ಎಂಟು ಹೆಣ್ಣುಮಕ್ಕಳ ತಂದೆಯಾಗಿರುವ ನನಗೆ ಪ್ರವೀಣ್ ಪತ್ನಿಯ ನೋವು ಅರ್ಥವಾಗುತ್ತದೆ: ಇಬ್ರಾಹಿಂ

ಮಂಗಳೂರು: ಮೃತ ಯುವ ಬಿಜೆಪಿ ಮುಖಂಡ ಪ್ರವೀಣ್ ನೆಟ್ಟಾರು (Praveen Nettaru) ಮನೆಗೆ ಭೇಟಿ ನೀಡಿದ ಬಳಿಕ ಜೆಡಿ(ಎಸ್) ರಾಜ್ಯಾಧ್ಯಕ್ಷ ಸಿ ಎಮ್ ಇಬ್ರಾಹಿಂ (CM Ibrahim) ಮಾಧ್ಯಮಾದವರೊಂದಿಗೆ ಮಾತಾಡಿದರು. ಪ್ರವೀಣ್ ಪತ್ನಿಯ ಜೊತೆ ಮಾತಾಡಿದೆ, ನಾನು 8 ಹೆಣ್ಣು ಮಕ್ಕಳ ತಂದೆಯಾಗಿರುವುದರಿಂದ ಆ ಹೆಣ್ಣುಮಗುವಿನ ಸಂಕಟ ಅರ್ಥಮಾಡಿಕೊಳ್ಳಬಲ್ಲೆ. ನಾವೆಷ್ಟೇ ಸಾಂತ್ವನ ಹೇಳಿದರೂ ಆಕೆ ಕಳೆದುಕೊಂಡಿರುವುದನ್ನು ವಾಪಸ್ಸು ತಂದುಕೊಡಲಾಗದು, ಆಕೆ ಪಡುತ್ತಿರುವ ಸಂಕಟ ಕಂಡು ಕರುಳು ಕಿತ್ತುಬಂದಾಗುತ್ತದೆ, ಎಂದು ಇಬ್ರಾಹಿಂ ಹೇಳಿದರು.