Vasthu Tips: ಬೆಳಿಗ್ಗೆ ಎದ್ದ ತಕ್ಷಣ ತಪ್ಪಿಯೂ ಈ ಕೆಲಸ ಮಾಡಬೇಡಿ!

ಬೆಳಗ್ಗೆ ಎದ್ದ ತಕ್ಷಣ ಯಾರ ಮುಖ ನೋಡಿದ್ನೋ ಇವತ್ತಿನ ಟೈಮ್ ಸರಿಯಿಲ್ಲ ಎಂದು ಹೇಳುವುದನ್ನು ನೀವು ಕೇಳಿರುತ್ತೀರಿ. ಅದರಂತೆ ವಾಸ್ತು ಶಾಸ್ತ್ರದಂತೂ ಅದಕ್ಕೆ ಸಂಬಂಧಿಸಿದ ಸಾಕಷ್ಟು ಪುರಾವೆಗಳಿವೆ. ಜೊತೆಗೆ ಸಾಕಷ್ಟು ಜನರು ಇದನ್ನು ನಂಬುತ್ತಾರೆ. ವಾಸ್ತು ಶಾಸ್ತ್ರದ ಪ್ರಕಾರ, ಬೆಳಿಗ್ಗೆ ಎದ್ದ ನಂತರ ಕೆಲವು ವಿಷಯಗಳನ್ನು ತಪ್ಪಿಸುವ ಮೂಲಕ ಮನೆಯಲ್ಲಿ ಸಕಾರಾತ್ಮಕ ವಾತಾವರಣವನ್ನು ಕಾಪಾಡಿಕೊಳ್ಳಬಹುದು ಎಂದು ತಜ್ಞರು ಹೇಳುತ್ತಾರೆ. ಅವು ಯಾವುವು ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ.

ಬೆಳಿಗ್ಗೆ ಎದ್ದ ತಕ್ಷಣ ಈ ಕೆಲಸ ಮಾಡಬೇಡಿ:

ವಾಸ್ತು ತಜ್ಞರು ಹೇಳುವಂತೆ ನೀವು ಬೆಳಿಗ್ಗೆ ಕೆಲವು ಕೆಲಸ ಮಾಡುವುದನ್ನು ತಪ್ಪಿಸಬೇಕು. ಏಕೆಂದರೆ ನೀವು ಮುಂಜಾನೆ ಎದ್ದ ತಕ್ಷಣ ಮಾಡುವ ತಪ್ಪುಗಳು ದಿನವಿಡೀ ನಿಮ್ಮ ಮೇಲೆ ನಕರಾತ್ಮಕ ಪರಿಣಾಮ ಬೀರಬಹುದು ಎಂದು ಎಚ್ಚರಿಸುತ್ತಾರೆ.

ಎದ್ದ ತಕ್ಷಣ ಕನ್ನಡಿಯಲ್ಲಿ ಮುಖ ನೋಡಬೇಡಿ:

ಬೆಳಿಗ್ಗೆ ಎದ್ದ ತಕ್ಷಣ ಕನ್ನಡಿಯಲ್ಲಿ ಮುಖ ನೋಡಿಕೊಳ್ಳುವ ಅಥವಾ ಕೂದಲು ಬಾಚಿಕೊಳ್ಳುವ ಅಭ್ಯಾಸ ಹಲವರಿಗಿರುತ್ತದೆ. ಆದರೆ, ಹೀಗೆ ಮಾಡುವುದರಿಂದ ಮನೆಯಲ್ಲಿ ನಕಾರಾತ್ಮಕ ಶಕ್ತಿ ಹೆಚ್ಚಾಗುತ್ತದೆ ಮತ್ತು ದುರದೃಷ್ಟ ಬರುತ್ತದೆ ಎಂದು ವಾಸ್ತು ತಜ್ಞರು ಎಚ್ಚರಿಸಿದ್ದಾರೆ. ಬದಲಾಗಿ, ಸ್ನಾನ ಮಾಡಿ ಪೂಜೆ ಮಾಡಿದ ನಂತರವೇ ಕನ್ನಡಿಯಲ್ಲಿ ನೋಡುವುದು ಸೂಕ್ತ.

ಮುರಿದ ಗಡಿಯಾರ ನೋಡಬೇಡಿ:

ಬೆಳಿಗ್ಗೆ ಎದ್ದ ನಂತರ ಸಮಯ ಎಷ್ಟಾಯಿತು ಎಂದು ಗೋಡೆಯ ಗಡಿಯಾರ ನೋಡುವುದು ಸಹಜ. ಆದಾಗ್ಯೂ, ಮುರಿದ ಗಡಿಯಾರಗಳನ್ನು ನೋಡುವುದು ಅಶುಭ ಚಿಹ್ನೆ ಎಂದು ಪರಿಗಣಿಸಲಾಗುತ್ತದೆ. ನೀವು ಈ ರೀತಿ ಏನನ್ನಾದರೂ ನೋಡಿದರೆ ಏನಾದರೂ ಕೆಟ್ಟದು ಸಂಭವಿಸುವ ಸಾಧ್ಯತೆಯಿದೆ ಎಂದು ವಾಸ್ತು ತಜ್ಞರು ಎಚ್ಚರಿಸುತ್ತಾರೆ.

ಹಿಂಸಾತ್ಮಕ ಚಿತ್ರಗಳು:

ನಿಮ್ಮ ಮನೆಯ ಗೋಡೆಗಳನ್ನು ಅಲಂಕರಿಸಲು ಬಳಸುವ ವರ್ಣಚಿತ್ರಗಳು ಕಾಡು ಪ್ರಾಣಿಗಳ ಚಿತ್ರಗಳು, ಯುದ್ಧದ ದೃಶ್ಯಗಳು ಅಥವಾ ಹಿಂಸೆಯನ್ನು ಒಳಗೊಂಡಿದ್ದರೆ, ಬೆಳಿಗ್ಗೆ ಅವುಗಳನ್ನು ನೋಡುವುದನ್ನು ತಪ್ಪಿಸಬೇಕು. ಇವು ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತವೆ.

ಇದನ್ನೂ ಓದಿ: ಮನೆಗೆ ಪದೇ ಪದೇ ಕಪ್ಪು ಇರುವೆ ಬರುತ್ತಿದ್ದರೆ ಏನರ್ಥ? ಶುಭವೋ, ಅಶುಭವೋ?

ಎದ್ದ ತಕ್ಷಣ ಸ್ವಂತ ನೆರಳು ನೋಡಬೇಡಿ:

ಬೆಳಿಗ್ಗೆ ಎದ್ದ ನಂತರ ನೆರಳನ್ನು ನೋಡುವುದು ಸಹ ಅಶುಭ ಮತ್ತು ಆ ದಿನ ಕೆಲಸದಲ್ಲಿ ಅಡೆತಡೆಗಳನ್ನು ಉಂಟುಮಾಡುತ್ತದೆ ಎಂದು ಹೇಳಲಾಗುತ್ತದೆ. ಪಶ್ಚಿಮ ದಿಕ್ಕಿನಲ್ಲಿ, ವಿಶೇಷವಾಗಿ ಸೂರ್ಯೋದಯದ ಸಮಯದಲ್ಲಿ ನೆರಳು ನೋಡುವುದು ರಾಹುವಿಗೆ ಸಂಬಂಧಿಸಿದೆ, ಇದು ಪ್ರಮುಖ ನಿರ್ಧಾರಗಳನ್ನು ಅಥವಾ ಹಣಕಾಸಿನ ವಿಷಯಗಳನ್ನು ಮುಂದೂಡಲು ಸಲಹೆ ನೀಡುತ್ತದೆ.

ಎದ್ದ ತಕ್ಷಣ ಪಾತ್ರೆ ತೊಳೆಯುವುದು:

ಕೆಲವರಿಗೆ ಬೆಳಿಗ್ಗೆ ಎದ್ದ ತಕ್ಷಣ ಅಡುಗೆ ಮನೆಗೆ ಹೋಗಿ ರಾತ್ರಿ ಉಳಿದ ಪಾತ್ರೆಗಳನ್ನು ಸ್ವಚ್ಛಗೊಳಿಸುವ ಅಭ್ಯಾಸವಿರುತ್ತದೆ. ಆದರೆ, ಬೆಳಿಗ್ಗೆ ರಾತ್ರಿ ಊಟ ಮಾಡಿದ ನಂತರ ಬಿಟ್ಟುಹೋದ ಭಕ್ಷ್ಯಗಳನ್ನು ನೋಡುವುದು ಬಡತನವನ್ನು ತರುತ್ತದೆ ಎಂದು ವಾಸ್ತು ತಜ್ಞರು ಹೇಳುತ್ತಾರೆ. ಬದಲಾಗಿ, ರಾತ್ರಿಯೇ ಎಲ್ಲಾ ಪಾತ್ರೆಗಳನ್ನು ತೊಳೆಯಿಟ್ಟು, ಅಡುಗೆ ಮನೆ ಸ್ವಚ್ಛಗೊಳಿಸಿ.

ಮತ್ತಷ್ಟು ಆಧ್ಯಾತ್ಮ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ