Huligemma Temple: ಕೊಪ್ಪಳದ ಹುಲಿಗೆಮ್ಮ ದೇವಸ್ಥಾನದ ಹುಂಡಿಯಲ್ಲಿ 1 ತಿಂಗಳಲ್ಲಿ ಸಂಗ್ರಹವಾಗಿರುವ ಕಾಣಿಕೆ ರೂ. 1 ಕೋಟಿ!

ಕೊಪ್ಪಳ: ದೇವಸ್ಥಾನಗಳಲ್ಲಿ ದೇವ ದೇವತೆಯರಿಗೆ ಕಾಣಿಕೆ ನೀಡುವ ವಿಷಯದಲ್ಲಿ ಕನ್ನಡಿಗರು ಧಾರಾಳಿಗಳು ಅದರಲ್ಲಿ ಅನುಮಾನ ಬೇಡ. ಕೊಪ್ಪಳ ತಾಲ್ಲೂಕಿನ ಹುಲಿಗಿ ಗ್ರಾಮದಲ್ಲಿರುವ ಹುಲಿಗೆಮ್ಮ ದೇವಸ್ಥಾನ (Huligemma temple) ಸಾಕಷ್ಟು ಪ್ರಸಿದ್ಧಿ ಹೊಂದಿರುವಂಥದ್ದು ಮತ್ತು ಪ್ರತಿದಿನ ನೂರಾರು ಭಕ್ತರು ದೇವಿಯ ದರ್ಶನಕ್ಕೆ ಬರುತ್ತಾರೆ. ಕಳೆದ 33 ದಿನಗಳಲ್ಲಿ ದೇವಸ್ಥಾನದ ಹುಂಡಿಯಲ್ಲಿ (offertory box) ಸಂಗ್ರಹವಾಗಿರುವ ಕಾಣಿಕೆ ಮೊತ್ತ ನೋಡಿದರೆ ಹುಲಿಗೆಮ್ಮ ದೇವಿಯ ಖ್ಯಾತಿ ಗೊತ್ತಾಗುತ್ತದೆ. ದೇವಸ್ಥಾನದ ಆಡಳಿತ ಮಂಡಳಿ (temple trust) ನೀಡಿರುವ ಮಾಹಿತಿಯ ಪ್ರಕಾರ 33 ದಿನಗಳಲ್ಲಿ ರೂ. 99, 69,725 ಮತ್ತು 225 ಗ್ರಾಂ ಚಿನ್ನ ಹಾಗೂ 14 ಕೆಜಿ ಬೆಳ್ಳಿ ಸಂಗ್ರಹವಾಗಿದೆ. ಸರ್ಕಾರ ಗೃಹ ಲಕ್ಷ್ಮಿ ಮತ್ತು ಶಕ್ತಿ ಯೋಜನೆ ಜಾರಿಗೊಳಿಸಿದಾಗಿನಿಂದ ಗುಡಿಗೆ ಭೇಟಿ ನೀಡುವ ಭಕ್ತಾದಿಗಳ ಸಂಖ್ಯೆ ಜಾಸ್ತಿಯಾಗಿದೆಯಂತೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ