ಐಎಸ್ಒ 55001:2024 ಪ್ರಮಾಣೀಕರಣ ಪಡೆದ ಭಾರತದ ಮೊದಲ ಮೆಟ್ರೋ ಸಂಸ್ಥೆ ಡಿಎಂಆರ್ಸಿ
DMRC gets ISO 55001-2024 certification: ಇನ್ಫ್ರಾಸ್ಟ್ರಕ್ಚರ್ ಆಸ್ತಿಗಳ ನಿರ್ವಹಣೆಯಲ್ಲಿ ಕ್ಷಮತೆ ತೋರುವುದಕ್ಕೆ ಗುರುತಾಗಿ ನೀಡುವ ಐಎಸ್ಒ 5501:2024 ಸರ್ಟಿಫಿಕೇಶನ್ ಅನ್ನು ಡಿಎಂಆರ್ಸಿ ಪಡೆದಿದೆ. ಮುಂಬೈನ ಮೆಟ್ರೋ ಲೈನ್-3 ನಿರ್ವಹಣೆಗಾಗಿ ಡೆಲ್ಲಿ ಮೆಟ್ರೋ ರೈಲ್ ಕಾರ್ಪೊರೇಶನ್ಗೆ ಈ ಪ್ರಮಾಣೀಕರಣ ಸಿಕ್ಕಿದೆ. ಕೊಲಾಬದಿಂದ ಎಸ್ಇಇಪಿಝಡ್ ಸಂಪರ್ಕಿಸುವ ಈ ಮೆಟ್ರೋ ಲೈನ್ 33.5 ಕಿಮೀ ಉದ್ದವಿದೆ.
ನವದೆಹಲಿ, ಆಗಸ್ಟ್ 23: ದೆಹಲಿ ಮೆಟ್ರೋ ರೈಲು ನಿಗಮ(DMRC) ಪ್ರತಿಷ್ಠಿತ ISO 55001:2024 ಪ್ರಮಾಣೀಕರಣವನ್ನು ಪಡೆದ ಭಾರತದ ಪ್ರಥಮ ಮೆಟ್ರೋ ಸಂಸ್ಥೆ ಎಂಬ ಹೆಗ್ಗಳಿಗೆ ಪಾತ್ರವಾಗಿದೆ. ಮುಂಬೈ ಮೆಟ್ರೋ ಲೈನ್-3 ನಿರ್ವಹಣೆಗಾಗಿ ಡಿಎಂಆರ್ಸಿಗೆ ಈ ಶಹಬ್ಬಾಸ್ಗಿರಿ ಸಿಕ್ಕಿದೆ. ಈ ಅಂತರರಾಷ್ಟ್ರೀಯ ಪ್ರಮಾಣೀಕರಣವು ಆಸ್ತಿ ನಿರ್ವಹಣಾ ವ್ಯವಸ್ಥೆಗಳಲ್ಲಿ (Asset Management System) ಅತ್ಯುತ್ತಮ ಕಾರ್ಯಕ್ಷಮತೆ, ರಿಸ್ಕ್ ಆಧಾರಿತ ನಿರ್ವಹಣೆ ಮತ್ತು ದೀರ್ಘಕಾಲೀನ ಮೌಲ್ಯವನ್ನು ಬಿಂಬಿಸುತ್ತದೆ.
ಮುಂಬೈ ಮೆಟ್ರೋ ಲೈನ್-3: ಡಿಎಂಆರ್ಸಿ ಸದ್ಯ ಮುಂಬೈನ ಕೊಲಾಬಾ, ಬಾಂದ್ರಾ ಮತ್ತು ಎಸ್ಇಇಪಿಝಡ್ (SEEPZ) ಸಂಪರ್ಕಿಸುವ 33.5 ಕಿ.ಮೀ. ಉದ್ದದ ಮುಂಬೈ ಮೆಟ್ರೋ ಲೈನ್-3 ಕಾರಿಡಾರ್‌ನ ಕಾರ್ಯಾಚರಣೆ ಮತ್ತು ನಿರ್ವಹಣೆಯ ಜವಾಬ್ದಾರಿಯನ್ನು ನಿರ್ವಹಿಸುತ್ತಿದೆ. ಈ ಮಾರ್ಗದಲ್ಲಿ ರೋಲಿಂಗ್ ಸ್ಟಾಕ್, ಟ್ರ್ಯಾಕ್ಷನ್, ಸಿಗ್ನಲಿಂಗ್, ಟೆಲಿಕಮ್ಯೂನಿಕೇಶನ್ಸ್, ರೈಲ್ವೆ ಸ್ಟೇಷನ್, ಲಿಫ್ಟ್, ಎಸ್ಕಲೇಟರ್, ಟ್ರ್ಯಾಕ್ ಹಾಗೂ ನಾಗರಿಕ ಸೌಕರ್ಯಗಳನ್ನು ನಿರ್ಮಿಸಿ, ಸಮರ್ಪಕವಾಗಿ ನಿರ್ವಹಿಸಿದರೆ ಈ ಸರ್ಟಿಫಿಕೇಶನ್ ಸಿಗುತ್ತದೆ.
ಇದನ್ನೂ ಓದಿ: ಹಬ್ಬದ ಸೀಸನ್ನಲ್ಲಿ ಸಕ್ಕರೆ ದುಬಾರಿ; ಒಂದೇ ತಿಂಗಳಲ್ಲಿ ಭರ್ಜರಿ ಏರಿಕೆ ಕಂಡ ಬೆಲೆ; ಏನು ಕಾರಣ?
ದೆಹಲಿ ಹೊರತುಪಡಿಸಿ ಇತರೆ ನಗರಗಳ ಮೆಟ್ರೋ ಯೋಜನೆಗಳ ಕಾರ್ಯಾಚರಣೆ ಮತ್ತು ನಿರ್ವಹಣಾ ಕ್ಷೇತ್ರದಲ್ಲಿಯೂ ಡಿಎಂಆರ್ಸಿ ತನ್ನ ಪರಿಣತಿಯನ್ನು ವಿಸ್ತರಿಸುತ್ತಿರುವುದಕ್ಕೆ ಈ ಪ್ರಮಾಣೀಕರಣ ಮತ್ತಷ್ಟು ಬಲ ತುಂಬಿದೆ.
ಬೃಹತ್ ಪ್ರಮಾಣದ ಭೌತಿಕ ಮೂಲಸೌಕರ್ಯ ಆಸ್ತಿಗಳ ನಿರ್ವಹಣೆಗೆ ನೀಡುವ ISO 55001 ಪ್ರಮಾಣೀಕರಣಗಳನ್ನು ಉತ್ತರಪ್ರದೆಶ ಮೆಟ್ರೋಲ್ ರೈಲ್ ಕಾರ್ಪೊರೇಶನ್ ಕೂಡ ಪಡೆದಿದೆ. ಆದರೆ, ISO 55001:2024 ಪಡೆದ ಮೊದಲ ಮೆಟ್ರೋ ನಿಗಮ ಡಿಎಂಆರ್ಸಿಯಾಗಿದೆ.
ಇದನ್ನೂ ಓದಿ: ಹೆಬ್ಬಾಳ-ಸಿಲ್ಕ್ ಬೋರ್ಡ್ ಸುರಂಗ ರಸ್ತೆ ಯೋಜನೆ; ಅದಾನಿ ಗ್ರೂಪ್ ಎಲ್1 ಆಗಿ ಆಯ್ಕೆ; ಕುತೂಹಲ ಮೂಡಿಸಿದ ಅದಾನಿ-ಸಿಎಂ ಭೇಟಿ
ಜಪಾನ್ನ ಸಾಟೊ ಕೋಗ್ಯೋ, ಸುಮಿಟೊಮೊ ಮಿಟ್ಸುಯ್ ಕನ್ಸ್ಟ್ರಕ್ಷನ್ ಕಂಪನಿ, ಟೋಕ್ಯು ಕನ್ಸ್ಟ್ರಕ್ಷನ್ ಕಂಪನಿ, ನಿಪ್ಪೋನ್ ಕೋಯಿ ಇತ್ಯಾದಿ ಜಾಗತಿಕ ಸಂಸ್ಥೆಗಳು ಈ ಪ್ರಮಾಣಪತ್ರ ಪಡೆದಿವೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ