
ವಾಸ್ತವವಾಗಿ, ಮರಣಾನಂತರದ ಜೀವನಕ್ಕೆ ಹಾದುಹೋಗುವ ಪೂರ್ವಜರನ್ನು ಸಂತೃಪ್ತಿಗೊಳಿಸಲು ವರ್ಷದ ಯಾವುದೇ ಕಾಲದಲ್ಲಿಯೂ ಪಿಂಡ ದಾನವನ್ನು ಮಾಡಬಹುದು. ಯಾವುದೇ ಪವಿತ್ರ ಸರೋವರದ ಬಳಿ ಇದನ್ನು ಮಾಡಬಹುದು. ಆದರೆ ಪುರಾಣಗಳಲ್ಲಿ ಪಿಂಡ ದಾನಕ್ಕೆ ಕೆಲವು ವಿಶೇಷ ಸ್ಥಳಗಳನ್ನು ಉಲ್ಲೇಖಿಸಲಾಗಿದೆ. ಇದರಲ್ಲಿ ಬಿಹಾರದಸ ಗಯಾ ಅಗ್ರಸ್ಥಾನದಲ್ಲಿದೆ. ಭಗವಾನ್ ಶ್ರೀರಾಮನು ತನ್ನ ತಂದೆ ದಶರಥ ಮಹಾರಾಜನ ಶ್ರಾದ್ಧವನ್ನು ಮಾಡಲು ಈ ಸ್ಥಳಕ್ಕೆ ಬಂದಿದ್ದನು. ಈ ಸ್ಥಳ ಎಷ್ಟರಮಟ್ಟಿಗೆ ಮುಖ್ಯವೆಂದರೆ ಯಾರೇ ಆಗಲಿ ಇತರೆ ಯಾವುದೇ ಸ್ಥಳದಲ್ಲಿ ಪಿಂಡ ದಾನವನ್ನು ನಡೆಸಿದಾಗ, ವಿಶೇಷವಾಗಿ ಈ ಮಂತ್ರದಿಂದ ‘ಗಯಾಯನ್ ದತ್ತಮಕ್ಷಯ್ಯಮಸ್ತು’ ಪ್ರತಿಜ್ಞೆಯನ್ನು ತೆಗೆದುಕೊಳ್ಳಲಾಗುತ್ತದೆ. ಈ ಮಂತ್ರದ ಅರ್ಥವೇನೆಂದರೆ, ಈ ಪಿಂಡ ದಾನವನ್ನು ಗಯಾದಲ್ಲಿ ಮಾಡಿದ ಪಿಂಡ ದಾನವೆಂದು ಪರಿಗಣಿಸಬೇಕು. ಗರುಡ ಪುರಾಣ ಮತ್ತು ವಿಷ್ಣು ಪುರಾಣದಲ್ಲಿ ಗಯಾವನ್ನು ಪಿಂಡದಾನಕ್ಕೆ ಅತ್ಯುತ್ತಮ ಸ್ಥಳವೆಂದು ಪರಿಗಣಿಸಲಾಗಿದೆ. ಇಲ್ಲಿ ಮಾಡುವ ಪಿಂಡ ದಾನವನ್ನು ಪೂರ್ವಜರು ಸಹಜವಾಗಿ, ಸುಲಭವಾಗಿ ಸ್ವೀಕರಿಸುತ್ತಾರೆ ಎಂದು ಹೇಳಲಾಗುತ್ತದೆ. ಮತ್ಸ್ಯ ಪುರಾಣದಲ್ಲಿ ಗಯಾವನ್ನು ಪಿತೃತೀರ್ಥ ಎಂದು ಕರೆಯಲಾಗಿದೆ. ಗಯಾದಲ್ಲಿ ಪೂರ್ವಜರ ಸ್ಮರಣೆಗಾಗಿ ಎಲ್ಲೆಲ್ಲಿ ಪಿಂಡ ದಾನ ಮಾಡಿದರೂ ಅದನ್ನು ಪಿಂಡವೇದಿ ಎಂದು ಕರೆಯುತ್ತಾರೆ ಎಂದು ಈ ಯಾತ್ರೆಯ ಬಗ್ಗೆ ಹೇಳಲಾಗಿದೆ. ...
Published On - 12:27 pm, Wed, 18 September 24