ನಿಗದಿತ ಸಮಯ ಮೀರಿ ಚಕ್ರವರ್ತಿ ಸೂಲಿಬೆಲೆ ಭಾಷಣ, ಅಧಿಕಾರಿಗಳಿಂದ ಅಡ್ಡಿ, ವೇದಿಕೆ ಮೇಲೆ ತಳ್ಳಾಟ

ಚಾಮರಾಜನಗರ: ಹಿಂದೂ ಕಾರ್ಯಕರ್ತ, ಚಿಂತಕ ಮತ್ತು ವಾಗ್ಮಿ ಚಕ್ರವರ್ತಿ ಸೂಲಿಬೆಲೆ (Chakravarthy Sulibele) ನಿನ್ನೆ ರಾತ್ರಿ ಚಾಮರಾಜನಗರದಲ್ಲಿ ಬಿಜೆಪಿ ಅಭ್ಯರ್ಥಿ ಪರ ಚುನಾವಣಾ ಪ್ರಚಾರ (campaign) ಮಾಡುತ್ತಿದ್ದಾಗ ವೇದಿಕೆ ಮೇಲೆ ನಾಟಕೀಯ ಘಟನೆಗಳು ನಡೆದವು. ಸೂಲಿಬೆಲೆಯವರು ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರ (PM Narendra Modi) ಸಾಧನೆಗಳ ಬಗ್ಗೆ ಮಾತಾಡುತ್ತಿದ್ದಾಗ ಚುನಾವಣಾಧಿಕಾರಿಗಳು ಅವರ ಮಾತಿಗೆ ತಡೆಯೊಡ್ಡಿದರು. ಸೂಲಿಬೆಲೆಯವರೇ ವೇದಿಕೆಯಿಂದ ಹೇಳಿದ ಹಾಗೆ ಕಾರ್ಯಕ್ರಮಕ್ಕಾಗಿ ಸ್ಥಳೀಯ ಬಿಜೆಪಿ ನಾಯಕರು ಸಾಯಂಕಾಲ 5 ರಿಂದ 8 ಗಂಟೆಯವರೆಗೆ ಸಮಯ ತೆಗೆದುಕೊಂಡಿದ್ದರು. ಆದರೆ ಸೂಲಿಬೆಲೆ ಮಾತಾಡುವಾಗ ನಿಗದಿತ ಸಮಯ ಮೀರಿತ್ತು. ಹಾಗಾಗಿ ಭಾಷಣ ನಿಲ್ಲಿಸುವಂತೆ ಚುನಾವಣಾಧಿಕಾರಿಗಳು ಆಯೋಜರಿಗೆ ಹೇಳುತ್ತಾರೆ. ಅವರಿಂದ ಸೂಕ್ತ ಪ್ರತಿಕ್ರಿಯೆ ಬಾರದಾದಾಗ ಅಧಿಕಾರಿಯು ವೇದಿಕೆ ಹತ್ತಿ ಸೂಲಿಬೆಲೆ ಅವರಲ್ಲಿಗೆ ಹೋಗಿ ಸಮಯ ಮೀರಿದೆ ಭಾಷಣ ನಿಲ್ಲಿಸುವಂತೆ ಹೇಳುತ್ತಾರೆ.

ಇದರಿಂದ ಕುಪಿತಗೊಳ್ಳುವ ಬಿಜೆಪಿ ಕಾರ್ಯಕರ್ತರು ವೇದಿಕೆ ಹತ್ತಿ ಅಧಿಕಾರಿಯೊಂದಿಗೆ ತಳ್ಳಾಟ ನೂಕಾಟ ನಡೆಸುತ್ತಾರೆ. ಅವರ ನಡುವೆ ಮಾತಿನ ಚಕಮಕಿ ನಡೆಯುತ್ತದೆ. ಸೂಲಿಬೆಲೆಯವರು ಕರ್ತವ್ಯನಿರತ ಅಧಿಕಾರಿಗಳಿಗೆ ಅಡ್ಡಿಪಡಿಸಬೇಡಿ, ಹಾಗೆ ಮಾಡಿದರೆ ನಾವು ಸಂವಿಧಾನನ ಮತ್ತು ನಾವು ಗೌರವಿಸುವ ಪ್ರಧಾನಿ ಮೋದಿಯವರಿಗೆ ಕಳಂಕ ತಂದಂತಾಗುತ್ತದೆ ಅಂತ ಕಾರ್ಯಕರ್ತರಲ್ಲಿ ಮನವಿ ಮಾಡಿದರೂ ಅವರು ತಳ್ಳಾಟ ಮುಂದುವರಿಸಿ ಅಧಿಕಾರಿಯನ್ನು ವೇದಿಕೆಯಿಂದ ಕೆಳಗಿಳಿಸುತ್ತಾರೆ. ಅಲ್ಲಿಗೆ ಸೂಲಿಬೆಲೆ ಸಹ ತಮ್ಮ ಭಾಷಣ ನಿಲ್ಲಿಸಿಬಿಡುತ್ತಾರೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಅಗಿ ಇಲ್ಲಿ ಕ್ಲಿಕ್ ಮಾಡಿ

ಇದನ್ನೂ ಓದಿ:  ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆಗೆ ನಿಂದನೆ ಆರೋಪ; ಚಕ್ರವರ್ತಿ ಸೂಲಿಬೆಲೆ ವಿರುದ್ಧ ದೂರು ದಾಖಲು