ಸಫಾರಿ ಜೀಪನ್ನು ಅಟ್ಟಿಸಿಕೊಂಡುಬಂದ ಕಾಡಾನೆ, ರಿವರ್ಸ್​ ಗೇರ್​ನಲ್ಲೇ ಜೀಪ್ ಚಲಾಯಿಸಿದ ಚಾಲಕ: ವಿಡಿಯೋ ವೈರಲ್

ಚಾಮರಾಜನಗರ: ಬಿಳಿಗಿರಿರಂಗನಬೆಟ್ಟದ ಅರಣ್ಯ ವಲಯದಲ್ಲಿ ಆನೆಯೊಂದು ಸಫಾರಿ ಜೀಪ್​ ಅಟ್ಟಾಡಿಸಿಕೊಂಡು ಹೋಗಿರುವ ಘಟನೆ ನಡೆದಿದೆ. ಚಾಮರಾಜ‌ಗರ ಜಿಲ್ಲೆಯ ಬಿಳಿಗಿರಿರಂಗನಬೆಟ್ಟದ ಕೆ.ಗುಡಿ ವಲಯದಲ್ಲಿ ಸಫಾರಿ ವೇಳೆ ಘಟನೆ ನಡೆದಿದ್ದು, ಸದ್ಯ ಈ ವಿಡಿಯೋ ವೈರಲ್ ಆಗಿದೆ. ವಿಚಾರವಾದಿ ಭಗವಾನ್ ಸೇರಿದಂತೆ ಕೆಲವರು ಜೀಪ್​ನಲ್ಲಿ ಸಫಾರಿ ಹೋಗಿದ್ದಾರೆ. ಈ ವೇಳೆ ಮರಿಗಳೊಂದಿಗಿದ್ದ ಆನೆ ಜೀಪ್ ನೋಡಿ​ದಾಳಿ ಮಾಡಲು ಓಡೋಡಿ ಬಂದಿದೆ. ಆನೆ ದಾಳಿಗೆ ಬರುತ್ತಿದ್ದಂತೆಯೇ ತಕ್ಷಣ ಚಾಲಕ ರಿವರ್ಸ್​ ಗೇರ್​ನಲ್ಲೇ ಜೀಪ್​ ಓಡಿಸಿದ್ದಾರೆ. ಅದೃಷ್ಟವಶಾತ್ ಜೀಪ್​ನಲ್ಲಿದ್ದವರು ಅಪಾಯದಿಂದ ಪಾರಾಗಿದ್ದಾರೆ. ಇದೀಗ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.