ಬಜಾಜ್ ಫೈನಾನ್ಸ್ ಡಿಜಿಟಲ್ ವ್ಯಾಲೆಟ್ಗೆ ಅನುಮತಿ ನೀಡಿದ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ
ಬಜಾಜ್ ಫೈನಾನ್ಸ್ ಕಂಪೆನಿಗೆ ಡಿಜಿಟಲ್ ವ್ಯಾಲೆಟ್ಗೆ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದಿಂದ ಅನುಮತಿ ನೀಡಲಾಗಿದೆ. ಏನಿದರ ಅನುಕೂಲ ಮತ್ತು ಪಿಪಿಐ ಅಂದರೇನು ಎಂದು ತಿಳಿದುಕೊಳ್ಳಿ.
ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾವು ಬಜಾಜ್ ಫೈನಾನ್ಸ್ ವ್ಯಾಲೆಟ್ಗೆ ಶಾಶ್ವತ ಮಾನ್ಯತೆ ಕೊಟ್ಟು, ಮಂಜೂರಾತಿ ನೀಡಿದೆ. ಇದರರ್ಥ ಏನೆಂದರೆ, ಕಂಪೆನಿಯಿಂದ ಈ ಹಿಂದೆ ಕೇಳುತ್ತಿದ್ದಂತೆ ಪ್ರತಿ ವರ್ಷ ಮಾನ್ಯತೆ ಕೇಳುವ ಅಗತ್ಯ ಇಲ್ಲ. ಕಂಪೆನಿಗೆ ಮಾರುಕಟ್ಟೆ ಪ್ರವೇಶಿಸಲು ಪರ್ಪೆಚುಯಲ್ ಮಾನ್ಯತೆ ಸಮ್ಮತಿ ಸಿಕ್ಕಿದೆ. ಎಲ್ಲ ಪಾವತಿಯನ್ನೂ ಒಗ್ಗೂಡಿಸಿ, ಒಂದು ಪ್ಲಾಟ್ಫಾರ್ಮ್ ಆದ ಬಜಾಜ್ ಪೇ ಅಂತ ಮಾಡುವ ಶ್ರಮವೂ ಅದರಲ್ಲಿ ಅಡಗಿದೆ. ಗ್ರಾಹಕರಿಗೆ ದೊಡ್ಡ ಮಟ್ಟದಲ್ಲಿ ಡಿಜಿಟಲ್ ಫೈನಾನ್ಸ್ ಆಫರಿಂಗ್ ವಿಸ್ತರಣೆ ಮಾಡುವ ಯೋಜನೆಯಲ್ಲಿ ಬಜಾಜ್ ಫೈನಾನ್ಸ್ನ ಡಿಜಿಟಲ್ ವ್ಯಾಲೆಟ್ ಕೂಡ ಒಂದು ಭಾಗವಾಗಿದೆ. ಪಾವತಿ ಮಾರ್ಕೆಟ್ನಲ್ಲಿ ವಿಸ್ತರಣೆ ಮಾಡುವ ಉದ್ದೇಶದಿಂದ ಕಂಪೆನಿಯು ಹಂತಹಂತವಾಗಿ “ಬಜಾಜ್ ಪೇ” ಜಾರಿಗೆ ತರುತ್ತಿದೆ.
ಭಾರತ್ ಬಿಲ್ ಪೇ ವ್ಯವಸ್ಥೆಯು ಜನವರಿಯಲ್ಲಿ ಬಜಾಜ್ ಪೇನಲ್ಲಿ ಲೈವ್ ಆಗಿತ್ತು ಎಂದು ಕಂಪೆನಿಯ ತ್ರೈಮಾಸಿಕ ಹೂಡಿಕೆದಾರರ ಪ್ರಸೆಂಟೇಷನ್ನಲ್ಲಿ ತಿಳಿಸಲಾಗಿದೆ. ಮೇ ತಿಂಗಳಲ್ಲಿ ಪೂರ್ಣ ಪ್ರಮಾಣದ ಯುಪಿಐ ಪಾವತಿ ಆಯ್ಕೆಯು ದೊರೆಯುವ ನಿರೀಕ್ಷೆ ಇದೆ. ಕಳೆದ ವಾರ ಕಂಪೆನಿಯಿಂದ 2021ನೇ ಹಣಕಾಸು ವರ್ಷದ ಕನ್ಸಾಲಿಡೇಟೆಡ್ ಲಾಭವನ್ನು ಘೋಷಣೆ ಮಾಡಿದ್ದು, FY20ರಲ್ಲಿ 948 ಕೋಟಿ ರೂಪಾಯಿ ಇದ್ದದ್ದು, FY21ರಲ್ಲಿ ರೂ. 1347 ಕೋಟಿ ಆಗಿದೆ.
ಪ್ರೀಪೇಯ್ಡ್ ಪೇಮೆಂಟ್ ಇನ್ಸ್ಟ್ರುಮೆಂಟ್ಸ್ (PPI)ಎಂದರೇನು?
ಪ್ರೀಪೇಯ್ಡ್ ಪೇಮೆಂಟ್ ಇನ್ಸ್ಟ್ರುಮೆಂಟ್ಸ್ (PPI)ಅಂದರೆ ಸರಕು ಮತ್ತು ಸೇವೆಗೆ ಪಾವತಿ ಮಾಡುವುದಕ್ಕೆ, ಅಷ್ಟೇ ಅಲ್ಲ, ಅದಾಗಲೇ ಸೇರ್ಪಡೆ ಮಾಡಿರುವ ಹಣದಿಂದ ಪಾವತಿ ಮಾಡಲು ಇರುವ ಸಾಧನ. ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾವು ಈ ಪ್ರೀಪೇಯ್ಡ್ ಇನ್ಸ್ಟ್ರುಮೆಂಟ್ಗಳ ಲೈಸೆನ್ಸ್ ನೀಡುವುದು ಮತ್ತು ಅವುಗಳ ನಿಯಂತ್ರಣವನ್ನು ಮಾಡುತ್ತದೆ. ಪೇಮೆಂಟ್ ಅಂಡ್ ಸೆಟ್ಲ್ಮೆಂಟ್ ಸಿಸ್ಟಮ್ ಆ್ಯಕ್ಟ್, 2007 (PSS Act, 2007) ಸೆಕ್ಷನ್ 10 (2)ರಲ್ಲಿ ತಿಳಿಸಿರುವಂತೆ ಸೆಕ್ಷನ್ 18ರ ಅಡಿಯಲ್ಲಿ ಕಾರ್ಯ ನಿರ್ವಹಿಸುತ್ತದೆ.
ಇದನ್ನೂ ಓದಿ: 10,000 ರೂಪಾಯಿ ಹೂಡಿದವರಿಗೆ 20 ವರ್ಷದಲ್ಲಿ 2 ಕೋಟಿ ಮಾಡಿಕೊಟ್ಟ ಕಂಪೆನಿಯ ಕಥೆಯಿದು
(Bajaj Finance Company’s digital wallet approved by Reserve Bank Of India (RBI). Here is the details)