iPhone SE 4: ಬಿಡುಗಡೆಗೂ ಮುನ್ನವೇ ಲೀಕ್ ಆಯ್ತು ಅಗ್ಗದ ಐಫೋನ್ ವಿನ್ಯಾಸ: ಹೇಗಿರುತ್ತೆ ಗೊತ್ತಾ..?

ಕಳೆದ ಒಂದು ವರ್ಷದಿಂದ, ಆ್ಯಪಲ್​ನ ಮುಂಬರುವ ಅಗ್ಗದ ಐಫೋನ್ ಐಫೋನ್ SE 4 ಕುರಿತು ಸಾಕಷ್ಟು ಚರ್ಚೆ ನಡೆಯುತ್ತಿದೆ. ಕಳೆದ ಹಲವು ತಿಂಗಳುಗಳಿಂದ ಇದರ ವೈಶಿಷ್ಟ್ಯಗಳ ಬಗ್ಗೆ ಸೋರಿಕೆಗಳು ಕೂಡ ಆಗುತ್ತಿವೆ. ಇತ್ತೀಚೆಗೆ ಕಂಪನಿಯು ಇದನ್ನು ಐಫೋನ್ SE 4 ಬದಲಿಗೆ ಐಫೋನ್ 16e ಎಂದು ಬಿಡುಗಡೆ ಮಾಡಬಹುದು ಎಂದು ಹೇಳಲಾಗಿದೆ. ಇದೀಗ ಅದರ ಫೋಟೋಗೆ ಸಂಬಂಧಿಸಿದಂತೆ ಹೊಸ ಅಪ್‌ಡೇಟ್‌ ಹೊರಬಿದ್ದಿದೆ. ಹಿಂದಿನ ಸೋರಿಕೆಯ ವರದಿಗಳ ಪ್ರಕಾರ, ಆ್ಯಪಲ್ 2025 ರ ಮೊದಲಾರ್ಧದಲ್ಲಿ ಐಫೋನ್ SE 4 ಅನ್ನು ಬಿಡುಗಡೆ ಮಾಡಲಿದೆ.

ಕಂಪನಿಯು ಈ ಸಾಧನವನ್ನು ಐಪ್ಯಾಡ್‌ಗಳ ಜೊತೆಗೆ ಮಾರುಕಟ್ಟೆಯಲ್ಲಿ ಅನಾವರಣ ಮಾಡಬಹುದು ಎನ್ನಲಾಗಿದೆ. ಪ್ರಸ್ತುತ, ಐಫೋನ್ SE 4 ಗೆ ಸಂಬಂಧಿಸಿದಂತೆ ಕಂಪನಿಯು ಯಾವುದೇ ಅಧಿಕೃತ ಮಾಹಿತಿಯನ್ನು ಹಂಚಿಕೊಂಡಿಲ್ಲ. ಆದರೆ ಈಗ ಎಕ್ಸ್ ಬಳಕೆದಾರರು ಇದರ ವಿನ್ಯಾಸವನ್ನು ಬಹಿರಂಗಪಡಿಸಿದ್ದಾರೆ.

ವಿನ್ಯಾಸ ಮತ್ತು ಫೋಟೋ ಸಾಮಾಜಿಕ ಮಾಧ್ಯಮದಲ್ಲಿ ಬಹಿರಂಗವಾಗಿದೆ:

ಸೋನಿ ಡಿಕ್ಸನ್ ಎಂಬ ಎಕ್ಸ್ ಬಳಕೆದಾರರು ಐಫೋನ್ SE 4 ನ ವಿನ್ಯಾಸವನ್ನು ಬಹಿರಂಗಪಡಿಸಿದ್ದಾರೆ. ಡಿಕ್ಸನ್ ಐಫೋನ್ ಎಸ್ಇ 4 ನ ನಕಲಿ ಘಟಕದ ಎರಡು ಫೋಟೋಗಳನ್ನು ಸಾಮಾಜಿಕ ಮಾಧ್ಯಮ ವೇದಿಕೆಯಲ್ಲಿ ಹಂಚಿಕೊಂಡಿದ್ದಾರೆ. ಎರಡೂ ಫೋಟೋಗಳ ವಿನ್ಯಾಸ ಒಂದೇ ಆದರೆ ಅವುಗಳ ಬಣ್ಣಗಳು ವಿಭಿನ್ನವಾಗಿವೆ. ಕಂಪನಿಯು ಕನಿಷ್ಠ ಎರಡು ಬಣ್ಣ ರೂಪಾಂತರಗಳೊಂದಿಗೆ ಐಫೋನ್ SE 4 ಅನ್ನು ಪ್ರಾರಂಭಿಸಬಹುದು ಎಂಬ ಅಂಶವನ್ನು ಇದು ಸೂಚಿಸುತ್ತದೆ.

TRAI: ಅಗ್ಗದ ಪ್ಲ್ಯಾನ್ ತರಲು ಜಿಯೋ, ಏರ್ಟೆಲ್, ವಿಗೆ ಟ್ರಾಯ್ ಖಡಕ್ ಆದೇಶ

ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡ ಫೋಟೋದಲ್ಲಿ ಬ್ಯಾಕ್​ಗ್ರೌಂಡ್​ ಪ್ಯಾನಲ್​ನ ವಿನ್ಯಾಸವನ್ನು ಹಂಚಿಕೊಳ್ಳಲಾಗಿದೆ. ಈ ವಿನ್ಯಾಸವು ನಿಮಗೆ ಐಫೋನ್ 4 ಅನ್ನು ನೆನಪಿಸಬಹುದು. ಸೋರಿಕೆಯಾದ ಫೋಟೋ ಪ್ರಕಾರ, ಐಫೋನ್ SE 4 ಅನ್ನು ಒಂದೇ ಕ್ಯಾಮೆರಾ ಸಂವೇದಕದೊಂದಿಗೆ ಬಿಡುಗಡೆ ಮಾಡಬಹುದು. ಇದರೊಂದಿಗೆ, ಕ್ಯಾಮೆರಾದ ಬದಿಯಲ್ಲಿ ಫ್ಲ್ಯಾಷ್ ಲೈಟ್ ಅನ್ನು ಒದಗಿಸಲಾಗಿದೆ. ಸನ್ನಿ ಡಿಕ್ಸನ್ ಅವರು ಹಂಚಿಕೊಂಡಿರುವ ಫೋಟೋವು ಡಮ್ಮಿ ಘಟಕದ ಫೋಟೋವಾಗಿದ್ದು, ಆ್ಯಪಲ್ ಲೋಗೋ ಪ್ರಸ್ತುತ ಗೋಚರಿಸುವುದಿಲ್ಲ.

ಫೋನ್‌ನ ಸೈಡ್ ಡಿಸೈನ್ ಅನ್ನು ತೋರಿಸುವ ಮತ್ತೊಂದು ಫೋಟೋವನ್ನು ಸನ್ನಿ ಡಿಕ್ಸನ್ ಹಂಚಿಕೊಂಡಿದ್ದಾರೆ. ಇದರಲ್ಲಿ, ನಿಮಗೆ ಮೇಲ್ಭಾಗದಲ್ಲಿ ವಾಲ್ಯೂಮ್ ಬಟನ್‌ಗಳನ್ನು ನೀಡಲಾಗಿದೆ. ವಾಲ್ಯೂಮ್ ರಾಕರ್ ಬಟನ್‌ನ ಮೇಲೆ, ಫೋನ್ ಅನ್ನು ಜೆನೆರಲ್ ಮತ್ತು ಸೈಲೆಂಟ್ ಮೋಡ್‌ಗೆ ಪರಿವರ್ತಿಸಲು ನಿಮಗೆ ಸ್ಲೈಡರ್ ಬಟನ್‌ಗಳನ್ನು ನೀಡಲಾಗಿದೆ. ಚೌಕಟ್ಟಿನ ಕೆಳಭಾಗದಲ್ಲಿ, ಸಿಮ್ ಟ್ರೇ ನೀಡಲಾಗಿದೆ.

ಇದರಲ್ಲಿ ನೀವು ಫೋಟೋ-ವಿಡಿಯೋಗ್ರಫಿಗಾಗಿ 48-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾವನ್ನು ಪಡೆಯಬಹುದು. ಇದು ಐಫೋನ್ 16 ನ ಅಗ್ಗದ ಆವೃತ್ತಿಯೂ ಆಗಿರಬಹುದು ಎನ್ನಲಾಗಿದೆ. ಮೂಲಗಳ ಪ್ರಕಾರ ಇದರ ಡಿಸ್​ಪ್ಲೇ ಗಾತ್ರ 6.06 ಇಂಚು, ರಿಫ್ರೆಶ್ ದರವು 60Hz ಆಗಿರಬಹುದು. ಆ್ಯಪಲ್‌ನ A18 ಬಯೋನಿಕ್ ಚಿಪ್‌ಸೆಟ್‌ನೊಂದಿಗೆ ಅಳವಡಿಸಬಹುದಾಗಿದೆ.

ಮುಂದಿನ ಪೀಳಿಗೆಯ ಐಫೋನ್ SE iPad 11 ಮತ್ತು iOS 18.3 ಮತ್ತು iPadOS 18.3 ಸಾಫ್ಟ್‌ವೇರ್ ನವೀಕರಣಗಳೊಂದಿಗೆ ಪ್ರಾರಂಭಿಸಬಹುದು. ಇದರ ಬೆಲೆಯ ಬಗ್ಗೆ ಹೇಳುವುದಾದರೆ, ಇದು $500 (ಸುಮಾರು 42,000 ರೂ.) ಗಿಂತ ಕಡಿಮೆ ಇರುವ ಸಾಧ್ಯತೆಯಿದೆ. ಪ್ರಸ್ತುತ ಈ ಮುಂಬರುವ ಫೋನ್‌ನ ಬಿಡುಗಡೆಯ ಯಾವುದೇ ಅಧಿಕೃತ ವಿವರಗಳನ್ನು ಆ್ಯಪಲ್ ಬಹಿರಂಗಪಡಿಸಿಲ್ಲ ಎಂಬುದನ್ನು ಗಮನಿಸಿ.

ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ