ಕಲಘಟಗಿ ಪಟ್ಟಣದಲ್ಲಿ ಏಕಾಏಕಿಯಾಗಿ ಜನರು ತಮ್ಮ ಮನೆಗಳಿಗೆ ಬೀಗ ಹಾಕಿ ಹೋಗಿದ್ದಾರೆ. ಇದಕ್ಕೆ ಕಾರಣವೇನೆಂದರೆ ಗ್ರಾಮ ದೇವಿ ಜಾತ್ರೆ. ಜಾತ್ರೆ ಹಿನ್ನೆಲೆ 3ಮಂಗಳವಾರ, 2 ಶುಕ್ರವಾರ ಮನೆಗೆ ಬೀಗ ಹಾಕಲಾಗುತ್ತಿದ್ದು, ಬೆಳಗ್ಗೆಯಿಂದ ಸಂಜೆವರೆಗೆ ಮನೆಗಳಿಗೆ ಬೀಗ ಹಾಕಲಾಗುತ್ತದೆ.
ಹುಬ್ಬಳ್ಳಿ: ಗ್ರಾಮ ದೇವಿ ಜಾತ್ರೆ ಹಿನ್ನಲೆ ಜಿಲ್ಲೆಯ ಕಲಘಟಗಿ ಪಟ್ಟಣದಲ್ಲಿ (Kalaghatgi Town) ಜನರು ಮನೆ ಖಾಲಿ ಮಾಡುವ ವಿಶಿಷ್ಟ ಆಚರಣೆಯೊಂದಿದೆ. ಜಾತ್ರೆ (Fair) ಹಿನ್ನಲೆ ಪಟ್ಟಣದ ಬಹುತೇಕ ಮನೆಗಳು ಖಾಲಿ ಖಾಲಿಯಾಗಿದೆ. ಜಾತಿ-ಬೇಧ ಇಲ್ಲದೆ ಮನೆ ತೊರೆದು ಜನರು ಹೋಗುತ್ತಾರೆ. ಮೂರು ಮಂಗಳವಾರ ಮತ್ತು ಎರಡು ಶುಕ್ರವಾರ ಮನೆಗಳಿಗೆ ಬೀಗ ಹಾಕಿ ಹೋಗುವ ಜನರು ಸಂಜೆಯಾಗುತ್ತಲೇ ವಾಪಸ್ ಆಗುತ್ತಾರೆ. ಇದು ಇಲ್ಲಿನ ಆಚರಣೆಯಾಗಿದೆ.