Viral Video: ‘ಎಲೆಕ್ಟ್ರಿಸಿಟಿ’ಯ ಜೋಶ್ನೊಂದಿಗೆ ಬಂದಿದ್ದಾರೆ ಮಸಾಕಾ ಕಿಡ್ಸ್ ಆಫ್ರಿಕಾನಾ ಮಕ್ಕಳು!
African Kids : ಯುದ್ಧ, ಬರಗಾಲ, ಕಾಯಿಲೆ ಇನ್ನೇನೋ ಕಾರಣಗಳಿಂದ ತೀರಿಹೋದವರ ಮಕ್ಕಳನ್ನು ಈ ಸಂಸ್ಥೆ ಪೋಷಿಸುತ್ತದೆ. ಅವರ ಬದುಕಲ್ಲಿ ಉತ್ಸಾಹ ತುಂಬಲು ಆಗಾಗ ಇಂಟರ್ನೆಟ್ನಲ್ಲಿ ಇಂಥ ಕ್ರಿಯಾಶೀಲ ವಿಡಿಯೋಗಳನ್ನು ಹರಿಬಿಡುತ್ತದೆ.
African Kids : ಮಸಾಕಾ ಕಿಡ್ಸ್ ಆಫ್ರಿಕಾನಾ ಇದು ಉಗಾಂಡಾದಲ್ಲಿರುವ ಅನಾಥ ಮಕ್ಕಳನ್ನು ಬೆಂಬಲಿಸುವ ಒಂದು ಸ್ವಯಂ ಸೇವಾ ಸಂಸ್ಥೆ. ಯುದ್ಧ, ಬರಗಾಲ, ಕಾಯಿಲೆ ಅಥವಾ ಇನ್ನೇನೋ ಕಾರಣಗಳಿಂದ ತೀರಿಹೋದವರ ಮಕ್ಕಳನ್ನು ಇದು ಪೋಷಿಸುತ್ತದೆ. ಅವರನ್ನು ಬದುಕಲು ಪ್ರೋತ್ಸಾಹಿಸುವ ಉದ್ದೇಶದಿಂದ ಆಗಾಗ ಇಂಟರ್ನೆಟ್ನಲ್ಲಿ ಇಂಥ ಕ್ರಿಯಾಶೀಲ ವಿಡಿಯೋಗಳನ್ನು ಹರಿಬಿಟ್ಟು ಆ ಮಕ್ಕಳಲ್ಲಿ ಜೀವನೋತ್ಸಾಹ ತುಂಬಲು ಪ್ರಯತ್ನಿಸುತ್ತಿರುತ್ತದೆ. ನೆಟ್ಟಿಗರಂತೂ ಇಂಥ ವಿಡಿಯೋಗಳನ್ನು ಮನಸಾರೆ ಪ್ರೋತ್ಸಾಹಿಸುತ್ತಿರುತ್ತಾರೆ.
ಸಂಸ್ಥೆಯು ಫೀಲ್ಜ್ ಮತ್ತು ಡೇವಿಡೊ ಅವರ ‘ಎಲೆಕ್ಟ್ರಿಸಿಟಿ’ ಹಾಡಿಗೆ ಈ ಮೂವರು ಮಕ್ಕಳ ನೃತ್ಯ ಮತ್ತು ಲಿಪ್ಸಿಂಕ್ ಮಾಡುವ ವಿಡಿಯೋವನ್ನು ಭಾನುವಾರದಂದು ಪೋಸ್ಟ್ ಮಾಡಿದೆ. ಒಬ್ಬ ಹುಡುಗ ಕಟ್ಟಿಗೆಯನ್ನು ಮೈಕ್ನಂತೆ ಹಿಡಿದು ಲಿಪ್ ಸಿಂಕ್ ಮಾಡಿ ಹಾಡುತ್ತಿದ್ದರೆ, ಇನ್ನೊಬ್ಬ ಬಣ್ಣದ ಬಕೆಟ್‌ಗಳಿಂದ ಮಾಡಿದ ಡ್ರಮ್‌ಗಳನ್ನು ನುಡಿಸುತ್ತಿದ್ದಾನೆ. ಮೂರನೆಯವನು ನರ್ತಿಸುತ್ತಿದ್ದಾನೆ. ಈ ವೀಡಿಯೊ ಐದು ಮಿಲಿಯನ್‌ಗಿಂತಲೂ ಹೆಚ್ಚು ವೀಕ್ಷಣೆಗಳನ್ನು ಮತ್ತು 3,28,000 ಕ್ಕೂ ಹೆಚ್ಚು ಲೈಕ್ಸ್ ಪಡೆದಿದೆ.
Instagram ನಲ್ಲಿ Masaka Kids Africana ಸುಮಾರು 4.4 ಮಿಲಿಯನ್ ಫಾಲೋವರ್ಸ್ ಅನ್ನು ಹೊಂದಿದೆ. ಜನಪ್ರಿಯ ಹಾಡುಗಳಿಗೆ ಮಕ್ಕಳ ಪ್ರದರ್ಶನದ ವೀಡಿಯೊಗಳನ್ನು ಈ ಸಂಸ್ಥೆಯು ನಿಯಮಿತವಾಗಿ ಪೋಸ್ಟ್ ಮಾಡುತ್ತದೆ. ಭಾರತದ 75 ನೇ ಸ್ವಾತಂತ್ರ್ಯ ದಿನಾಚರಣೆಯ ಸಂದರ್ಭದಲ್ಲಿ, ದಿಲ್ ಧಡಕ್ನೆ ದೋ ಚಲನಚಿತ್ರದ ಪ್ರಸಿದ್ಧ ಬಾಲಿವುಡ್ ಹಾಡಿಗೆ ಮಕ್ಕಳ ನೃತ್ಯದ ವಿಡಿಯೋ ಅನ್ನು ಪೋಸ್ಟ್ ಮಾಡಿತ್ತು. ಈ ವಿಡಿಯೋ 6 ಮಿಲಿಯನ್ಗೂ ಹೆಚ್ಚು ವೀಕ್ಷಣೆ ಮತ್ತು 4,10,000 ಕ್ಕೂ ಹೆಚ್ಚು ಲೈಕ್ಸ್ ಪಡೆದಿತ್ತು.
ಮತ್ತಷ್ಟು ಇಂಥ ವೈರಲ್ ವಿಡಿಯೋಗಳಿಗಾಗಿ ಕ್ಲಿಕ್ ಮಾಡಿ
Published On - 4:01 pm, Wed, 24 August 22