುವುದನ್ನು ತಪ್ಪಿಸಬೇಕು. ಹೀಗೆ ಮಾಡುವುದರಿಂದ ಜಾತಕದಲ್ಲಿ ಚಂದ್ರ ದೋಷ ಉಂಟಾಗಬಹುದು ಎಂದು ಹೇಳಲಾಗುತ್ತದೆ.
  • ಈ ದಿನ ಮನೆಯನ್ನು ಸಂಪೂರ್ಣವಾಗಿ ಬೀಗ ಹಾಕಿ ಖಾಲಿ ಬಿಡಬಾರದು. ಸಂಜೆಯ ವೇಳೆ ಮನೆಯ ಯಾವುದೇ ಕೋಣೆ ಅಥವಾ ಮುಖ್ಯ ದ್ವಾರ ಕತ್ತಲೆಯಲ್ಲಿರದಂತೆ ದೀಪ ಬೆಳಗಿಸಿ. ಕತ್ತಲೆಯಿದ್ದರೆ ಲಕ್ಷ್ಮಿ ದೇವಿಯು ಮುನಿಸಿಕೊಳ್ಳುತ್ತಾಳೆ ಎಂಬ ನಂಬಿಕೆಯಿದೆ.
  • ನಿಮ್ಮ ಮನೆ ಬಾಗಿಲಿಗೆ ಬರುವ ಯಾವುದೇ ಬಡವರು, ಹಸಿದವರು, ಅಸಹಾಯಕರು ಅಥವಾ ಭಿಕ್ಷುಕರನ್ನು ಖಾಲಿ ಕೈಯಲ್ಲಿ ವಾಪಸ್ ಕಳುಹಿಸಬೇಡಿ. ಅವರಿಗೆ ನಿಮ್ಮ ಕೈಲಾದಷ್ಟು ಆಹಾರ ಅಥವಾ ನೀರನ್ನು ನೀಡಿ ಗೌರವಿಸಿ.
  • ಈ ಶುಭ ದಿನದಂದು ಕ್ಷೌರ ಮಾಡಿಕೊಳ್ಳುವುದು, ಕೂದಲು ಅಥವಾ ಉಗುರುಗಳನ್ನು ಕತ್ತರಿಸುವುದನ್ನು ನಿಷೇಧಿಸಲಾಗಿದೆ.
  • ಕಾರ್ತಿಕ ಪೂರ್ಣಿಮೆಯಂದು ಕಪ್ಪು, ಕೊಳಕು ಅಥವಾ ಹರಿದ ಬಟ್ಟೆಗಳನ್ನು ಧರಿಸಬಾರದು. ಬದಲಾಗಿ ಶುಭ್ರವಾದ ಹಾಗೂ ತಿಳಿ ಅಥವಾ ಶುಭ ಬಣ್ಣದ (ಉದಾಹರಣೆಗೆ ಹಳದಿ, ಕೆಂಪು ಅಥವಾ ಗುಲಾಬಿ) ವಸ್ತ್ರಗಳನ್ನು ಧರಿಸುವುದು ಶ್ರೇಷ್ಠ.

ಅಧ್ಯಾತ್ಮಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ 

ಅಕ್ಷತಾ ವರ್ಕಾಡಿ

ಅಕ್ಷತಾ ವರ್ಕಾಡಿ – ಮೂಲತಃ ಕಾಸರಗೋಡು ಜಿಲ್ಲೆಯ ಮಂಜೇಶ್ವರದ ವರ್ಕಾಡಿಯವರು. ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನದಲ್ಲಿ (M.C.J) ಎಂ.ಎ ಮಾಡಿದ್ದು, ಟಿವಿ9 ಡಿಜಿಟಲ್​ ಮೂಲಕ ವೃತ್ತಿ ಜೀವನವನ್ನು ಆರಂಭಿಸಿದ್ದಾರೆ. ಸುದ್ದಿ ಮಾಧ್ಯಮದಲ್ಲಿ​ 3 ವರ್ಷಗಳ ಅನುಭವ ಇವರಿಗಿದೆ. ಸದ್ಯ ಆಧ್ಯಾತ್ಮ, ಶಿಕ್ಷಣ, ಉದ್ಯೋಗವಕಾಶ, ರಾಜಕೀಯ, ಕ್ರೈಂ ಸುದ್ದಿಗಳನ್ನು ಬರೆಯುತ್ತಿದ್ದು, ಇವರು ಓದುಗರಿಗೆ ಉತ್ತಮ ಹಾಗೂ ಆಸಕ್ತಿದಾಯಕ ಲೇಖನಗಳನ್ನು ಒದಗಿಸುತ್ತಿದ್ದಾರೆ.

Read More
Loading...
Unable to load recommendations.
Follow Us