IND vs AUS: ಸಿಕ್ಕ ಜೀವದಾನವನ್ನೂ ಬಳಸಿಕೊಳ್ಳದ ಪೂಜಾರ..! ಶತಕದ ಟೆಸ್ಟ್​ನಲ್ಲಿ ಶೂನ್ಯಕ್ಕೆ ಔಟ್..!

ಆಸ್ಟ್ರೇಲಿಯ ವಿರುದ್ಧದ ಎರಡನೇ ಟೆಸ್ಟ್‌ನಲ್ಲಿ (India Vs Australia) ಕಣಕ್ಕಿಳಿಯುವ ಮೂಲಕ ತನ್ನ ವೃತ್ತಿ ಜೀವನದಲ್ಲಿ 100ನೇ ಟೆಸ್ಟ್ ಪಂದ್ಯವನ್ನಾಡಿದ ದಾಖಲೆ ಮಾಡಿದ ಟೀಂ ಇಂಡಿಯಾ ಆಟಗಾರ ಚೇತೇಶ್ವರ್ ಪೂಜಾರ (Cheteshwar Pujara) ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದ್ದಾರೆ. ಟೀಂ ಇಂಡಿಯಾ ಇನ್ನಿಂಗ್ಸ್​ನ ಎರಡನೇ ದಿನದಾಟದ ಮೊದಲ ಸೆಷನ್​ನಲ್ಲಿ ಬ್ಯಾಟಿಂಗ್​ಗೆ ಬಂದ ಪೂಜಾರ ಒಂದೇ ಒಂದು ರನ್ ಗಳಿಸದೆ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿ ಪೆವಿಲಿಯನ್ ಸೇರಿಕೊಂಡಿದ್ದಾರೆ. ತನ್ನ100ನೇ ಟೆಸ್ಟ್ ಆಡುತ್ತಿರುವ ಪೂಜಾರ ಇಂದಿನ ಟೆಸ್ಟ್​ನಲ್ಲಿ ಶತಕ ಗಳಿಸುತ್ತಾರೆ ಎಂದು ನಿರೀಕ್ಷಿಸಲಾಗಿತ್ತು. ಆದರೆ ಪೂಜಾರಗೆ 100ನೇ ಟೆಸ್ಟ್‌ನಲ್ಲಿ ಖಾತೆ ತೆರೆಯಲೂ ಸಾಧ್ಯವಾಗಲಿಲ್ಲ. ಇದರೊಂದಿಗೆ ತಮ್ಮ ಹೆಸರಲ್ಲಿ ಬೇಡದ ದಾಖಲೆಯನ್ನೂ ಬರೆದುಕೊಂಡ ಪೂಜಾರ, 100ನೇ ಟೆಸ್ಟ್‌ನಲ್ಲಿ ಶೂನ್ಯಕ್ಕೆ ಔಟಾದ 8ನೇ ಆಟಗಾರ ಎನಿಸಿಕೊಂಡಿದ್ದಾರೆ.

20ನೇ ಓವರ್​ನ ನಾಲ್ಕನೇ ಎಸೆತದಲ್ಲಿ ಆಸೀಸ್ ಸ್ಪಿನ್ನರ್ ನಾಥನ್ ಲಿಯನ್ ಎಸೆತದಲ್ಲಿ ಪೂಜಾರ ಎಲ್ ಬಿಡಬ್ಲ್ಯೂ ಆಗಿ ಔಟಾದರು. ಆದಾಗ್ಯೂ, ತನ್ನ ಶತಕದ ಟೆಸ್ಟ್ ಪಂದ್ಯದಲ್ಲಿ ಸಿಕ್ಕ ಜೀವದಾನವನ್ನು ಸದುಪಯೋಗಪಡಿಸಿಕೊಳ್ಳುವಲ್ಲಿ ವಿಫಲರಾದ ಪೂಜಾರಗೆ ದೊಡ್ಡ ಇನ್ನಿಂಗ್ಸ್ ಆಡಲು ಸಾಧ್ಯವಾಗಲಿಲ್ಲ.

Cheteshwar Pujara: ಚೇತೇಶ್ವರ್ ಪೂಜಾರ 100ನೇ ಟೆಸ್ಟ್​ಗೆ ಬಿಗ್ ಸರ್​ಪ್ರೈಸ್ ರೆಡಿ ಮಾಡಿದ ಬಿಸಿಸಿಐ: ಏನು ಗೊತ್ತೇ?

ಜೀವದಾನ ಪಡೆದ ಪೂಜಾರ

ವಾಸ್ತವವಾಗಿ18ನೇ ಓವರ್‌ನ ಮೂರನೇ ಎಸೆತದಲ್ಲಿ ಅಂಪೈರ್ ನಾಟ್ ಔಟಾಗಿ ನೀಡಿದ ಎಲ್‌ಬಿಡಬ್ಲ್ಯೂ ಔಟ್‌ಗೆ ಮೇಲ್ಮನವಿ ಸಲ್ಲಿಸಲಾಯಿತು. ಆಸ್ಟ್ರೇಲಿಯಾ ಭಯದಿಂದ ವಿಮರ್ಶೆಯನ್ನು ತೆಗೆದುಕೊಳ್ಳಲಿಲ್ಲ, ಏಕೆಂದರೆ ಆಸ್ಟ್ರೇಲಿಯಾ ತನ್ನ 2 ವಿಮರ್ಶೆಗಳನ್ನು ಮೊದಲೇ ಕಳೆದುಕೊಂಡಿತು. ಹೀಗಾಗಿ ಅತಿಥಿ ತಂಡ ಮತ್ತೊಂದು ವಿಮರ್ಶೆಯನ್ನು ಕಳೆದುಕೊಳ್ಳುವ ಭಯದಲ್ಲಿ ವಿಮರ್ಶೆ ತೆಗೆದುಕೊಳ್ಳಲು ನಿರಾಕರಿಸಿತು. ಆದರೆ ರೀಪ್ಲೇಗಳಲ್ಲಿ ಪೂಜಾರ ಔಟಾಗಿರುವುದು ಸ್ಪಷ್ಟವಾಗಿ ಗೋಚರಿಸಿತು. ಹೀಗಾಗಿ ಮೊದಲೇ ಔಟಾಗುವುದರಿಂದ ಪೂಜಾರ ಬಚಾವ್ ಆಗಿದ್ದರು.

2 ರಿವ್ಯೂವ್ ವ್ಯರ್ಥ

ವಾಸ್ತವವಾಗಿ, ಆಸ್ಟ್ರೇಲಿಯಾ 14 ಮತ್ತು 15 ನೇ ಓವರ್‌ಗಳಲ್ಲಿ ಕೆಎಲ್ ರಾಹುಲ್ ವಿರುದ್ಧ ಎರಡು ವಿಮರ್ಶೆಗಳನ್ನು ವ್ಯರ್ಥ ಮಾಡಿತ್ತು. ಆದರೆ ನಿಜವಾಗಿ ಔಟಾಗಿದ್ದಾಗ ರಿವ್ಯೂ ತೆಗೆದುಕೊಳ್ಳಲು ಆಸೀಸ್ ತಂಡಕ್ಕೆ ಸಾಧ್ಯವಾಗಲಿಲ್ಲ. ಭಾರತದ ಪರ 100 ಟೆಸ್ಟ್‌ ಆಡಿದ 13 ನೇ ಭಾರತೀಯ ಎನಿಸಿಕೊಂಡಿರುವ ಪೂಜಾರ ಶೂನ್ಯಕ್ಕೆ ವಿಕೆಟ್ ಒಪ್ಪಿಸುವ ಮೂಲಕ ಭಾರತವನ್ನು ಸಂಕಷ್ಟಕ್ಕೆ ಸಿಲುಕಿಸಿದರು. ಪೂಜಾರ ವಿಕೆಟ್ ರೂಪದಲ್ಲಿ ಭಾರತ ತನ್ನ ಎರಡನೇ ಟೆಸ್ಟ್ ಪಂದ್ಯದಲ್ಲಿ 54 ರನ್‌ಗಳಿಗೆ ಮೂರನೇ ಹೊಡೆತವನ್ನು ಎದುರಿಸಬೇಕಾಯಿತು. ಪೂಜಾರ ಬಳಿಕ ಶ್ರೇಯಸ್ ಅಯ್ಯರ್ ಕೂಡ ಬೇಗನೇ ಪೆವಿಲಿಯನ್​ಗೆ ಮರಳಿದರು. ಆಸೀಸ್ ಸ್ಪಿನ್ನರ್ ನಾಥನ್ ಲಿಯಾನ್ ಭಾರತದ ಈ ಎಲ್ಲಾ ನಾಲ್ಕು ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.

ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ