GT vs MI Highlights IPL 2023: ಗಿಲ್ ಶತಕ; ಸತತ 2ನೇ ಬಾರಿಗೆ ಫೈನಲ್​ಗೇರಿದ ಗುಜರಾತ್

ಮುಂಬೈ ತಂಡವನ್ನು ಸೋಲಿಸಿ ಗುಜರಾತ್ ಫೈನಲ್‌ಗೆ ಲಗ್ಗೆ ಇಟ್ಟಿದ್ದು, ಇದೀಗ ಈ ತಂಡ ಫೈನಲ್‌ನಲ್ಲಿ ನಾಲ್ಕು ಬಾರಿ ವಿಜೇತ ಚೆನ್ನೈ ಸೂಪರ್ ಕಿಂಗ್ಸ್ ಅನ್ನು ಎದುರಿಸಲಿದೆ.

19ನೇ ಓವರ್‌ನ ಎರಡನೇ ಎಸೆತದಲ್ಲಿ ಮೋಹಿತ್ ಶರ್ಮಾ ಕುಮಾರ್ ಕಾರ್ತಿಕೇಯರನ್ನು ಔಟ್ ಮಾಡುವ ಮೂಲಕ ಮುಂಬೈ ತಂಡವನ್ನು ಆಲೌಟ್ ಮಾಡಿದರು. ಇದರೊಂದಿಗೆ ಗುಜರಾತ್ ಪಂದ್ಯವನ್ನು 62 ರನ್‌ಗಳಿಂದ ಗೆದ್ದುಕೊಂಡಿತು.

ಮಹತ್ವದ ಪಂದ್ಯದಲ್ಲಿ ಸೂರ್ಯಕುಮಾರ್ ಅದ್ಭುತ ಇನ್ನಿಂಗ್ಸ್ ಆಡಿದ್ದು, ಅರ್ಧಶತಕ ಬಾರಿಸಿದ್ದಾರೆ. 14ನೇ ಓವರ್‌ನ ನಾಲ್ಕನೇ ಎಸೆತದಲ್ಲಿ ಸೂರ್ಯಕುಮಾರ್ ಸಿಕ್ಸರ್ ಬಾರಿಸುವ ಮೂಲಕ ಅರ್ಧಶತಕ ಪೂರೈಸಿದರು.

ಕ್ಯಾಮರೂನ್ ಗ್ರೀನ್ ಔಟ್ ಆಗಿದ್ದಾರೆ. ಜೋಶ್ ಲಿಟಲ್ 12ನೇ ಓವರ್ ನ ಎರಡನೇ ಎಸೆತದಲ್ಲಿ ಗ್ರೀನ್ ಅವರನ್ನು ಬೌಲ್ಡ್ ಮಾಡಿದರು.

10ನೇ ಓವರ್​ನ ಎರಡನೇ ಎಸೆತದಲ್ಲಿ ಸೂರ್ಯಕುಮಾರ್ ಬೌಂಡರಿ ಬಾರಿಸಿ ಮುಂಬೈ ಇಂಡಿಯನ್ಸ್ ಸ್ಕೋರ್ 100ರ ಗಡಿ ದಾಟಿಸಿದರು.

ಪವರ್ ಪ್ಲೇನ ಕೊನೆಯ ಎಸೆತದಲ್ಲಿ ರಶೀದ್ ಖಾನ್ ವಿಕೆಟ್ ಪಡೆದರು.

ರಶೀದ್ ಎಸೆತವನ್ನು ಸ್ವೀಪ್ ಮಾಡುವ ಯತ್ನದಲ್ಲಿ ತಿಲಕ್ ಕ್ಲೀನ್ ಬೌಲ್ಡ್ ಆದರು.

ತಿಲಕ್ 14 ಎಸೆತಗಳಲ್ಲಿ 43 ರನ್ ಬಾರಿಸಿ ನಿರ್ಗಮಿಸಿದರು.

ರೋಹಿತ್ ಶರ್ಮಾ ಔಟಾಗಿದ್ದಾರೆ. ಮೂರನೇ ಓವರ್‌ನ ಎರಡನೇ ಎಸೆತದಲ್ಲಿ ಶಮಿ ರೋಹಿತ್ ಅವರನ್ನು ಪೆವಿಲಿಯನ್‌ಗೆ ಕಳುಹಿಸಿದರು.

ರೋಹಿತ್ ಶರ್ಮಾ – 8 ರನ್, 7 ಎಸೆತಗಳು 1×4

ಗುಜರಾತ್ ನ ಇನ್ನಿಂಗ್ಸ್ ಮುಗಿದಿದೆ. ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಗುಜರಾತ್ ಮೂರು ವಿಕೆಟ್ ಕಳೆದುಕೊಂಡು 233 ರನ್ ಗಳಿಸಿದೆ. ತಂಡದ ಪರ ಗಿಲ್ 129 ರನ್​ಗಳ ಇನಿಂಗ್ಸ್ ಆಡಿದರು.

ಶುಭಮನ್ ಗಿಲ್ ಔಟಾಗಿದ್ದಾರೆ. ಆಕಾಶ್ ಮಧ್ವಲ್ ಎಸೆದ 17ನೇ ಓವರ್‌ನ ನಾಲ್ಕನೇ ಎಸೆತದಲ್ಲಿ ಗಿಲ್ ಟಿಮ್ ಡೇವಿಡ್ ಕ್ಯಾಚ್ ನೀಡಿದರು. ಆರಂಭದಲ್ಲಿ ಗಿಲ್ ಅವರ ಕ್ಯಾಚ್ ಅನ್ನು ಡೇವಿಡ್ ಅವರೇ ಕೈಬಿಟ್ಟಿದ್ದರು.

15ನೇ ಓವರ್‌ನ ಆರಂಭದಲ್ಲಿ ಶುಭಮನ್ ಗಿಲ್ ಒಂದು ರನ್ ಗಳಿಸುವ ಮೂಲಕ ಶತಕ ಪೂರೈಸಿದರು. ಗಿಲ್ ಇದೇ ಓವರ್​ನಲ್ಲಿ ಎರಡು ಸಿಕ್ಸರ್ ಹಾಗೂ ಒಂದು ಬೌಂಡರಿ ಬಾರಿಸಿದರು. ಗಿಲ್ ಇನ್ನಿಂಗ್ಸ್‌ನಲ್ಲಿ 10 ಸಿಕ್ಸರ್‌ ಕೂಡ ಸೇರಿವೆ.

ಶುಭಮನ್ ಗಿಲ್ ಕೊನೆಯ 2 ಓವರ್‌ಗಳಲ್ಲಿ 5 ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ. ಆಕಾಶ್ ಓವರ್‌ನಲ್ಲಿ ಮೂರು ಅದ್ಭುತ ಸಿಕ್ಸರ್‌ಗಳನ್ನು ಬಾರಿಸಿದ ಗಿಲ್, ಪಿಯೂಷ್ ಚಾವ್ಲಾ ಓವರ್‌ನಲ್ಲಿ 2 ಸಿಕ್ಸರ್ ಮತ್ತು ಒಂದು ಬೌಂಡರಿ ಬಾರಿಸಿದರು.

ಆಕಾಶ್ ಎಸೆದ 12ನೇ ಓವರ್‌ನ ಮೊದಲ ಎರಡು ಎಸೆತಗಳಲ್ಲಿ ಗಿಲ್ ಸತತ ಎರಡು ಸಿಕ್ಸರ್‌ಗಳನ್ನು ಬಾರಿಸಿದರು. ಇದರೊಂದಿಗೆ ಗುಜರಾತ್ ಸ್ಕೋರ್ 100ರ ಗಡಿ ದಾಟಿತು.

10ನೇ ಓವರ್‌ನಲ್ಲಿ ಶುಭಮನ್ ಗಿಲ್ ಮೂರನೇ ಎಸೆತವನ್ನು ಸ್ಕ್ವೇರ್ ಲೆಗ್ ಕಡೆಗೆ ಫ್ಲಿಕ್ ಮಾಡಿದರು. ಇದರೊಂದಿಗೆ ಗಿಲ್ ಅರ್ಧಶತಕ ಪೂರೈಸಿದರು.

9ನೇ ಓವರ್​ನಲ್ಲಿ 16 ರನ್ ಬಂದವು

ಓವರ್​ನ ಮೊದಲ ಎಸೆತವನ್ನು ಸುದರ್ಶನ್ ಬೌಂಡರಿಗಟ್ಟಿದರೆ, 3ನೇ ಎಸೆತವನ್ನು ಗಿಲ್ ಸಿಕ್ಸರ್​ಗಟ್ಟಿದರು.

9 ಓವರ್ ಅಂತ್ಯಕ್ಕೆ 80/1

7ನೇ ಓವರ್​ನ 3ನೇ ಎಸೆತದಲ್ಲಿ ಗುಜರಾತ್ ಮೊದಲ ವಿಕೆಟ್ ಕಳೆದುಕೊಂಡಿದೆ

ಸಹಾ ಸ್ಟಂಪ್ ಔಟ್ ಆದರು

ಜೋರ್ಡಾನ್ ಬೌಲ್ ಮಾಡಿದ 6ನೇ ಓವರ್​ನಲ್ಲಿ 12 ರನ್ ಬಂದವು

ಈ ಓವರ್​ನಲ್ಲಿ ಗಿಲ್ 1 ಸಿಕ್ಸರ್ ಹಾಗೂ ಬೌಂಡರಿ ಬಂತು

ಇದೇ ಓವರ್​ನಲ್ಲಿ ಗುಜರಾತ್ ಅರ್ಧಶತಕ ಪೂರೈಸಿತು

ವೃದ್ಧಿಮಾನ್ ಸಹಾ18* (16)

ಶುಭಮನ್ ಗಿಲ್ 31* (20)

ಜಿಟಿ 50/0

ಆಕಾಶ್ ಬೌಲ್ ಮಾಡಿದ 4ನೇ ಓವರ್​ನ ಕೊನೆಯ ಎಸೆತವನ್ನು ಸಾಹ ಡೀಪ್ ಪಾಯಿಂಟ್​ನಲ್ಲಿ ಬೌಂಡರಿಗಟ್ಟಿದರು

4 ಓವರ್ ಅಂತ್ಯಕ್ಕೆ 27/0

2ನೇ ಓವರ್​ನಲ್ಲಿ 10 ರನ್ ಬಂದವು

ಓವರ್​ನ 5ನೇ ಎಸೆತವನ್ನು ಗಿಲ್ ಡೀಪ್ ಬ್ಯಾಕ್ವರ್ಡ್​ ಸ್ಕ್ವೇರ್ ಲೆಗ್​ನಲ್ಲಿ ಬೌಂಡರಿಗಟ್ಟಿದರು.

GT 13/0

ಗುಜರಾತ್ ಪರ ಗಿಲ್ ಹಾಗೂ ಸಹಾ ಬ್ಯಾಟಿಂಗ್ ಆರಂಭಿಸಿದ್ದಾರೆ

ಮೊದಲ ಓವರ್​ನಲ್ಲಿ ಕೇವಲ 3 ರನ್ ಬಂತು

ಹಾರ್ದಿಕ್ ಪಾಂಡ್ಯ, ವೃದ್ಧಿಮಾನ್ ಸಹಾ, ಶುಭಮನ್ ಗಿಲ್, ಸಾಯಿ ಸುದರ್ಶನ್, ವಿಜಯ್ ಶಂಕರ್, ಡೇವಿಡ್ ಮಿಲ್ಲರ್, ರಾಹುಲ್ ತೆವಾಟಿಯಾ, ರಶೀದ್ ಖಾನ್, ಮೋಹಿತ್ ಶರ್ಮಾ, ನೂರ್ ಅಹ್ಮದ್, ಮೊಹಮ್ಮದ್ ಶಮಿ

ರೋಹಿತ್ ಶರ್ಮಾ, ಇಶಾನ್ ಕಿಶನ್, ಕ್ಯಾಮೆರಾನ್ ಗ್ರೀನ್, ಸೂರ್ಯಕುಮಾರ್ ಯಾದವ್, ತಿಲಕ್ ವರ್ಮಾ, ಟಿಮ್ ಡೇವಿಡ್, ಕ್ರಿಸ್ ಜೋರ್ಡಾನ್, ಪಿಯೂಷ್ ಚಾವ್ಲಾ, ಜೇಸನ್ ಬೆಹ್ರೆಂಡಾರ್ಫ್, ಕುಮಾರ್ ಕಾರ್ತಿಕೇಯ, ಆಕಾಶ್ ಮಧ್ವಲ್

ಮುಂಬೈ ತನ್ನ ಪ್ಲೇಯಿಂಗ್-11 ರಲ್ಲಿ ಬದಲಾವಣೆ ಮಾಡಿದೆ. ಹೃತಿಕ್ ಶೋಕಿನ್ ಬದಲಿಗೆ ಕುಮಾರ್ ಕಾರ್ತಿಕೇಯ ತಂಡಕ್ಕೆ ಬಂದಿದ್ದಾರೆ. ಗುಜರಾತ್ ಎರಡು ಬದಲಾವಣೆ ಮಾಡಿದೆ. ಜೋಶ್ ಲಿಟಲ್ ಮತ್ತು ಸಾಯಿ ಸುದರ್ಶನ್ ತಂಡಕ್ಕೆ ಬಂದಿದ್ದಾರೆ. ದಾಸುನ್ ಶನಕ ಮತ್ತು ದರ್ಶನ್ ನಲ್ಕಂಡೆ ತಂಡದಿಂದ ಹೊರ ಹೋಗಿದ್ದಾರೆ.

ಟಾಸ್ ಗೆದ್ದ ಮುಂಬೈ ನಾಯಕ ರೋಹಿತ್ ಶರ್ಮಾ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ.

ಅಹಮದಾಬಾದ್​ನಲ್ಲಿ ಮಳೆ ನಿಂತಿದ್ದು, 7:45ಕ್ಕೆ ಟಾಸ್ ನಡೆಯಲಿದೆ. ಆ ಬಳಿಕ 8 ಗಂಟೆಗೆ ಪಂದ್ಯ ಆರಂಭವಾಗಲಿದೆ.

ಅಹಮದಾಬಾದ್‌ನಲ್ಲಿ ಮಳೆಯಾಗುತ್ತಿದ್ದು ಪಂದ್ಯ ಆರಂಭ ವಿಳಂಬವಾಗುವ ಸಾಧ್ಯತೆ ಇದೆ. ಈಗ ಪಂದ್ಯ ಯಾವಾಗ ಆರಂಭವಾಗುತ್ತದೆ ಎಂದು ನೋಡಬೇಕಿದೆ.