LIC IPO Valuation: ಎಲ್​ಐಸಿ ಐಪಿಒಗೆ ಮಾರುಕಟ್ಟೆ ಮೌಲ್ಯದ ಅಂದಾಜು 15 ಲಕ್ಷ ಕೋಟಿ ರೂಪಾಯಿ

ಸರ್ಕಾರಿ ಸ್ವಾಮ್ಯದ ವಿಮಾದಾರ ಕಂಪೆನಿ ಭಾರತೀಯ ಜೀವ ವಿಮಾ ನಿಗಮವನ್ನು ಸುಮಾರು 15 ಲಕ್ಷ ಕೋಟಿ ರೂಪಾಯಿಗಳ (203 ಶತಕೋಟಿ ಡಾಲರ್) ಮೌಲ್ಯಮಾಪನ ಅಂದಾಜು ಮಾಡಿದ್ದು, ಇದು ಶೀಘ್ರದಲ್ಲೇ ರಾಷ್ಟ್ರದ ಅತಿದೊಡ್ಡ ಆರಂಭಿಕ ಸಾರ್ವಜನಿಕ ಕೊಡುಗೆಗಾಗಿ ಸಲ್ಲಿಸುವ ನಿರೀಕ್ಷೆಯಿದೆ. ಈ ವಿಷಯದ ಬಗ್ಗೆ ಮಾಹಿತಿ ತಿಳಿದಿರುವ ಜನರು ಹೇಳುವಂತೆ, ಸಂಸ್ಥೆಯ ಅಂದಾಜು ಮೌಲ್ಯದ ಬಗ್ಗೆ ಆಯೋಜಕರು ಅಂತಿಮ ವರದಿಗಾಗಿ ಕಾಯುತ್ತಿದ್ದಾರೆ. ಲೈಫ್ ಇನ್ಷೂರೆನ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾದ ಎಂಬೆಡೆಡ್ ಮೌಲ್ಯ ಎಂದು ಕರೆಯುವ ಮೌಲ್ಯವು 4 ಲಕ್ಷ ಕೋಟಿ ರೂಪಾಯಿಗಿಂತ ಹೆಚ್ಚಾಗಿರುತ್ತದೆ ಮತ್ತು ಅದರ ಮಾರುಕಟ್ಟೆ ಮೌಲ್ಯವು ನಾಲ್ಕು ಪಟ್ಟು ಹೆಚ್ಚು ಆಗಿರಬಹುದು ಎಂದು ಹೇಳಿದ್ದಾರೆ. ಚರ್ಚೆಗಳು ಖಾಸಗಿ ಆಗಿರುವುದರಿಂದ ತಮ್ಮ ಗುರುತನ್ನು ಬಹಿರಂಗ ಮಾಡಿಲ್ಲ. ಅಂತಿಮ ವರದಿ ಬಂದ ನಂತರ ಸರ್ಕಾರವು ಬಯಸುತ್ತಿರುವ ಮೌಲ್ಯಮಾಪನವು ಬದಲಾಗಬಹುದು.

ಎಂಬೆಡೆಡ್ ಮೌಲ್ಯ ಅಂದರೆ ವಿಮಾದಾರರಿಗೆ ಪ್ರಮುಖ ಮೆಟ್ರಿಕ್, ಆಸ್ತಿಗಳ ನಿವ್ವಳ ಮೌಲ್ಯದೊಂದಿಗೆ ಭವಿಷ್ಯದ ಲಾಭದ ಪ್ರಸ್ತುತ ಮೌಲ್ಯವನ್ನು ಸಂಯೋಜಿಸುತ್ತದೆ. ಈ ಅಳತೆಯು LICಯ IPO ಪ್ರಾಸ್ಪೆಕ್ಟಸ್‌ನ ಭಾಗವಾಗಿರುತ್ತದೆ. ಅದು ಜನವರಿ 31ರಿಂದ ಪ್ರಾರಂಭವಾಗುವ ವಾರದಲ್ಲಿ ಸಲ್ಲಿಸುವ ಸಾಧ್ಯತೆಯಿದೆ. ವಿಮಾದಾರರ ಮಾರುಕಟ್ಟೆ ಮೌಲ್ಯವು ಎಂಬೆಡೆಡ್ ಮೌಲ್ಯಕ್ಕಿಂತ ಮೂರರಿಂದ ಐದು ಪಟ್ಟು ಮಧ್ಯೆ ಇರುತ್ತದೆ. ಹೂಡಿಕೆದಾರರು ಸರ್ಕಾರವು ಪ್ರಸ್ತಾಪಿಸಿದ ಲೆಕ್ಕಾಚಾರಗಳಿಗೆ ಒಪ್ಪಿಗೆ ನೀಡಿದರೆ ಎಲ್​ಐಸಿಯು ಭಾರತದ ಅತಿದೊಡ್ಡ ಕಂಪೆನಿಗಳಾದ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಮತ್ತು ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ ಲಿಮಿಟೆಡ್‌ ಸಾಲಿಗೆ ಸೇರುತ್ತದೆ – ಇವು ಕ್ರಮವಾಗಿ 17 ಲಕ್ಷ ಕೋಟಿ ರೂಪಾಯಿ ಮತ್ತು 14.3 ಲಕ್ಷ ಕೋಟಿ ರೂಪಾಯಿಗಳ ಮಾರುಕಟ್ಟೆ ಬಂಡವಾಳವನ್ನು ಹೊಂದಿವೆ.

ಅಂದಹಾಗೆ, ಹಣಕಾಸು ಸಚಿವಾಲಯದ ವಕ್ತಾರರು ಈ ಬಗ್ಗೆ ಪ್ರತಿಕ್ರಿಯೆಗೆ ನಿರಾಕರಿಸಿದ್ದಾರೆ. ಜತೆಗೆ ಎಲ್ಐಸಿ ಕೂಡ ಈ ಬಗ್ಗೆ ಅಭಿಪ್ರಾಯ ತಿಳಿಸಲು ನಿರಾಕರಿಸಿದೆ. ಸರ್ಕಾರವು ತನ್ನ ನಿರೀಕ್ಷೆಗಳನ್ನು ಸ್ವಲ್ಪ ಹೆಚ್ಚು ವಿಸ್ತರಿಸುತ್ತಿರಬಹುದು ಎಂದು ಇತರ ಮೂಲಗಳು ತಿಳಿಸಿವೆ. ಹೂಡಿಕೆದಾರರ ಪ್ರತಿಕ್ರಿಯೆ, ಲಾಭದಾಯಕತೆಯ ದೃಷ್ಟಿಕೋನ ಮತ್ತು ಉದ್ಯಮದಲ್ಲಿನ ಟ್ರೆಂಡ್ ಸೇರಿದಂತೆ ವಿವಿಧ ಅಂಶಗಳನ್ನು ಆಧರಿಸಿ ಅಂತಿಮ ಮೌಲ್ಯಮಾಪನವನ್ನು ನಿರ್ಧರಿಸಲಾಗುತ್ತದೆ ಎನ್ನಲಾಗುತ್ತಿದೆ.

ಎಲ್​ಐಸಿಯಿಂದ ಮೊದಲ ಬಾರಿಗೆ ಷೇರು ಮಾರಾಟವು ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರ ನಗದು ಸಂಗ್ರಹಣೆಯ ಪ್ರಯತ್ನಗಳ ಭಾಗವಾಗಿದೆ ಮತ್ತು ಕೊರೊನಾ ಮಧ್ಯದಲ್ಲಿ ವಿಸ್ತರಿಸಿದ ಬಜೆಟ್ ಕೊರತೆಯನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಮಾರ್ಚ್ ಅಂತ್ಯದೊಳಗೆ ಕಂಪೆನಿಯ ಶೇ 5ರಿಂದ ಶೇ 10ರಷ್ಟು ಮಾರಾಟ ಮಾಡಲು ಸರ್ಕಾರ ಯೋಜನೆ ರೂಪಿಸುತ್ತಿದೆ. ಮಾರುಕಟ್ಟೆ ನಿಯಂತ್ರಕ ಸೆಬಿಗೆ ಎಲ್‌ಐಸಿ ಕರಡು ಪ್ರಾಸ್ಪೆಕ್ಟಸ್ ಅನ್ನು ಸಲ್ಲಿಸುವ ಮೊದಲು ಈ ತಿಂಗಳ ನಂತರ ಮಾರಾಟ ಮಾಡಬೇಕಾದ ಷೇರುಗಳ ಮೊತ್ತದ ಕರೆಯನ್ನು ಸಚಿವ ಸಮಿತಿಯು ತೆಗೆದುಕೊಳ್ಳುತ್ತದೆ. ಸರ್ಕಾರವು ಬಯಸಿದ ಮೌಲ್ಯಮಾಪನದಲ್ಲಿ ಶೇ 5ರ ಪಾಲನ್ನು ಸುಮಾರು 750 ಶತಕೋಟಿ ರೂಪಾಯಿಗಳನ್ನು ಪಡೆಯುತ್ತದೆ.

ಇದನ್ನೂ ಓದಿ: 2022ರ ಜನವರಿಯಿಂದ ಮಾರ್ಚ್​ ಮಧ್ಯೆ ಎಲ್​ಐಸಿ ಲಿಸ್ಟಿಂಗ್ ಸಾಧ್ಯತೆ ಎಂದ ಮಖ್ಯ ಆರ್ಥಿಕ ಸಲಹೆಗಾರ