‘ಬಿಗ್ ಬಾಸ್ ಅಗ್ನಿ ಪರೀಕ್ಷೆ’ಯಲ್ಲಿ ಹೈ-ವೋಲ್ಟೇಜ್ ಕಾದಾಟ: ಗೆಲುವಿಗಾಗಿ ಬಿರುಸಿನ ಪೈಪೋಟಿ
ಮುಖ್ಯಾಂಶಗಳು
- ಲೀಡರ್ಬೋರ್ಡ್ನಲ್ಲಿ ಶೂನ್ಯ ಅಂಕ
- ಚಂದನ್ ತಂಡಕ್ಕೆ ಕಠಿಣ ಸವಾಲು
- ಬಲೂನ್ ಟಾಸ್ಕ್ನಲ್ಲಿ ಗೆಲುವಿಗಾಗಿ ಸ್ಪರ್ಧಿಗಳ ಕಾದಾಟ
'ಬಿಗ್ ಬಾಸ್ ಅಗ್ನಿ ಪರೀಕ್ಷೆ' ಪ್ರೋಮೋದಲ್ಲಿ ಬಲೂನ್ ಟಾಸ್ಕ್ ಮೂಲಕ ಸ್ಪರ್ಧೆ ತೀವ್ರಗೊಂಡಿದೆ. ಲೀಡರ್ಬೋರ್ಡ್ನಲ್ಲಿ ಶೂನ್ಯ ಅಂಕದಲ್ಲಿದ್ದ ಚಂದನ್ ತಂಡ ಗೆಲುವಿಗಾಗಿ ಹೋರಾಡುತ್ತಿದ್ದು, ಪ್ರತಿಯೊಂದು ಪಾಯಿಂಟ್ಗಾಗಿ ತಂಡಗಳ ನಡುವೆ ರೋಮಾಂಚಕ ಕಾದಾಟ ನಡೆಯುತ್ತಿದೆ. 'ಬಿಗ್ ಬಾಸ್ ಅಗ್ನಿ ಪರೀಕ್ಷೆ'ಯಲ್ಲಿ ಹೈ-ವೋಲ್ಟೇಜ್ ಕಾದಾಟ: ಗೆಲುವಿಗಾಗಿ ಬಿರುಸಿನ ಪೈಪೋಟಿ.
ಬಿಗ್ ಬಾಸ್ ಪ್ರಿಯರು ಕಾತರದಿಂದ ಕಾಯುತ್ತಿದ್ದ ‘ಬಿಗ್ ಬಾಸ್ ಅಗ್ನಿ ಪರೀಕ್ಷೆ’ ಆಟ ಇದೀಗ ರೋಮಾಂಚಕ ಘಟ್ಟ ತಲುಪಿದೆ. ಜ್ಯೂರಿ ಸದಸ್ಯರಾದ ಚಂದನ್ ಶೆಟ್ಟಿ, ಸಂಗೀತ ಶೃಂಗೇರಿ, ಶ್ರುತಿ ಹಾಗೂ ವಿನಯ್ ಗೌಡ ತಂಡಗಳ ನಡುವೆ ನಡೆದಿರುವ ಬಲೂನ್ ಟಾಸ್ಕ್ ಸ್ಪರ್ಧಿಗಳ ನಡುವೆ ಭಾರಿ ಕುತೂಹಲ ಮತ್ತು ಕಾವೇರಿದ ಪೈಪೋಟಿಗೆ ಕಾರಣವಾಗಿದೆ.
ಖಾತೆ ತೆರೆಯಲು ಚಂದನ್ ತಂಡದ ಕಸರತ್ತು
ಲೀಡರ್ಬೋರ್ಡ್ನಲ್ಲಿ ಸಂಗೀತ ಮತ್ತು ಶ್ರುತಿ ತಂಡಗಳು ತಲಾ 200 ಅಂಕಗಳೊಂದಿಗೆ ಮುನ್ನಡೆಯಲ್ಲಿದ್ದರೆ, ವಿನಯ್ ಪಡೆ 100 ಅಂಕ ಗಳಿಸಿದೆ. ಆದರೆ, ಚಂದನ್ ಶೆಟ್ಟಿ ಅವರ ತಂಡ 0 (ಶೂನ್ಯ) ಅಂಕಗಳೊಂದಿಗೆ ಹಿನ್ನಡೆ ಅನುಭವಿಸಿತ್ತು. ‘ನನ್ನ ಹೆಸರಿನ ಎದುರು ಆ ಶೂನ್ಯ ಕಾಣಿಸುವುದು ನನಗಿಷ್ಟವಿಲ್ಲ’ ಎಂದು ಚಂದನ್ ಸ್ಪಷ್ಟಪಡಿಸಿದ ನಂತರ, ಅವರ ತಂಡ ಖಾತೆ ತೆರೆಯಲು ಕಠಿಣ ಹೋರಾಟಕ್ಕೆ ಇಳಿಯಿತು.
ಬಲೂನ್ ಟಾಸ್ಕ್ನ ಕಠಿಣ ಸವಾಲು
ಟಾಸ್ಕ್ ನಿಯಮದಂತೆ ಸ್ಪರ್ಧಿಗಳು ಕಾಲುಗಳ ನಡುವೆ ಬಲೂನ್ ಇಟ್ಟುಕೊಂಡು, ಬ್ಯಾಲೆನ್ಸ್ ತಪ್ಪದಂತೆ ನಿಗದಿತ ಬಾಸ್ಕೆಟ್ಗೆ ಹಾಕಬೇಕಿತ್ತು. ಎಂಟು ಬಲೂನ್ಗಳನ್ನು ಬ್ಯಾಸ್ಕೆಟ್ಗೆ ಹಾಕಿ ಅಂಕ ಗಳಿಸುವ ಈ ಆಟದಲ್ಲಿ ಸಣ್ಣ ತಪ್ಪಾದರೂ ಅಂಕ ಕೈತಪ್ಪುವ ಭೀತಿಯಿತ್ತು. ಇದರಲ್ಲಿ ಗೆಲ್ಲೋದು ಯಾರು ಎಂಬ ಕುತೂಹಲ ಮೂಡಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.