ವಿಡಿಯೋ ನೋಡಿ; ಶ್ ಸ್ವಲ್ಪ ಸುಮ್ನಿರಿ, ರಸ್ತೆ ದಾಟಿಬಿಡ್ತೇವೆ ಎಂದವೇ ಈ ಕಾಡುಕೋಣಗಳು!

ಮಾನವ ಹಾಗೂ ಪ್ರಾಣಿಗಳ ನಡುವಣ ಸಂಘರ್ಷದ ಬಗ್ಗೆ ಇತ್ತೀಚೆಗೆ ಹೆಚ್ಚಾಗಿ ವರದಿಯಾಗುತ್ತಿವೆ. ಆನೆಗಳ ಹಾವಳಿ, ಕಾಡುಕೋಣಗಳ ಹಾವಳಿ, ಕರಡಿ ದಾಳಿ… ಹೀಗೆ ಅನೇಕ ಸುದ್ದಿಗಳನ್ನು ದಿನಬೆಳಗಾದರೆ ದಿನಪತ್ರಿಕೆಗಳಲ್ಲಿ ಓದುತ್ತೇವೆ, ಟಿವಿಗಳಲ್ಲಿ ನೋಡುತ್ತೇವೆ. ಆದರೆ, ಚಲಿಸುತ್ತಿರುವ ಬೈಕ್​ ಅನ್ನೇ ನಿಲ್ಲುವಂತೆ ಮಾಡಿದ ಕಾಡುಕೋಣಗಳ ವಿಡಿಯೋ ಇಲ್ಲಿದೆ. ಹಿಂಡುಹಿಂಡಾಗಿ ಅತಿ ವೇಗದಲ್ಲಿ ಓಡೋಡಿ ರಸ್ತೆ ದಾಟುತ್ತಿರುವ ಈ ಕಾಡುಕೋಣಗಳು ಕಂಡುಬಂದಿದ್ದು ಉತ್ತರ ಕನ್ನಡ ಜಿಲ್ಲೆಯ ಸಿದ್ದಾಪುರದ ಅಗ್ಗೇರಿ ಬಳಿ. ಕಾಡುಕೋಣ ಓಡುವುದನ್ನು ನೋಡಿ ತಬ್ಬಿಬ್ಬಾಗಿ ರಸ್ತೆಯಲ್ಲೆ ನಿಂತ ಜನ ಅಪರೂಪದ ದೃಶ್ಯವನ್ನು ಸೆರೆ‌ಹಿಡಿದ್ದಾರೆ.

ಈ ಮಧ್ಯೆ, ಅರಣ್ಯದಲ್ಲಿ ನಡೆದುಕೊಂಡು ಹೋಗ್ತಿದ್ದ ವೃದ್ಧರೊಬ್ಬರ ಮೇಲೆ ಕರಡಿ ದಾಳಿ ಮಾಡಿದ ಘಟನೆ ಉತ್ತರ ಕನ್ನಡ ಜಿಲ್ಲೆ ಜೋಯಿಡಾ ತಾಲೂಕಿನ ತಿಂಬೋಲಿಯಲಿ ನಡೆದಿದೆ. ಮಹಾರಾಷ್ಟ್ರ ಮೂಲದ ವೃದ್ಧ ವಿಠ್ಠು ಶೆಳಕೆ (70)ಗೆ ಗಂಭೀರ ಗಾಯವಾಗಿದ್ದು, 2 ಕಿ.ಮೀ ನಡೆದುಕೊಂಡು ಬಂದು ರಾಮನಗರ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಇವರು ತಿಂಬೋಲಿಯ ಸಂಬಂಧಿಕರ ಮನೆಗೆ ಹೊರಟಿದ್ದಾಗ ಇವರ ಮೇಲೆ ಕರಡಿ ದಾಳಿ ಮಾಡಿದೆ. ಜೋಯಿಡಾ ತಾಲೂಕಿನ ರಾಮನಗರ ಠಾಣೆಯಲ್ಲಿ ಕೇಸ್ ದಾಖಲಾಗಿದೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ಕಿಸಿ