ಕೇವಲ 15-ತಿಂಗಳು ವಯಸ್ಸಿನಲ್ಲಿ ಪುಟಾಣಿ ಕಿಯಾರಾ ತನ್ನ ತಲೆಗೂದಲನ್ನು ಕ್ಯಾನ್ಸರ್ ಪೀಡಿತರಿಗೆ ದಾನಮಾಡಿ ವಿಶ್ವದಾಖಲೆ ಮೆರೆದಿದ್ದಾಳೆ

ಈ ಪುಟಾಣಿ ಮಗುವಿನ ಹೆಸರು ಕಿಯಾರಾ (Kiara), ಈಗ 22 ತಿಂಗಳು ವಯಸ್ಸಿನ ಈ ಮುದ್ದು ಮಗು ಸುಮಾರು 7 ತಿಂಗಳು ಹಿಂದೆಯೇ ವಿಶ್ವ ವಿಕ್ರಮವೊಂದನ್ನು ತನ್ನ ಹೆಸರಿಗೆ ಬರೆದುಕೊಂಡಿದ್ದಾಳೆ ಅಂದರೆ ನಂಬುತ್ತೀರಾ? ಹೌದು ಮಾರಾಯ್ರೇ, ಅಮೆರಿಕದ ಅಟ್ಲಾಂಟಾದಲ್ಲಿ ನೆಲೆಸಿರುವ ಬೆಂಗಳೂರಿನ ಪ್ರವೀಣ್ (Praveen) ಮತ್ತು ವಿದ್ಯಾ (Vidya) ದಂಪತಿಯ ಮಗಳು ಕಿಯಾರಾ ಕೇವಲ ಒಂದೂ-ಕಾಲು-ವರ್ಷದವಳಾಗಿದ್ದಾಗ (15-ತಿಂಗಳು) ಕ್ಯಾನ್ಸರ್ ಪೀಡಿತ ಮಕ್ಕಳಿಗೆ ಉಚಿತವಾಗಿ ವಿಗ್​ಗಳನ್ನು ನೀಡುವ ಫ್ರೀ ವಿಗ್ಸ್ 4 ಕಿಡ್ಸ್  ಸಂಸ್ಥೆಗೆ ತನ್ನ ತಲೆಗೂದಲು ದಾನ ಮಾಡುವ ಮೂಲಕ ಅದನ್ನು ಮಾಡಿದ ವಿಶ್ವದ ಅತಿ ಕಿರಿಯ ವ್ಯಕ್ತಿ ಎಂಬ ದಾಖಲೆಗೆ ಪಾತ್ರಳಾಗಿದ್ದಾಳೆ. ಅವಳ ಸಾಧನೆಯನ್ನು ತಂದೆತಾಯಿಗಳು ಬಹಳ ಹೆಮ್ಮೆಯಿಂದ ಹೇಳಿಕೊಂಡಿದ್ದಾರೆ.

ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್​​​​ ಪ್ರಶಸ್ತಿ ಪತ್ರದೊಂದಿಗೆ ಕಿಯಾರಾ

ಫ್ರೀ ವಿಗ್ಸ್ ಫಾರ್ ಕಿಡ್ಸ್ ಸಂಸ್ಥೆಯಿಂದ ಪ್ರಶಂಸೆ ಪತ್ರ