ಕ್ರಿಕೆಟ್ ದುನಿಯಾಕ್ಕೆ ಹೆಲಿಕಾಪ್ಟರ್ ಶಾಟ್ ಪರಿಚಯಿಸಿದ್ದು ಧೋನಿಯಲ್ಲ! ವಿಡಿಯೋ ನೋಡಿ

ಕ್ರಿಕೆಟ್ ದುನಿಯಾಕ್ಕೆ ಹೆಲಿಕಾಪ್ಟರ್ ಶಾಟ್ ಪರಿಚಯಿಸಿದ ಕೀರ್ತಿ ಮಹೇಂದ್ರ ಸಿಂಗ್ ಧೋನಿಗೆ ಸಲ್ಲುತ್ತೆ. ಆದ್ರೆ ಧೋನಿಗಿಂತ ಮುಂಚೆ, ಭಾರತದ ಮತ್ತೋಬ್ಬ ಮಹಾನ್ ನಾಯಕ ಹೆಲಿಕಾಪ್ಟರ್ ಹಾರಿಸಿದ್ದ. ಡಿಫರೆಂಟ್ ಶಾಟ್​ನಲ್ಲಿ ಮುಂಚೂಣಿಯಲ್ಲಿ ನಿಲ್ಲೋದೇ ನಮ್ಮ ಮಹೇಂದ್ರ ಸಿಂಗ್ ಧೋನಿ ಹೆಲಿಕಾಪ್ಟರ್ ಶಾಟ್.. ಧೋನಿ ಸಿಡಿಸೋ ಶಾಂದಾರ್ ಹೆಲಿಕಾಪ್ಟರ್ ಶಾಟ್​ಗೆ ಸರಿಸಮನಾದ ಯಾವ ಶಾಟೂ ಇಲ್ಲ.. ಅಷ್ಟರ ಮಟ್ಟಿಗೆ ಮಹೇಂದ್ರ ಹೆಲಿಕಾಪ್ಟರ್ ಅನ್ ಟೆಕ್ ಆಫ್ ಮಾಡ್ತಾರೆ.

ಧೋನಿ ಶಾಟ್ ಅನ್ನ ಕಾಪಿ ಮಾಡೋದಕ್ಕೆ ಸಾಧ್ಯವಾಗ್ಲಿಲ್ಲ
ನಾವ್ಯಾಕೆ ಮಹೇಂದ್ರ ಸಿಂಗ್ ಧೋನಿಯ ಈ ಹೆಲಿಕಾಪ್ಟರ್ ಬಗ್ಗೆ ಹೇಳ್ತಿದ್ದೀವಿ ಅಂದ್ರೆ, ಈಗಾಗಲೇ ಸಾಕಷ್ಟು ಕ್ರಿಕೆಟಿಗರು ಧೋನಿಯ ಹೆಲಿಕಾಪ್ಟರ್ ಶಾಟ್ ಹೊಡೆಯೋಕೆ ಪ್ರಯತ್ನ ಮಾಡಿದ್ದಾರೆ. ಆದ್ರೆ ಎಲ್ಲರೂ ಒಂದಲ್ಲಾ ಒಂದು ರೀತಿಯಲ್ಲಿ ಎಡವಿದ್ದಾರೆ. ಅಂದ್ರೆ ಕಂಪ್ಲೀಟ್ ಆಗಿ ಧೋನಿ ಶಾಟ್ ಅನ್ನ ಕಾಪಿ ಮಾಡೋದಕ್ಕೆ ಸಾಧ್ಯವಾಗ್ಲಿಲ್ಲ.

ಮಹೇಂದ್ರ ಈ ಹೆಲಿಕಾಪ್ಟರ್ ಹಾರಿಸೋದನ್ನ ಕಲಿತಿದ್ದು ತಮ್ಮ ಗೆಳೆಯ ಸಂತೋಷ್​ನಿಂದ. ಧೋನಿಯ ಹೆಲಿಕಾಪ್ಟರ್ ಇವತ್ತು ಕ್ರಿಕೆಟ್ ಲೋಕದಲ್ಲಿ ಸಿಗ್ನಿಚರ್ ಶಾಟ್ ಆಗುಳಿದಿದೆ. ಆದ್ರೆ ಧೋನಿಗಿಂತ ಮೊದಲು ಈ ಹೆಲಿಕಾಪ್ಟರ್ ಅನ್ನ ಹಾರಿಸಿದ್ದು ಭಾರತ ತಂಡದ ಮತ್ತೊಬ್ಬ ನಾಯಕ ಮೊಹಮ್ಮದ್ ಅಜರುದ್ದೀನ್..

ಐದನೇ ಬಾಲ್​ನಲ್ಲಿ ಹೆಲಿಕಾಪ್ಟರ್ ಶಾಟ್
90ರ ದಶಕದಲ್ಲಿ ಭಾರತೀಯ ಕ್ರಿಕೆಟ್​ನ ಮುಕುಟಮಣಿಯಾಗಿ ಮಿಂಚಿದ ಮೊಹಮ್ಮದ್ ಅಜರುದ್ದೀನ್. 1996ರಲ್ಲಿ ಮೊಹಮ್ಮದ್ ಅಜರುದ್ದೀನ್ ದಕ್ಷಿಣ ಆಫ್ರಿಕಾ ವಿರುದ್ಧದ ಕೊಲ್ಕತ್ತಾ ಟೆಸ್ಟ್ ಪಂದ್ಯದಲ್ಲಿ ಶತಕ ಸಿಡಿಸಿ ಸಂಭ್ರಮಿಸಿದ್ರು. ಈ ಪಂದ್ಯದಲ್ಲಿ ಅಜರ್, ದಕ್ಷಿಣ ಆಫ್ರಿಕಾದ ಲ್ಯಾನ್ಸ್ ಕ್ಲೂಸ್ನರ್ ಒಂದೇ ಓವರ್​ನಲ್ಲಿ ಐದು ಬೌಂಡರಿ ಬಾರಿಸ್ತಾರೆ.

ಮೊದಲ ನಾಲ್ಕು ಬೌಂಡರಿ ಬಾರಿಸಿದ ಅಜರ್, ಕ್ಲೂಸ್ನರ್ ಐದನೇ ಬಾಲ್​ನಲ್ಲಿ ಹೆಲಿಕಾಪ್ಟರ್ ಶಾಟ್ ಮೂಲಕ ಬೌಂಡರಿಗಟ್ತಾರೆ. ಆದ್ರೆ ಆವತ್ತು ಕಾಮಂಟೇಟರ್​ಗಳಾಗಲಿ.. ಕ್ರಿಕೆಟ್ ಪ್ರೇಮಿಗಳಾಗಲಿ ಹೆಚ್ಚಾಗಿ ಗಮನಿಸಿಲ್ಲ. ಆದ್ರೀಗ ಹೆಲಿಕಾಪ್ಟರ್ ಶಾಟ್​ ಅನ್ನ ಧೋನಿಗಿಂತ ಮುಂಚೆ ಕ್ರಿಕೆಟ್ ದುನಿಯಾಕ್ಕೆ ಪರಿಚಯಿಸಿದ್ದು ಅಜರುದ್ದೀನ್..

ಇವತ್ತು ಧೋನಿ ಹೆಲಿಕಾಪ್ಟರ್ ಹಾರಿಸೋದ್ರಲ್ಲಿ ಪಂಟರ್ ಅಂತಾ ಹೆಸರು ಮಾಡಿದ್ದಾರೆ ನಿಜ. ಆದ್ರೆ ಧೋನಿಗಿಂತ ಮುಂಚೆ ಕ್ರಿಕೆಟ್ ದುನಿಯಾಕ್ಕೆ ಹೆಲಿಕಾಪ್ಟರ್ ಶಾಟ್ ಪರಿಚಯಿಸಿದ್ದು ಅಜರುದ್ದೀನ್ ಅನ್ನೋದನ್ನ ಯಾರೂ ಅಲ್ಲಗೆಳಯುವ ಹಾಗಿಲ್ಲ.