ಡಿಸೆಂಬರ್​ನಲ್ಲಿ ಮಾರುಕಟ್ಟೆಗೆ ಎಷ್ಟು ಸ್ಮಾರ್ಟ್​ಫೋನ್​ಗಳು ಬರಲಿವೆ?, ಯಾವುವು?: ಇಲ್ಲಿದೆ ಮಾಹಿತಿ

2023ನೇ ವರ್ಷ ಕೊನೆಗೊಳ್ಳಲು ಕೆಲವೇ ದಿನಗಳು ಬಾಕಿ ಉಳಿದಿವೆ. ಈ ವರ್ಷದ ಕೊನೆಯ ತಿಂಗಳಲ್ಲಿ ನೀವು ಸ್ಮಾರ್ಟ್​ಫೋನ್ ಖರೀದಿಸುವ ಪ್ಲಾನ್​ನಲ್ಲಿದ್ದರೆ, ಡಿಸೆಂಬರ್​ನಲ್ಲಿ ಆಕರ್ಷಕ ಫೋನುಗಳ ಮಾರುಕಟ್ಟೆಗೆ ಲಗ್ಗೆಯಿಡುತ್ತಿವೆ. ಹೊಸ ನವೀಕರಿಸಿದ ಸ್ಮಾರ್ಟ್‌ಫೋನ್ ಖರೀದಿಸಲು ನೀವು ಯೋಚಿಸುತ್ತಿದ್ದರೆ, ಈ ತಿಂಗಳು ಫೋನ್ ಖರೀದಿಗೆ ಬೆಸ್ಟ್ ಟೈಮ್. ಡಿಸೆಂಬರ್ 2023 ರಲ್ಲಿ ಬಿಡುಗಡೆ ಆಗಲಿರುವ ಸ್ಮಾರ್ಟ್‌ಫೋನ್‌ಗಳ ಪಟ್ಟಿಯನ್ನು ನಾವು ಇಲ್ಲಿ ಹೇಳುತ್ತೇವೆ. ಇದರಲ್ಲಿ ಶವೋಮಿ, ಒನ್​ಪ್ಲಸ್, ರಿಯಲ್ ಮಿ ಯಂತಹ ಜನಪ್ರಿಯ ಬ್ರಾಂಡ್‌ಗಳು ಇವೆ.

ರೆಡ್ಮಿ 13c

ಬಜೆಟ್ ಸ್ಮಾರ್ಟ್‌ಫೋನ್‌ಗಳನ್ನು ತರುತ್ತಿರುವ ಶವೋಮಿ ತನ್ನ ಸಬ್​ಬ್ರಾಂಡ್​ ರೆಡ್ಮಿ ಅಡಿಯಲ್ಲಿ ರೂ. 10,000ಕ್ಕೆ ಹೊಸ ಸ್ಮಾರ್ಟ್‌ಫೋನ್ ಅನ್ನು ಬಿಡುಗಡೆ ಮಾಡಲು ತಯಾರಿ ನಡೆಸುತ್ತಿದೆ. ಕಂಪನಿಯು ತನ್ನ ರೆಡ್ಮಿ 13C 5G ಸ್ಮಾರ್ಟ್‌ಫೋನ್ ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಲು ಸಿದ್ಧವಾಗಿದೆ. ರೆಡ್ಮಿ 13C ಈ ವರ್ಷದ ಆರಂಭದಲ್ಲಿ ನೈಜೀರಿಯಾದಲ್ಲಿ ಪದಾರ್ಪಣೆ ಮಾಡಿತ್ತು. ಇದು ದೇಶದಲ್ಲಿ ಡಿಸೆಂಬರ್ 6 ರಂದು ಬಿಡುಗಡೆಯಾಗಲಿದೆ.

ಬೆಸ್ಟ್ ಕ್ಯಾಮೆರಾ ಫೋನ್ ಬೇಕೇ?: ಒಪ್ಪೋ ರೆನೋ 10 ಪ್ರೊ ಫೋನ್ ಬೆಲೆಯಲ್ಲಿ ಇಳಿಕೆ

ಒನ್​ಪ್ಲಸ್ 12 5G

ಜನಪ್ರಿಯ ಬ್ರ್ಯಾಂಡ್ ಒನ್​ಪ್ಲಸ್ ತನ್ನ ಒನ್​ಪ್ಲಸ್ 12 5G ಫೋನ್ ಅನ್ನು ಇದೇ ತಿಂಗಳು ರಿಲೀಸ್ ಮಾಡಲಿದೆ. ಒನ್​ಪ್ಲಸ್ ಡಿಸೆಂಬರ್ 5 ರಂದು ಜಾಗತಿಕ ಮಾರುಕಟ್ಟೆಗೆ ಅಪ್ಪಳಿಸಲಿದೆ. ವರದಿಗಳ ಪ್ರಕಾರ, ಜಾಗತಿಕ ಬಿಡುಗಡೆಯ ನಂತರ, ಈ ಫೋನ್ ಜನವರಿ 23 ರಂದು ಭಾರತದಲ್ಲಿ ಬಿಡುಗಡೆ ಆಗುವ ಸಾಧ್ಯತೆಯಿದೆ.

ರಿಯಲ್ ಮಿ GT 5 ಪ್ರೊ

ರಿಯಲ್ ಮಿ GT 5 ಪ್ರೊ ಫ್ಲ್ಯಾಗ್‌ಶಿಪ್ ಫೋನ್ ಡಿಸೆಂಬರ್ 7 ರಂದು ಅನಾವರಣಗೊಳ್ಳಲಿದೆ. ಇತ್ತೀಚೆಗೆ, ಕಂಪನಿಯು ವಿಡಿಯೋ ಟೀಸರ್ ಅನ್ನು ಬಿಡುಗಡೆ ಮಾಡುವ ಮೂಲಕ ದೊಡ್ಡ ಸುದ್ದಿಯನ್ನು ಬಹಿರಂಗಪಡಿಸಿದೆ. ಈ ಟೀಸರ್ ಪ್ರಕಾರ, ಮುಂಬರುವ ಫೋನ್‌ನಲ್ಲಿ ನೀವು 50 ಮೆಗಾಪಿಕ್ಸೆಲ್, 3x, ಸೋನಿ IMX890 ಪೆರಿಸ್ಕೋಪ್ ಟೆಲಿಫೋಟೋ ಕ್ಯಾಮೆರಾವನ್ನು ಪಡೆಯಬಹುದು.

ರೆಡ್ಮಿ ನೋಟ್ 13 ಪ್ರೊ ಸರಣಿ

ರೆಡ್ಮಿ ನೋಟ್ 13 ಪ್ರೊ ಸರಣಿಯು ಈ ತಿಂಗಳು ಜಾಗತಿಕವಾಗಿ ಪದಾರ್ಪಣೆ ಮಾಡಬಹುದು. ಮುಂಬರುವ ರೆಡ್ಮಿ ನೋಟ್ 13 ಪ್ರೊ 5G ಸರಣಿಯಲ್ಲಿ ನೀವು 6.67-ಇಂಚಿನ AMOLED ಡಿಸ್ಪ್ಲೇಯನ್ನು ಪಡೆಯಬಹುದು. ಕ್ವಾಲ್ಕಂ ಸ್ನಾಪ್​ಡ್ರಾಗನ್ 7s Gen 2 SoC ಚಿಪ್‌ಸೆಟ್‌ನೊಂದಿಗೆ ಅಳವಡಿಸಬಹುದಾಗಿದೆ. 16 GB RAM ಮತ್ತು 512 GB ಸಂಗ್ರಹಣೆಯೊಂದಿಗೆ ಬರಬಹುದು. ಇದರಲ್ಲಿ ನಿಮಗೆ ಬ್ಯಾಟರಿಯ ಬಗ್ಗೆ ಯಾವುದೇ ಟೆನ್ಶನ್ ಇರುವುದಿಲ್ಲ. ಯಾಕಂದ್ರೆ ಈ ಫೋನ್ 67W ವೇಗದ ಚಾರ್ಜಿಂಗ್ ಆಯ್ಕೆಯೊಂದಿಗೆ 5,000 mAh ಬ್ಯಾಟರಿಯನ್ನು ಹೊಂದಿದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ