Daily Devotional: ಸಾಯುವ ಮುನ್ನ ಮನುಷ್ಯನ 5 ನಿಮಿಷಗಳು ಹೇಗಿರುತ್ತೆ?
ಟಿವಿ9 ಕನ್ನಡ ಡಿಜಿಟಲ್ನ ನಿತ್ಯಭಕ್ತಿ ಕಾರ್ಯಕ್ರಮದಲ್ಲಿ ಸಾಯುವ ಮುನ್ನ ಮನುಷ್ಯನ 5 ನಿಮಿಷಗಳು ಹೇಗಿರುತ್ತೆ ಎಂದು ಡಾ. ಬಸವರಾಜ ಗುರೂಜಿ ತಿಳಿಸಿದ್ದಾರೆ. ಪ್ರತಿಯೊಬ್ಬರ ಜೀವನದಲ್ಲೂ ಮರಣ ಅನಿವಾರ್ಯ. "ಜಾತಸ್ಯ ಮರಣಂ ಧ್ರುವಂ" ಎಂಬಂತೆ, ಜನಿಸಿದ ಪ್ರತಿಯೊಬ್ಬರೂ ಒಂದು ದಿನ ಮರಣ ಹೊಂದಲೇಬೇಕು. ಆದರೆ, ಈ ಅಂತಿಮ ಕ್ಷಣಗಳಲ್ಲಿ, ವಿಶೇಷವಾಗಿ ಪ್ರಾಣ ದೇಹವನ್ನು ತೊರೆಯುವ ಕೊನೆಯ ಐದು ನಿಮಿಷಗಳಲ್ಲಿ ಏನಾಗುತ್ತದೆ ಎಂಬುದು ಅನೇಕರಿಗೆ ಕುತೂಹಲದ ವಿಷಯ. ಗ್ರಂಥಗಳು, ಅನುಭವಿಗಳು ಮತ್ತು ಮಹಾತ್ಮರು ಈ ಕುರಿತು ಕೆಲವು ವಿಷಯಗಳನ್ನು ಹಂಚಿಕೊಂಡಿದ್ದಾರೆ.
ಟಿವಿ9 ಕನ್ನಡ ಡಿಜಿಟಲ್ನ ನಿತ್ಯಭಕ್ತಿ ಕಾರ್ಯಕ್ರಮದಲ್ಲಿ ಸಾಯುವ ಮುನ್ನ ಮನುಷ್ಯನ 5 ನಿಮಿಷಗಳು ಹೇಗಿರುತ್ತೆ ಎಂದು ಡಾ. ಬಸವರಾಜ ಗುರೂಜಿ ತಿಳಿಸಿದ್ದಾರೆ. ಪ್ರತಿಯೊಬ್ಬರ ಜೀವನದಲ್ಲೂ ಮರಣ ಅನಿವಾರ್ಯ. “ಜಾತಸ್ಯ ಮರಣಂ ಧ್ರುವಂ” ಎಂಬಂತೆ, ಜನಿಸಿದ ಪ್ರತಿಯೊಬ್ಬರೂ ಒಂದು ದಿನ ಮರಣ ಹೊಂದಲೇಬೇಕು. ಆದರೆ, ಈ ಅಂತಿಮ ಕ್ಷಣಗಳಲ್ಲಿ, ವಿಶೇಷವಾಗಿ ಪ್ರಾಣ ದೇಹವನ್ನು ತೊರೆಯುವ ಕೊನೆಯ ಐದು ನಿಮಿಷಗಳಲ್ಲಿ ಏನಾಗುತ್ತದೆ ಎಂಬುದು ಅನೇಕರಿಗೆ ಕುತೂಹಲದ ವಿಷಯ. ಗ್ರಂಥಗಳು, ಅನುಭವಿಗಳು ಮತ್ತು ಮಹಾತ್ಮರು ಈ ಕುರಿತು ಕೆಲವು ವಿಷಯಗಳನ್ನು ಹಂಚಿಕೊಂಡಿದ್ದಾರೆ.
ಸಾವಿನ ಸಮೀಪದಲ್ಲಿ, ವ್ಯಕ್ತಿಯ ಪಂಚೇಂದ್ರಿಯಗಳು (ಕಣ್ಣು, ಮೂಗು, ಕಿವಿ, ಬಾಯಿ) ಒಂದೊಂದಾಗಿ ತಮ್ಮ ಕಾರ್ಯವನ್ನು ನಿಲ್ಲಿಸುತ್ತವೆ. ಕಣ್ಣುಗಳು ಮಂಪರಾಗುತ್ತವೆ, ಕಿವಿಗಳು ಕೇಳಿಸುವುದನ್ನು ನಿಲ್ಲಿಸುತ್ತವೆ, ಮತ್ತು ಮಾತು ನಿಂತುಹೋಗುತ್ತದೆ. ಇದಲ್ಲದೆ, ಮರಣೋನ್ಮುಖ ವ್ಯಕ್ತಿಗೆ ತನ್ನ ಪೂರ್ವಜರು ಮತ್ತು ಹಿಂದಿನವರು ನೆನಪಾಗುತ್ತಾರೆ ಎಂದು ಹಿರಿಯರು ಹೇಳುತ್ತಾರೆ.
ಗರುಡ ಪುರಾಣದ ಪ್ರಕಾರ, ಉಸಿರಾಟವು ಭಾರವಾಗುತ್ತದೆ ಮತ್ತು ಆತ್ಮವು ದೇಹದ ನವದ್ವಾರಗಳ ಮೂಲಕ ಹೊರಡುತ್ತದೆ. ಈ ಐದು ನಿಮಿಷಗಳ ಅನುಭವವು ವ್ಯಕ್ತಿ ತನ್ನ ಜೀವನದಲ್ಲಿ ಮಾಡಿದ ಕರ್ಮಗಳ ಮೇಲೆ ಅವಲಂಬಿತವಾಗಿರುತ್ತದೆ. ಧರ್ಮದಿಂದ ಬದುಕಿದವರಿಗೆ ಈ ಕ್ಷಣಗಳು ಶಾಂತಿ, ಸಂತೋಷ ಮತ್ತು ತೃಪ್ತಿಯಿಂದ ಕೂಡಿರುತ್ತವೆ. ಆದರೆ, ದುಷ್ಟ ವ್ಯಕ್ತಿಗಳಿಗೆ ಭಯ ಮತ್ತು ಆತಂಕ ಆವರಿಸಿಕೊಳ್ಳುತ್ತದೆ ಎಂದು ಗ್ರಂಥಗಳು ತಿಳಿಸುತ್ತವೆ.