ಟಿವಿ9 ಪ್ರಾಪರ್ಟಿ ಎಕ್ಸ್​ಪೋ ಆರಂಭ; ಒಳ್ಳೊಳ್ಳೆಯ ರಿಯಲ್ ಎಸ್ಟೇಟ್ ಆಫರ್​ಗಳು; ಜನರಿಂದ ಉತ್ತಮ ಸ್ಪಂದನೆ

ಬೆಂಗಳೂರು, ನವೆಂಬರ್ 15: ಟಿವಿ9 ಕನ್ನಡ ಮತ್ತು ಸ್ವೀಟ್ ಹೋಂ ಜಂಟಿಯಾಗಿ ಆಯೋಜಿಸಿರುವ ರಿಯಲ್ ಎಸ್ಟೇಟ್ ಎಕ್ಸ್​ಪೋ 2024 ಚಾಲನೆಗೊಂಡಿದೆ. ಸಚಿವ ಭೈರತಿ ಸುರೇಶ್ ಅವರು ಇಂದು ಶುಕ್ರವಾರ ಈ ಪ್ರಾಪರ್ಟಿ ಎಕ್ಸ್​ಪೋ ಉದ್ಘಾಟನೆ ನೆರವೇರಿಸಿದರು. ಭಾನುವಾರದವರೆಗೆ ಮೂರು ದಿನಗಳ ಕಾಲ ಈ ಎಕ್ಸ್​ಪೋ ಇರಲಿದ್ದು, ನಗರದ ಹಲವು ವಿಶ್ವಾಸಾರ್ಹ ರಿಯಲ್ ಎಸ್ಟೇಟ್ ಡೆವಲಪರ್​ಗಳು ಭಾಗವಹಿಸಿದ್ದಾರೆ. ನಗರದ ವಿವಿಧೆಡೆ ಇರುವ ಪ್ರಾಜೆಕ್ಟ್​​ಗಳ ಬಗ್ಗೆ, ವಿವಿಧ ಬೆಲೆಗಳ ಸೈಟು, ಫ್ಲಾಟು ಇತ್ಯಾದಿ ವೈವಿಧ್ಯಮಯ ಪ್ರಾಪರ್ಟಿಗಳ ಅನಾವರಣ ಆಗಲಿದೆ. ಕಳೆದ ಬಾರಿ ನಡೆದ ಟಿವಿ9 ರಿಯಲ್ ಎಸ್ಟೇಟ್ ಎಕ್ಸ್​ಪೋ ಭರ್ಜರಿ ಯಶಸ್ಸು ಗಳಿಸಿತ್ತು. ಈ ಬಾರಿಯೂ ಉತ್ತಮ ಸ್ಪಂದನೆ ಸಿಗುವ ನಿರೀಕ್ಷೆ ಇದೆ. ನಾಯಂಡಹಳ್ಳಿಯಿಂದ ಪಿಇಎಸ್ ಯುನಿವರ್ಸಿಟಿಯ ಹಾದಿಯಲ್ಲಿ ಸಿಗುವ ನೈಸ್ ರಸ್ತೆಯ ನಂದಿ ಲಿಂಕ್ ಗ್ರೌಂಡ್​ನಲ್ಲಿ ಭಾನುವಾರದವರೆಗೂ ರಿಯಲ್ ಎಸ್ಟೇಟ್ ಪ್ರದರ್ಶನ ನಡೆಯಲಿದೆ.

ಇನ್ನಷ್ಟು ವಿಡಿಯೋ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ