ಈ ಸೌಭಾಗ್ಯ ಸಿಗಲು ಬರೋಬ್ಬರಿ 15 ವರ್ಷ ಕಾಯಬೇಕಾಗಿತ್ತು: ಮೊದಲ ಹೆಜ್ಜೆಯನ್ನಿಟ್ಟ ಮಗಳನ್ನು ಕಂಡು ಭಾವುಕಳಾದ ತಾಯಿ!

ತಾಯ್ತನ ಎಂಬುದು ಪ್ರತಿಯೊಬ್ಬ ಮಹಿಳೆಯ ಪಾಲಿಗೆ ಒಂದು ಮರುಜನ್ಮ. ಆದರೆ ಇಲ್ಲೊಬ್ಬ ಮಹಿಳೆಗೆ ಆ ಸೌಭಾಗ್ಯ ಸಿಗಲು ಬರೋಬ್ಬರಿ 15 ವರ್ಷಗಳು ಬೇಕಾಯಿತು. ಗರ್ಭಾಶಯದ ಗಂಭೀರ ಸಮಸ್ಯೆಗಳಿಂದಾಗಿ ಹಲವು ವರ್ಷಗಳ ಕಾಲ ವೈದ್ಯಕೀಯ ಹೋರಾಟ ನಡೆಸಿದ ಈ ತಾಯಿಯ ಬದುಕಿನಲ್ಲಿ ಇಂದು ಸಂತೋಷದ ಕಣ್ಣೀರು ಕೋಡಿ ಹರಿದಿದೆ. ದಶಕಗಳ ಕಾಲ ಮಕ್ಕಳಿಲ್ಲದ ನೋವನ್ನು ಅನುಭವಿಸಿದ ಈ ತಾಯಿ, ಎಲ್ಲಾ ಅಡೆತಡೆಗಳನ್ನು ದಾಟಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದರು. ಇಂದು ಆ ಪುಟ್ಟ ಮಗಳು ತನ್ನ ಪುಟ್ಟ ಪಾದಗಳನ್ನು ನೆಲದ ಮೇಲೆ ಊರಿ, ಮೊದಲ ಹೆಜ್ಜೆಯನ್ನಿಟ್ಟ ಕ್ಷಣ ಇಡೀ ಕುಟುಂಬವನ್ನೇ ಭಾವುಕಗೊಳಿಸಿದೆ. ಮಗಳು ತತ್ತರಿಸುತ್ತಾ ಎದ್ದು ನಿಂತು, ಮೊದಲ ಹೆಜ್ಜೆ ಇಡಲು ಪ್ರಯತ್ನಿಸಿದಾಗ ಆ ತಾಯಿಯ ಕಣ್ಣುಗಳು ತುಂಬಿ ಬಂದವು. ಆ ಕಣ್ಣೀರಲ್ಲಿ ಕೇವಲ ಸಂತೋಷವಿರಲಿಲ್ಲ, ಬದಲಿಗೆ 15 ವರ್ಷಗಳ ಕಾಲ ಅನುಭವಿಸಿದ ಅವಮಾನ, ನೋವು ಮತ್ತು ಹತಾಶೆಗಳೆಲ್ಲವೂ ಕರಗಿ ಹೋಗಿದ್ದವು.

ವಿಡಿಯೋ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ