Ishan Kishan: ಇಶಾನ್ ಕಿಶನ್ಗಾಗಿ ತನ್ನ ಬ್ಯಾಟಿಂಗ್ ಕ್ರಮಾಂಕವನ್ನೇ ತ್ಯಾಗ ಮಾಡಿದ ವಿರಾಟ್ ಕೊಹ್ಲಿ
Virat Kohli, IND vs WI 2nd T20I: ಇಶಾನ್ ಕಿಶನ್ ಟಿ20 ಮಾದರಿಯಲ್ಲಿ ಸ್ಫೋಟಕ ಬ್ಯಾಟಿಂಗ್ ನಡೆಸಿ ಕೇವಲ 34 ಎಸೆತಗಳಲ್ಲಿ 4 ಫೋರ್, 2 ಸಿಕ್ಸರ್ನಿಂದ ಅಜೇಯ 52 ರನ್ ಚಚ್ಚಿದರು. ಟೆಸ್ಟ್ ಕ್ರಿಕೆಟ್ನಲ್ಲಿ ಚೊಚ್ಚಲ ಅರ್ಧಶತಕ ಸಿಡಿಸಿದ ಕಿಶನ್ ಅವರು ವಿರಾಟ್ ಕೊಹ್ಲಿ ಅವರ ನಾಲ್ಕನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಲು ಬಂದಿದ್ದು ವಿಶೇಷ.
ಟ್ರಿನಿಡಾಡ್ನ ಕ್ವೀನ್ಸ್ ಪಾರ್ಕ್ ಓವಲ್ನಲ್ಲಿ ನಡೆಯುತ್ತಿರುವ ಭಾರತ ಹಾಗೂ ವೆಸ್ಟ್ ಇಂಡೀಸ್ (India vs West Indies) ನಡುವಣ ಅಂತಿಮ ಎರಡನೇ ಟೆಸ್ಟ್ ಪಂದ್ಯ ರೋಚಕ ಘಟ್ಟಕ್ಕೆ ಬಂದು ನಿಂತಿದೆ. ಇಂದು ಕೊನೆಯ ದಿನದಾಟ ಮಾತ್ರ ಬಾಕಿ ಉಳಿದಿದ್ದು ಕೆರಿಬಿಯನ್ನರ ಗೆಲುವಿಗೆ 289 ರನ್ಗಳ ಅವಶ್ಯಕತೆಯಿದ್ದರೆ, ಭಾರತದ ಜಯಕ್ಕೆ ವಿಂಡೀಸ್ನ 8 ವಿಕೆಟ್ಗಳು ಕೀಳಬೇಕಿದೆ. ಮೊದಲ ಇನ್ನಿಂಗ್ಸ್ನಲ್ಲಿ ವಿಂಡೀಸ್ ತಂಡವನ್ನು 255 ರನ್ಗಳಿಗೆ ಆಲೌಟ್ ಮಾಡಿ ತನ್ನ ದ್ವಿತೀಯ ಇನ್ನಿಂಗ್ಸ್ ಶುರು ಮಾಡಿದ ಟೀಮ್ ಇಂಡಿಯಾ (Team India) ಭರ್ಜರಿ ಬ್ಯಾಟಿಂಗ್ ನಡೆಸಿತು. ಅದರಲ್ಲೂ ಇಶಾನ್ ಕಿಶನ್ (Ishan Kishan) ಟಿ20 ಮಾದರಿಯಲ್ಲಿ ಸ್ಫೋಟಕ ಬ್ಯಾಟಿಂಗ್ ನಡೆಸಿ ಕೇವಲ 34 ಎಸೆತಗಳಲ್ಲಿ 4 ಫೋರ್, 2 ಸಿಕ್ಸರ್ನಿಂದ ಅಜೇಯ 52 ರನ್ ಚಚ್ಚಿದರು.
ಟೆಸ್ಟ್ ಕ್ರಿಕೆಟ್ನಲ್ಲಿ ಚೊಚ್ಚಲ ಅರ್ಧಶತಕ ಸಿಡಿಸಿದ ಕಿಶನ್ ಅವರು ವಿರಾಟ್ ಕೊಹ್ಲಿ ಅವರ ನಾಲ್ಕನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಲು ಬಂದಿದ್ದು ವಿಶೇಷ. ಟೆಸ್ಟ್ ಕ್ರಿಕೆಟ್ನಲ್ಲಿ ಕೊಹ್ಲಿಯದ್ದು ನಾಲ್ಕನೇ ಕ್ರಮಾಂಕ. ಈ ಸ್ಥಾನವನ್ನು ಅವರು ಯಾರಿಗೂ ಬಿಟ್ಟುಕೊಡುವುದಿಲ್ಲ. ಆದರೆ, ಈ ಬಾರಿ ತಂಡದ ಹಿತಕ್ಕಾಗಿ ಕೊಹ್ಲಿ ತಮ್ಮ ಬ್ಯಾಟಿಂಗ್ ಕ್ರಮಾಂಕವನ್ನು ಕಿಶನ್ಗೆ ತ್ಯಾಗ ಮಾಡಿದರು. ಈ ಬಗ್ಗೆ ಪಂದ್ಯ ಮುಗಿದ ಬಳಿಕ ಇಶಾನ್ ಕಿಶನ್ ಮಾಹಿತಿ ನೀಡಿದ್ದಾರೆ.
IND vs WI: ಅತ್ಯಲ್ಪ ಓವರ್ಗಳಲ್ಲಿ ಶತಕ ಸಿಡಿಸಿ ಹಲವು ದಾಖಲೆ ಬರೆದ ಟೀಂ ಇಂಡಿಯಾ
”ಈ ಆಟ ನಿಜಕ್ಕೂ ವಿಶೇಷವಾಗಿತ್ತು. ತಂಡಕ್ಕೆ ನನ್ನಿಂದ ಏನು ಕೊಡುಗೆ ಬೇಕು ಎಂಬುದು ನನಗೆ ತಿಳಿದಿತ್ತು. ಎಲ್ಲರೂ ನನ್ನನ್ನು ಬೆಂಬಲಿಸಿದರು. ಮುಖ್ಯವಾಗಿ ವಿರಾಟ್ ಕೊಹ್ಲಿ ನನ್ನನ್ನು ಬೆಂಬಲಿಸಿ, ಹೋಗಿ ನಿನ್ನ ಆಟ ಆಡು ಎಂದು ಹೇಳಿದರು. ವಿರಾಟ್ ಭಾಯ್ ಅವರು ನೀನು ನನ್ನ ಕ್ರಮಾಂಕದಲ್ಲಿ ಆಡು ಎಂದು ಹೇಳಿದರು. ನಾವು ಮಳೆಯ ವಿರಾಮನದ ನಂತರ ಯೋಜನೆ ರೂಪಿಸಿದ್ದೆವು. ನಮಗೆ 10-12 ಓವರ್‌ಗಳು ಸಿಗುತ್ತದೆ. ಇದರಲ್ಲಿ 70-80 ರನ್ ಗಳಿಸಬೇಕು ಎಂಬುದು ಪ್ಲಾನ್ ಆಗಿತ್ತು. ಅದರಂತೆ ನಾವು ಆಡಿದೆವು,” ಎಂದು ಕಿಶನ್ ಹೇಳಿದ್ದಾರೆ.
ರಿಷಭ್ ಪಂತ್ ಬ್ಯಾಟ್ನಲ್ಲಿ ಕಿಶನ್ ಆಟ:
ವಿಶೇಷ ಎಂದರೆ ಕಿಶನ್ ಅವರು ಥೇಟ್ ರಿಷಭ್ ಪಂತ್ ಮಾದರಿಯಲ್ಲಿ ಒಂದೇ ಕೈಯಲ್ಲಿ ಸಿಕ್ಸ್ ಸಿಡಿಸಿ ಅರ್ಧಶತಕ ಪೂರ್ಣಗೊಳಿಸಿದರು. ಮತ್ತೊಂದು ಅಚ್ಚರಿ ಎಂದರೆ ಕಿಶನ್ ಅವರು ಆಟವಾಡಿದ್ದು ಪಂತ್ ಅವರ ಬ್ಯಾಟ್ನಲ್ಲಿ. ಇಶಾನ್ ಕಿಶನ್ ಆಡುತ್ತಿದ್ದ ಬ್ಯಾಟ್ನಲ್ಲಿ RP 17 ಎಂದು ಬರೆದಿರುವುದು ಕಂಡು ಬಂದಿದೆ. ಇದು ರಿಷಭ್ ಪಂತ್ ಅವರ ಬ್ಯಾಟ್ ಆಗಿದೆ. ಪಂದ್ಯ ಮುಗಿದ ಬಳಿಕ ಮಾತನಾಡಿದ ಕಿಶನ್, ”ನಾನು ಇಲ್ಲಿಗೆ ಬರುವ ಮುನ್ನ ಎನ್ಸಿಎಗೆ ತೆರಳಿದ್ದೆ. ಅಲ್ಲಿ ಪಂತ್ರನ್ನು ಭೇಟಿ ಮಾಡಿದೆ. ಅವರು ಕೆಲ ಬ್ಯಾಟಿಂಗ್ ಟಿಪ್ಸ್ ನೀಡಿದರು. ನಾನು ಮತ್ತು ರಿಷಭ್ ಪಂತ್ ಅಂಡರ್-19 ದಿನಗಳಿಂದ ಜೊತೆಗಿದ್ದೇವೆ. ನಮ್ಮ ನಡುವೆ ಉತ್ತಮ ಬಾಂಧವ್ಯವಿದೆ. ನಾನು ಹೇಗೆ ಆಡುತ್ತೇನೆ ಎಂಬುದು ಪಂತ್ಗೆ ಚೆನ್ನಾಗಿ ತಿಳಿದಿದೆ,” ಎಂದಿದ್ದಾರೆ.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ