Video: ದೆಹಲಿ-ಕೋಲ್ಕತ್ತಾ ಹೆದ್ದಾರಿಯಲ್ಲಿ 20ಕಿ.ಮೀ ಟ್ರಾಫಿಕ್ ಜಾಮ್, 3 ದಿನಗಳಿಂದ ನಿಂತಲ್ಲೇ ನಿಂತಿವೆ ವಾಹನಗಳು

ದೆಹಲಿ-ಕೋಲ್ಕತ್ತಾ ನಡುವೆ ಕಳೆದ ಮೂರು ದಿನಗಳಿಂದ ವಿಪರೀತ ಸಂಚಾರ ದಟ್ಟಣೆಯುಂಟಾಗಿದೆ.  20ಕಿಮೀ ದೂರದವರೆಗೆ ಭಾರಿ ಟ್ರಾಫಿಕ್ ಜಾಮ್ ಇದ್ದು, ವಾಹನಗಳು ಮೂರು ದಿನಗಳಿಂದ ನಿಂತಲ್ಲೇ ನಿಂತಿವೆ, ಸಾವಿರಾರು ಜನರು ಪರದಾಡುವಂತಾಗಿದೆ. 24 ಗಂಟೆಗಳಲ್ಲಿ ಕೇವಲ 5ಕಿ.ಮೀ ದೂರವಷ್ಟೇ ಸಾಗಲು ಸಾಧ್ಯವಾಗಿದೆ. ಆಹಾರವಿಲ್ಲ, ರಸ್ತೆಬದಿಯಲ್ಲಿ ಸಣ್ಣ ಪುಟ್ಟ ಅಂಗಡಿಗಳಲ್ಲಿ ಸಿಗುವ ತಿಂಡಿಗಳಿಂದ ಹೊಟ್ಟೆ ತುಂಬಿಸಿಕೊಳ್ಳುತ್ತಿದ್ದೇವೆ ಎಂದು ಒಡಿಶಾದಿಂದ ದೆಹಲಿಗೆ ತೆರಳುತ್ತಿದ್ದ ಟ್ರಕ್ ಚಾಲಕ ದುಬನ್ ಕುಮಾರ್ ಹೇಳಿದ್ದಾರೆ. ಈ ಹೆದ್ದಾರಿಯು ಕೋಲ್ಕತ್ತಾ ಮತ್ತು ದೆಹಲಿಯನ್ನು ಸಂಪರ್ಕಿಸುತ್ತದೆ ಮತ್ತು ಆದ್ದರಿಂದ ಇದು ವ್ಯಾಪಾರ ಸಾರಿಗೆಗೆ ಪ್ರಾಥಮಿಕ ಮಾರ್ಗವಾಗಿದೆ. ಶಿವಸಾಗರ್ ಬಳಿ ಎನ್‌ಎಚ್‌ಎಐ ನಡೆಸುತ್ತಿರುವ ರಸ್ತೆ ವಿಸ್ತರಣೆ ಕಾಮಗಾರಿಯಿಂದಾಗಿ ಈ ಅಡಚಣೆ ಉಂಟಾಗಿದೆ. ಮಳೆಯೂ ಕೂಡ ಪ್ರಮುಖ ಕಾರಣವಾಗಿದೆ.

ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ