IND vs WI: ಅತ್ಯಲ್ಪ ಓವರ್ಗಳಲ್ಲಿ ಶತಕ ಸಿಡಿಸಿ ಹಲವು ದಾಖಲೆ ಬರೆದ ಟೀಂ ಇಂಡಿಯಾ
Rohit Sharma- Yashasvi Jaiswal: ಈ ಸರಣಿಯ ಮೂರು ಇನ್ನಿಂಗ್ಸ್ಗಳಲ್ಲಿ ಇಬ್ಬರೂ 229, 139 ಮತ್ತು 98 ರನ್‌ಗಳ ಜೊತೆಯಾಟವನ್ನು ಹಂಚಿಕೊಂಡಿದ್ದಾರೆ. ಈ ಮೂಲಕ, ಇಬ್ಬರೂ ಒಟ್ಟು 3 ಇನ್ನಿಂಗ್ಸ್ಗಳಲ್ಲಿ 466 ರನ್ ಸೇರಿಸಿದ್ದಾರೆ.
ಭಾರತದ ವೆಸ್ಟ್ ಇಂಡೀಸ್ ಪ್ರವಾಸವು ಟೆಸ್ಟ್ ಕ್ರಿಕೆಟ್‌ನಲ್ಲಿ ಟೀಂ ಇಂಡಿಯಾಕ್ಕೆ ಹೊಸ ಯುಗಕ್ಕೆ ನಾಂದಿಯಾಗಿದೆ. ಅದರ ಮೊದಲ ಹೆಜ್ಜೆಯಂತೆ ಆರಂಭಿಕ ಜೋಡಿಯಲ್ಲಿ ಬದಲಾವಣೆ ಕಂಡುಬಂದಿದೆ. ಯುವ ಬ್ಯಾಟ್ಸ್‌ಮನ್ ಯಶಸ್ವಿ ಜೈಸ್ವಾಲ್ ಹಾಗೂ ನಾಯಕ ರೋಹಿತ್ ಶರ್ಮಾ ಜುಗಲ್ಬಂದಿ ಯಶ ಕಂಡಿದೆ.
1 / 7
ವಿಂಡೀಸ್ ವಿರುದ್ಧ ಎರಡು ಟೆಸ್ಟ್ ಪಂದ್ಯಗಳ ಮೂರೂ ಇನ್ನಿಂಗ್ಸ್ಗಳಲ್ಲಿ ಈ ಜೋಡಿ ಕನಿಷ್ಠ ಅರ್ಧಶತಕದ ಜೊತೆಯಾಟ ನೀಡಿದೆ. ಇದು ಟೀಂ ಇಂಡಿಯಾದ ಭರವಸೆಯನ್ನು ಹೆಚ್ಚಿಸಿದೆ. ಮೊದಲ ಟೆಸ್ಟ್ನಲ್ಲಿ ದ್ವಿಶತಕದ ಜೊತೆಯಾಟವನ್ನಾಡಿ ದಾಖಲೆ ಬರೆದಿದ್ದ ಈ ಜೋಡಿ, ಎರಡನೇ ಟೆಸ್ಟ್ನ 2ನೇ ಇನ್ನಿಂಗ್ಸ್ನಲ್ಲಿ ಮತ್ತೊಂದು ದಾಖಲೆ ಬರೆದಿದೆ.
2 / 7
ಪೋರ್ಟ್ ಆಫ್ ಸ್ಪೇನ್ ಟೆಸ್ಟ್ನ ನಾಲ್ಕನೇ ದಿನದಂದು ಭಾರತದ ಎರಡನೇ ಇನ್ನಿಂಗ್ಸ್ನಲ್ಲಿ, ರೋಹಿತ್ ಶರ್ಮಾ ಮತ್ತು ಯಶಸ್ವಿ ಜೈಸ್ವಾಲ್ ಕೇವಲ 34 ಎಸೆತಗಳಲ್ಲಿ ಅರ್ಧಶತಕದ ಜೊತೆಯಾಟವನ್ನು ಹಂಚಿಕೊಂಡರು. ಇಬ್ಬರೂ 8.33 ರ ರನ್ರೇಟ್ನಲ್ಲಿ ರನ್ ಕಲೆಹಾಕಿದರು. ಇದು ಭಾರತದ ಪರ ಟೆಸ್ಟ್ ಕ್ರಿಕೆಟ್‌ನಲ್ಲಿ ವೇಗದ ಅರ್ಧಶತಕದ ಪಾಲುದಾರಿಕೆಯ ದಾಖಲೆಯಾಗಿದೆ.
3 / 7
ಅಲ್ಲದೆ ಇವರಿಬ್ಬರೂ 11.5 ಓವರ್ಗಳಲ್ಲಿ 98 ರನ್‌ಗಳ ಜೊತೆಯಾಟವನ್ನು ಹಂಚಿಕೊಂಡರು. ಮುಂದಿನ 3 ಎಸೆತಗಳಲ್ಲಿ ಟೀಂ ಇಂಡಿಯಾ 100 ರನ್ ಪೂರೈಸಿತು. ಅಂದರೆ 12.2 ಓವರ್ಗಳಲ್ಲಿ ತಂಡದ 100 ರನ್ಗಳು ಪರ್ಣಗೊಂಡವು. ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ ಯಾವ ತಂಡವೂ ಇಷ್ಟು ವೇಗವಾಗಿ 100 ರನ್ ಪೂರೈಸಿಲ್ಲ. ಅಂದರೆ ಇದು ಕೂಡ ಟೆಸ್ಟ್ನಲ್ಲಿ ಅತೀ ವೇಗದ ಶತಕದ ಜೊತೆಯಾಟ ಎಂಬ ದಾಖಲೆ ಬರೆಯಿತು.
4 / 7
ಅಷ್ಟೇ ಅಲ್ಲ, ಈ ಸರಣಿಯ ಮೂರು ಇನ್ನಿಂಗ್ಸ್ಗಳಲ್ಲಿ ಇಬ್ಬರೂ 229, 139 ಮತ್ತು 98 ರನ್‌ಗಳ ಜೊತೆಯಾಟವನ್ನು ಹಂಚಿಕೊಂಡಿದ್ದಾರೆ. ಈ ಮೂಲಕ, ಇಬ್ಬರೂ ಒಟ್ಟು 3 ಇನ್ನಿಂಗ್ಸ್ಗಳಲ್ಲಿ 466 ರನ್ ಸೇರಿಸಿದ್ದಾರೆ. ಇದು ವಿದೇಶದಲ್ಲಿ ಯಾವುದೇ ಸರಣಿಯಲ್ಲಿ ಭಾರತಕ್ಕೆ ಆರಂಭಿಕ ಜೊತೆಯಾಟದ ಹೊಸ ದಾಖಲೆಯಾಗಿದೆ.
5 / 7
ಎರಡನೇ ಇನಿಂಗ್ಸ್‌ನಲ್ಲಿ ವೇಗವಾಗಿ ಬ್ಯಾಟ್ ಮಾಡಿದ ಭಾರತ ಕೇವಲ 24 ಓವರ್ಗಳಲ್ಲಿ 181 ರನ್ ಗಳಿಸಿ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿತು. 7.54 ರ ರನ್ರೇಟ್ನಲ್ಲಿ ಭಾರತ ರನ್ ಕಲೆಹಾಕಿತು. ಇದು ಟೆಸ್ಟ್ ಕ್ರಿಕೆಟ್‌ನಲ್ಲಿ ಹೊಸ ದಾಖಲೆಯಾಗಿದೆ. ಪಾಕಿಸ್ತಾನದ ವಿರುದ್ಧ 241 ರನ್ ಬಾರಿಸಿದ್ದ ಆಸ್ಟ್ರೇಲಿಯಾ (7.53) ಹೆಸರಿನಲ್ಲಿ ಕನಿಷ್ಠ 20 ಓವರ್‌ಗಳ ಇನ್ನಿಂಗ್ಸ್ನಲ್ಲಿ ಹಿಂದಿನ ದಾಖಲೆಯಾಗಿತ್ತು.
6 / 7
ಸದ್ಯ 2ನೇ ಇನ್ನಿಂಗ್ಸ್ ಆರಂಭಿಸಿರುವ ವಿಂಡೀಸ್ 2 ವಿಕೆಟ್ ಕಳೆದುಕೊಂಡು 76 ರನ್ ಕಲೆಹಾಕಿದೆ. ಈಗ ಪಂದ್ಯದ ಕೊನೆಯ ದಿನ ವಿಂಡೀಸ್ ಗೆಲುವಿಗೆ 289 ರನ್ಗಳು ಬೇಕಿದ್ದರೆ, ಭಾರತದ ಗೆಲುವಿಗೆ 8 ವಿಕೆಟ್ಗಳು ಅವಶ್ಯಕತೆ ಇದೆ.
