8,300mAh ಬ್ಯಾಟರಿ, 35W ಫಾಸ್ಟ್ ಚಾರ್ಜರ್: ಬಿಡುಗಡೆ ಆಗಿದೆ ಹಾನರ್ ಕಂಪನಿಯ ಹೊಸ ಟ್ಯಾಬ್ಲೆಟ್ 9

ಪ್ರಸಿದ್ಧ ಹಾನರ್ ಕಂಪನಿ ಟ್ಯಾಬ್ಲೆಟ್ 9 ಅನ್ನು ಚೀನಾದಲ್ಲಿ ಬಿಡುಗಡೆ ಮಾಡಿದೆ. ಇದರ ಜೊತೆಗೆ ಹಾನರ್ 90 GT ಸ್ಮಾರ್ಟ್‌ಫೋನ್ ಕೂಡ ಅನಾವರಣಗೊಂಡಿದೆ. ಹಿಂದಿನ ಹುವೈ ಅಂಗಸಂಸ್ಥೆಯ ಟ್ಯಾಬ್ಲೆಟ್ 9, 12.1-ಇಂಚಿನ 2.5K ಡಿಸ್​ಪ್ಲೇಯೊಂದಿಗೆ ಮೂರು ಬಣ್ಣದ ಆಯ್ಕೆಗಳಲ್ಲಿ ಬರುತ್ತದೆ. ಇದು ಆಂಡ್ರಾಯ್ಡ್ 13-ಆಧಾರಿತ MagicOS 7.2 ನಲ್ಲಿ ಕಾರ್ಯನಿರ್ವಹಿಸುತ್ತದೆ ಬಲಿಷ್ಠ ಬ್ಯಾಟರಿ, ಫಾಸ್ಟ್ ಚಾರ್ಜರ್, ಅತ್ಯುತ್ತಮ ಪ್ರೊಸೆಸರ್ ಕೂಡ ನೀಡಲಾಗಿದೆ. ಇದರ ಬೆಲೆ, ಫೀಚರ್ಸ್ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ.

ಹಾನರ್ ಟ್ಯಾಬ್ಲೆಟ್ 9 ಬೆಲೆ:

ಹಾನರ್ ಟ್ಯಾಬ್ಲೆಟ್ 9ನ 8GB RAM + 128GB ಸ್ಟೋರೇಜ್ ಮಾದರಿಗಾಗಿ CNY 1,599 (ಸುಮಾರು ರೂ. 18,500) ನಿಗದಿಪಡಿಸಲಾಗಿದೆ. ಹಾನರ್ ಈ ಮಾದರಿಗೆ CNY 100 ರಿಯಾಯಿತಿ ಒದಗಿಸುತ್ತಿದೆ. ಅಂತೆಯೆ 8GB + 256GB ಮಾದರಿಯ ಬೆಲೆ CNY 1,699 (ಸುಮಾರು ರೂ. 20,500), 12GB + 256GB ಮಾದರಿಯ ಬೆಲೆ CNY 1,999 (ಸುಮಾರು ರೂ. 23,500).

12GB RAM ಮತ್ತು 512GB ಸ್ಟೋರೇಜ್ ಹೊಂದಿರುವ ಟಾಪ್-ಎಂಡ್ ಮಾಡೆಲ್ ಬೆಲೆ CNY 2,199 (ಸುಮಾರು ರೂ. 26,200). ಇದನ್ನು ಮುಗುವಾಂಗ್ ವೈಟ್, ಸ್ಕೈ ಬ್ಲೂ, ಸ್ಟಾರಿ ಸ್ಕೈ ಗ್ರೇ (ಚೀನೀ ಭಾಷೆಯಿಂದ ಅನುವಾದಿಸಲಾಗಿದೆ) ಬಣ್ಣ ಆಯ್ಕೆಗಳಲ್ಲಿ ನೀಡಲಾಗುತ್ತದೆ.

Tech Tips: ಒಂದೇ ಇಯರ್‌ಬಡ್‌ಗಳಲ್ಲಿ ಎರಡು ಹಾಡುಗಳನ್ನು ಕೇಳುವುದು ಹೇಗೆ?: ಇಲ್ಲಿದೆ ಟ್ರಿಕ್

ಹಾನರ್ ಟ್ಯಾಬ್ಲೆಟ್ 9 ಫೀಚರ್ಸ್:

ಹಾನರ್ ಟ್ಯಾಬ್ಲೆಟ್ 9 ಆಂಡ್ರಾಯ್ಡ್ 13 ಆಧಾರಿತ MagicOS 7.2 ನಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು 120Hz ರಿಫ್ರೆಶ್ ದರದೊಂದಿಗೆ 12.1-ಇಂಚಿನ 2.5K (1,600×2,560 ಪಿಕ್ಸೆಲ್‌ಗಳು) IPSಡಿಡಸ್​ಪ್ಲೇ, 249ppi ಪಿಕ್ಸೆಲ್ ಸಾಂದ್ರತೆ, 88 ಪ್ರತಿಶತ ಸ್ಕ್ರೀನ್-ಟು-ಬಾಡಿ ಅನುಪಾತ ಹೊಂದಿದೆ. ಈ ಟ್ಯಾಬ್ಲೆಟ್ 4nm ಸ್ನಾಪ್‌ಡ್ರಾಗನ್ 6 Gen 1 SoC ನಿಂದ ಚಾಲಿತವಾಗಿದೆ, ಜೊತೆಗೆ 12GB RAM ಮತ್ತು 512GB ಆನ್‌ಬೋರ್ಡ್ ಸಂಗ್ರಹಣೆಯೊಂದಿಗೆ ಸಂಯೋಜಿಸಲ್ಪಟ್ಟಿದೆ.

ಕ್ಯಾಮೆರಾ ವಿಚಾರಕ್ಕೆ ಬಂದರೆ, ಹಾನರ್ ಟ್ಯಾಬ್ಲೆಟ್ 9 13-ಮೆಗಾಪಿಕ್ಸೆಲ್ ಹಿಂಬದಿಯ ಕ್ಯಾಮೆರಾ ಸಂವೇದಕವನ್ನು f/2.0 ಅಪರ್ಚರ್ ಮತ್ತು ಆಟೋಫೋಕಸ್‌ನೊಂದಿಗೆ ಬರುತ್ತದೆ. ಮುಂಭಾಗದಲ್ಲಿ, ವಿಡಿಯೋ ಕರೆ ಮತ್ತು ಸೆಲ್ಫಿಗಾಗಿ f/2.2 ದ್ಯುತಿರಂಧ್ರದೊಂದಿಗೆ 8-ಮೆಗಾಪಿಕ್ಸೆಲ್ ಸಂವೇದಕವನ್ನು ಹೊಂದಿದೆ.

ಟ್ಯಾಬ್ಲೆಟ್‌ನಲ್ಲಿನ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಡ್ಯುಯಲ್ ಬ್ಯಾಂಡ್ ವೈ-ಫೈ, ಬ್ಲೂಟೂತ್ 5.1, ಮತ್ತು ಒಟಿಜಿ ಬೆಂಬಲದೊಂದಿಗೆ ಯುಎಸ್‌ಬಿ ಟೈಪ್-ಸಿ ಪೋರ್ಟ್ ಸೇರಿವೆ. ಇದು ಹಾನರ್​ನ Histen ಧ್ವನಿಯೊಂದಿಗೆ ಎರಡು ಮೈಕ್ರೊಫೋನ್‌ಗಳು ಮತ್ತು ಎಂಟು ಸ್ಪೀಕರ್‌ಗಳನ್ನು ಒಳಗೊಂಡಿದೆ. ಹಾನರ್ ಟ್ಯಾಬ್ಲೆಟ್ 9 8,300mAh ಬ್ಯಾಟರಿಯನ್ನು 35W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ ಬರುತ್ತದೆ. ಒಂದೇ ಚಾರ್ಜ್‌ನಲ್ಲಿ 8 ಗಂಟೆಗಳವರೆಗೆ ವಿಡಿಯೋ ಪ್ಲೇಬ್ಯಾಕ್ ಟೈಮ್ ಮಾಡಬಹುದು.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ