ಮನೆಗಳ ಸೇಲ್ನಲ್ಲಿ ಹೆಚ್ಚಳ; ಬೆಂಗಳೂರೇ ನಂಬರ್ 1; ಮುಂಬೈ, ಪುಣೆಯಲ್ಲಿ ಅತಿಹೆಚ್ಚು ವಸತಿಗೃಹಗಳ ಮಾರಾಟ
Bengaluru tops in Rise of Residential Market: ದೆಹಲಿ ಎನ್ಸಿಆರ್, ಮುಂಬೈ ಮೆಟ್ರೋಪೊಲಿಟನ್, ಬೆಂಗಳೂರು, ಪುಣೆ, ಚೆನ್ನೈ, ಕೋಲ್ಕತಾ, ಹೈದರಾಬಾದ್, ಅಹ್ಮದಾಬಾದ್ ನಗರಗಳ ವಸತಿ ಮಾರುಕಟ್ಟೆಯನ್ನು ಅವಲೋಕಿಸಿ ಪ್ರಾಪ್ ಟೈಗರ್ ಡಾಟ್ ಕಾಮ್ ಸಂಸ್ಥೆ ವರದಿ ಬಿಡುಗಡೆ ಮಾಡಿದೆ. 2023ರ ಜುಲೈನಿಂದ ಸೆಪ್ಟೆಂಬರ್ವರೆಗಿನ ಕ್ವಾರ್ಟರ್ನಲ್ಲಿ ಈ 2 ನಗರಗಳಲ್ಲಿ 1 ಲಕ್ಷಕ್ಕೂ ಹೆಚ್ಚು ವಸತಿ ಗೃಹಗಳು ಮಾರಾಟವಾಗಿವೆ. ಕಳೆದ ವರ್ಷದಕ್ಕಿಂತ ಶೇ. 22ರಷ್ಟು ಹೆಚ್ಚಳವಾಗಿದೆ. ಮಾರಾಟ ಹೆಚ್ಚಳದಲ್ಲಿ ಬೆಂಗಳೂರು ನಂಬರ್ ಒನ್ ಎನಿಸಿದೆ. ಕಳೆದ ವರ್ಷಕ್ಕಿಂತ ಇಲ್ಲಿ ಶೇ. 60ರಷ್ಟು ಮಾರಾಟಹೆಚ್ಚಳವಾಗಿದೆ.
ನವದೆಹಲಿ, ಡಿಸೆಂಬರ್ 4: ಭಾರತದಲ್ಲಿ ವಸತಿ ಮಾರುಕಟ್ಟೆ (housing market) ಜುಲೈನಿಂದ ಸೆಪ್ಟೆಂಬರ್ವರೆಗಿನ ತ್ರೈಮಾಸಿಕ ಅವಧಿಯಲ್ಲಿ (2023 July-September Quarter) ಗಣನೀಯವಾಗಿ ಬೆಳೆದಿದೆ. ಬೆಂಗಳೂರು ಸೇರಿದಂತೆ ಭಾರತದ ಎಂಟು ಪ್ರಮುಖ ನಗರಗಳಲ್ಲಿ ಈ ಅವಧಿಯಲ್ಲಿ ಸೇಲ್ ಆಗಿರುವ ವಸತಿಗೃಹಗಳ (residence sales) ಸಂಖ್ಯೆ 1 ಲಕ್ಷ ದಾಟಿದೆ. 2022ರ ಜುಲೈ, ಆಗಸ್ಟ್ ಮತ್ತು ಸೆಪ್ಟೆಂಬರ್ನಲ್ಲಿ 83,220 ಯೂನಿಟ್ಗಳು ಮಾರಾಟವಾಗಿದ್ದರೆ ಈ ವರ್ಷದ ಈ ಮೂರು ತಿಂಗಳಲ್ಲಿ 1,01,220 ಮನೆಗಳ ಸೇಲ್ ಆಗಿದೆ. ಶೇ. 22, ಅಥವಾ 18,000ದಷ್ಟು ಹೆಚ್ಚು ಯೂನಿಟ್ಗಳು ಈ ಬಾರಿಯ ಕ್ವಾರ್ಟರ್ನಲ್ಲಿ ಮಾರಾಟವಾಗಿದೆ. ಪ್ರಾಪ್ ಟೈಗರ್ ಡಾಟ್ ಕಾಮ್ ಸಂಸ್ಥೆ (Prop Tiger) ತನ್ನ ವರದಿಯಲ್ಲಿ ಈ ಅಂಕಿ ಅಂಶಗಳನ್ನು ತೋರಿಸಿದೆ.
ಎಂಟು ನಗರಗಳಿವು: ದೆಹಲಿ ಎನ್ಸಿಆರ್, ಮುಂಬೈ ಮೆಟ್ರೋಪಾಲಿಟನ್, ಪುಣೆ, ಬೆಂಗಳೂರು, ಚೆನ್ನೈ, ಕೋಲ್ಕತಾ, ಹೈದರಾಬಾದ್ ಮತ್ತು ಅಹ್ಮದಾಬಾದ್ ನಗರಗಳಲ್ಲಿನ ವಸತಿ ಮಾರುಕಟ್ಟೆಗಳಲ್ಲಿನ ಮಾರಾಟವನ್ನು ಈ ವರದಿಯಲ್ಲಿ ಅವಲೋಕಿಸಲಾಗಿದೆ.
ಇದನ್ನೂ ಓದಿ: ಭಾರತದ ಜಿಡಿಪಿ ಎಲ್ಲರ ಲೆಕ್ಕಾಚಾರ ಮೀರಿಸಿದ್ದು ಹೇಗೆ? ಇಲ್ಲಿದೆ ಕೆಲ ಪ್ರಮುಖ ಕಾರಣಗಳು
ಅಪಾರ್ಟ್ಮೆಂಟ್, ವಿಲ್ಲಾ ಮೊದಲಾದವುಗಳ ಮಾರಾಟದ ಅಂಕಿ ಅಂಶಗಳು ಇವು. ದೆಹಲಿ ಎನ್ಸಿಆರ್ ಪ್ರದೇಶದಲ್ಲಿ ದೆಹಲಿ ಮಾತ್ರವಲ್ಲ, ಗುರುಗ್ರಾಮ್, ನೋಯ್ಡಾ, ಗ್ರೇಟರ್ ನೋಯ್ಡಾ, ಫರೀದಾಬಾದ್ ಮತ್ತು ಘಾಜಿಯಾಬಾದ್ ಪ್ರದೇಶಗಳು ಒಳಗೊಂಡಿವೆ. ಇನ್ನು, ಎಂಎಂಆರ್ ಅಥವಾ ಮುಂಬೈ ಮೆಟ್ರೊಪೊಲಿಟನ್ ರೀಜನ್ನಲ್ಲಿ ಮುಂಬೈ, ಥಾಣೆ ಮತ್ತು ನವಿ ಮುಂಬೈ ಪ್ರದೇಶಗಳು ಸೇರಿವೆ.
ಬೆಂಗಳೂರಿನಲ್ಲಿ ಅತಿಹೆಚ್ಚು ಶೇಕಡಾವಾರು ಮಾರಾಟ ಹೆಚ್ಚಳ
ಪ್ರಾಪ್ ಟೈಗರ್ ಡಾಟ್ ಕಾಮ್ನ ದತ್ತಾಂಶದ ಪ್ರಕಾರ, ಬೆಂಗಳೂರಿನಲ್ಲಿ ಜುಲೈನಿಂದ ಸೆಪ್ಟೆಂಬರ್ವರೆಗಿನ ಕ್ವಾರ್ಟರ್ನಲ್ಲಿ ವಸತಿಗಳ ಮಾರಾಟ ಪ್ರಮಾಣ ಶೇ. 60ರಷ್ಟು ಹೆಚ್ಚಾಗಿದೆ. ದೆಹಲಿ ಎನ್ಸಿಆರ್ ಮತ್ತು ಕೋಲ್ಕತಾದಲ್ಲಿ ವಸತಿ ಮಾರಾಟ ಪ್ರಮಾಣ ಶೇ. 40ಕ್ಕಿಂತಲೂ ಹೆಚ್ಚಾಗಿದೆ. ಚೆನ್ನೈನಲ್ಲಿ ಮಾರಾಟ ಶೇ. 12ರಷ್ಟು ಕಡಿಮೆ ಆಗಿದೆ. ಎಂಟು ಮಹಾನಗರಗಳ ಪೈಕಿ ಮಾರಾಟದಲ್ಲಿ ಇಳಿಕೆ ಆಗಿರುವುದು ಚೆನ್ನೈನಲ್ಲಿ ಮಾತ್ರ.
ಇದನ್ನೂ ಓದಿ: 8th Pay Commission: ಎಲೆಕ್ಷನ್ ಬಂತು, 8ನೇ ವೇತನ ಆಯೋಗ ರಚನೆಯಾಗುತ್ತಾ? ಸರ್ಕಾರದಿಂದ ಅಪ್ಡೇಟ್ ಇದು
ಮುಂಬೈ ಮತ್ತು ಪುಣೆಯಲ್ಲಿ ಅತಿಹೆಚ್ಚು ವಸತಿ ಮಾರಾಟ ಆಗುವುದು ಮುಂದುವುರಿದಿದೆ. ಎಂಟು ನಗರಗಳಿಂದ ಆದ ಒಟ್ಟೂ ವಸತಿ ಮಾರಾಟದಲ್ಲಿ ಪುಣೆ ಮತ್ತು ಮುಂಬೈ ಪಾಲು ಅರ್ಧದಷ್ಟಿರುವುದು ಗಮನಾರ್ಹ.
2023ರ ಜುಲೈ-ಸೆಪ್ಟೆಂಬರ್ ಕ್ವಾರ್ಟರ್ನಲ್ಲಿ ಆದ ವಸತಿ ಮಾರಾಟ ಪ್ರಮಾಣ
- ಮುಂಬೈ (ಎಂಎಂಆರ್): 30,300 ಯೂನಿಟ್
- ಪುಣೆ: 18,560 ಯೂನಿಟ್
- ಹೈದರಾಬಾದ್: 14,190 ಯೂನಿಟ್
- ಬೆಂಗಳೂರು: 12,590 ಯೂನಿಟ್
- ಅಹ್ಮದಾಬಾದ್: 10,300 ಯೂನಿಟ್
- ದೆಹಲಿ ಎನ್ಸಿಆರ್: 7,800 ಯೂನಿಟ್
- ಚೆನ್ನೈ: 3,870 ಯೂನಿಟ್
- ಕೋಲ್ಕತಾ: 3,610 ಯೂನಿಟ್
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 12:32 pm, Mon, 4 December 23