Viral Video: ಈ ಮೊಸಳೆಗೆ ಈ ಮನುಷ್ಯನನ್ನು ಮುದ್ದಾಡಬೇಕು ಎನ್ನಿಸಿತು, ಮುಂದೆ?
Animal Lover: ಮೊಸಳೆ ಎಂದರೆ ನಿದ್ರೆಯಲ್ಲಿಯೂ ಭಯಪಡುವವರಿದ್ದಾರೆ. ದೂರದಿಂದಲೇ ಅದನ್ನು ನೋಡಿ ಅವರು ಓಡಿಹೋಗುತ್ತಾರೆ. ಇಂಥವರ ಹತ್ತಿರ ಮೊಸಳೆ ಬಂದರೆ ಮುಂದೇನು ಎನ್ನುವುದನ್ನು ಹೇಳುವುದೇ ಬೇಡ. ಹೀಗಿರುವಾಗ ಮೊಸಳೆಯೊಂದು ವ್ಯಕ್ತಿಯೊಬ್ಬನನ್ನು ಮುದ್ದಾಡಿರುವ ವಿಡಿಯೋವನ್ನು ಇವರು ನೋಡಿದರೆ ಏನು ಗತಿ? ಗುಂಡಿಗೆ ಗಟ್ಟಿ ಮಾಡಿಕೊಂಡು ನೋಡಬಹುದು, ಏಕೆಂದರೆ ಇದು ವಿಡಿಯೋ!
Alligator: ಮೊಸಳೆಯನ್ನು ನೋಡಿದರೇ ಅನೇಕರಿಗೆ ಭಯವಾಗುತ್ತದೆ. ಅದು ಬಾಯಿ ತೆರೆದರಂತೂ ಮುಗಿದೇ ಹೋಯಿತು. ಇನ್ನು ಮೈಮೇಲೆ ಬಿದ್ದರೆ!? ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ವ್ಯಕ್ತಿಯೊಬ್ಬನ ಮೇಲೇರಿದ ಮೊಸಳೆ ಅವನನ್ನು ಮುದ್ದು (Cuddle) ಮಾಡಿದೆ. ಈ ವಿಡಿಯೋ ನೋಡಲು ಅಷ್ಟೇ ಭಯಂಕರ ಅಷ್ಟೇ ಮಜವೂ ಆಗಿದೆ. ಸರೀಸೃಪ ಮೃಗಾಲಯದ ಸಂಸ್ಥಾಪಕ ಜೇ ಬ್ರೂವರ್ ಈ ವಿಡಿಯೋವನ್ನು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ವಿಡಿಯೋ ನೋಡಿದ ನೆಟ್ಟಿಗರಲ್ಲಿ ಕೆಲವರು ಅಬ್ಬಾ ಸತ್ತೆವು! ಎಂದಿದ್ದಾರೆ. ಇನ್ನೂ ಕೆಲವರು ಆ ವ್ಯಕ್ತಿಯ ಬದಲಾಗಿ ನಾನು ಅದರೊಂದಿಗೆ ಇರಬಾರದಿತ್ತೆ? ಎಂದು ಕೇಳಿದ್ದಾರೆ.
ಇದನ್ನೂ ಓದಿ : Viral Video: ‘ನನ್ನ ಮಕ್ಕಳಿಗೆ ಉಣ್ಣಿಸಿದ್ದಕ್ಕೆ ಧನ್ಯವಾದ’; ಮಹಿಳೆಗೆ ಕೃತಜ್ಞತೆ ಸಲ್ಲಿಸಿದ ನಾಯಿ
ನಿನ್ನೆ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ ಈತನಕ ಸುಮಾರು 3.4 ಲಕ್ಷ ಜನರು ಈ ವಿಡಿಯೋ ನೋಡಿದ್ದಾರೆ. ಸುಮಾರು 14,000 ಜನರು ಈ ವಿಡಿಯೋ ಲೈಕ್ ಮಾಡಿದ್ದು ನೂರಾರು ಜನರು ಪ್ರತಿಕ್ರಿಯಿಸಿದ್ದಾರೆ. ಅನೇಕರು ಬ್ರೂವರ್ನ ಧೈರ್ಯವನ್ನು ಶ್ಲಾಘಿಸಿದ್ದಾರೆ. ಕೆಲವರು ಅನೇಕ ಪ್ರಶ್ನೆಗಳನ್ನು ಕೇಳಿದ್ದಾರೆ.
ಬ್ರೂವರ್ನನ್ನು ಮುದ್ದಾಡುತ್ತಿರುವ ಮೊಸಳೆ
ನಿಮ್ಮ ತಲೆಯಲ್ಲಿ ಮೆಟಲ್ ಪ್ಲೇಟ್ ಇದೆಯೇ? ಎಂದು ತಮಾಷೆ ಮಾಡಿದ್ದಾರೆ ಒಬ್ಬರು. ಎಂಥ ಮುದ್ದಾಗಿದೆ ಈ ದೃಶ್ಯ ಎಂದಿದ್ದಾರೆ ಇನ್ನೊಬ್ಬರು. ಅವನ ಬಾಯಿಗೆ ಟೇಪ್ ಹಾಕಿ ಒಳ್ಳೆಯದು ಮಾಡಿದ್ದೀರಿ ಎಂದಿದ್ದಾರೆ ಮತ್ತೊಬ್ಬರು. ಆ ಟೇಪ್ ಅವನ ಶಕ್ತಿಯನ್ನು ತಡೆದುಕೊಳ್ಳುವುದೇ? ಅಕಸ್ಮಾತ್ ಟೇಪ್ ಹರಿದರೆ ಏನು ಗತಿ? ಎಂದಿದ್ದಾರೆ ಇನ್ನೂ ಒಬ್ಬರು. ಇದು ಅಷ್ಟೇ ಮುದ್ಧಾಗಿದೆ ಮತ್ತು ಅಷ್ಟೇ ಭಯಂಕರವೂ ಆಗಿದೆ ಎಂದಿದ್ದಾರೆ ಮಗದೊಬ್ಬರು.
ಇದನ್ನೂ ಓದಿ : Viral Video: 8 ವರ್ಷದ ಈ ಬಾಲಕ ತನ್ನ ಹುಟ್ಟುಹಬ್ಬದ ದಿನ ಅತ್ತಿದ್ದೇಕೆ?
ಮಗ ಅಪ್ಪನನ್ನು ಪ್ರೀತಿಸುವ ಪರಿ ಎಂದಿದ್ದಾರೆ ಒಬ್ಬರು. ಬಾಯಿಗೆ ಅಂಟಿಸಿದ ಟೇಪ್ ತೆಗೆದು ಮುದ್ದಾಡಿಸಿಕೊಂಡು ನೋಡಿ ಒಮ್ಮೆ ಎಂದಿದ್ದಾರೆ ಇನ್ನೊಬ್ಬರು. ಟೇಪ್ ತೆಗೆದು ಮುದ್ದಾಡಿಸಿಕೊಂಡ ಮೇಲೆ ಹೀಗೆಯೇ ನಗುತ್ತಲೇ ಇರುವಿರೋ ಎಂದಿದ್ದಾರೆ ಮತ್ತೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 10:38 am, Tue, 7 November 23