ದೆಹಲಿಯಲ್ಲಿ ಇಬ್ಬರು ಸಲಿಂಗಿಗಳ ಮೇಲೆ ಸಾಮೂಹಿಕ ಅತ್ಯಾಚಾರ, ಮೂವರ ಬಂಧನ

ದೆಹಲಿಯ ಶಕರ್​ಪುರ್ ಪ್ರದೇಶದಲ್ಲಿ ಇಬ್ಬರು ಬಾಂಗ್ಲಾದೇಶಿ ಪ್ರಜೆಗಳ ಮೇಲೆ  ನಡೆದ ಸಾಮೂಹಿಕ ಅತ್ಯಾಚಾರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮೂವರನ್ನು ಬಂಧಿಸಲಾಗಿದೆ. ಈ ಘಟನೆಯು ಅಕ್ಟೋಬರ್ 17 ರಂದು ಸಂಭವಿಸಿದ್ದು, ಇಬ್ಬರೂ ಸಲಿಂಗ ದಂಪತಿಗಳಾಗಿದ್ದಾರೆ.

ಪ್ರಕರಣದಲ್ಲಿ ಭಾಗಿಯಾಗಿರುವ ಮೂವರು ಶಂಕಿತರನ್ನು ಬಂಧಿಸಲು ಪಿಸಿಆರ್ ಪಡೆದ ನಂತರ ದೆಹಲಿ ಪೊಲೀಸರು ತ್ವರಿತವಾಗಿ ಕಾರ್ಯನಿರ್ವಹಿಸಿದರು. ದೂರನ್ನು ಸ್ವೀಕರಿಸಿದ ನಂತರ, ಶಕರ್‌ಪುರ ಪೊಲೀಸ್ ಠಾಣೆಯ 20 ಪೊಲೀಸ್ ಸಿಬ್ಬಂದಿಯ ತಂಡವು ತನಿಖೆಯನ್ನು ಪ್ರಾರಂಭಿಸಿತು. ಪೊಲೀಸ್ ತಂಡಗಳು ಸುತ್ತಮುತ್ತಲಿನ ಸುಮಾರು 50 ಕ್ಯಾಮೆರಾಗಳಿಂದ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿ ಆರೋಪಿಗಳನ್ನು ಯಶಸ್ವಿಯಾಗಿ ಪತ್ತೆಹಚ್ಚಿದ್ದಾರೆ.

ಮೂವರು ಆರೋಪಿಗಳನ್ನು 20 ವರ್ಷ ವಯಸ್ಸಿನ ದೇವಶಿಶ್ ವರ್ಮಾ, 21 ವರ್ಷ ವಯಸ್ಸಿನ ಸುರ್ಜೀತ್ ಮತ್ತು 20 ವರ್ಷದ ಆರ್ಯನ್ ಅಲಿಯಾಸ್ ಗೋಲು ಎಂದು ಗುರುತಿಸಲಾಗಿದ್ದು, ಇನ್ನಿಬ್ಬರು ಆರೋಪಿಗಳನ್ನು ಇನ್ನೂ ಪತ್ತೆ ಹಚ್ಚಬೇಕಿದೆ. ಸಂತ್ರಸ್ತರಿಬ್ಬರೂ ರಾಮ್ ಲೀಲಾವನ್ನು ನೋಡಲು ಹೋದಾಗ ಈ ಅಪರಾಧ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಸಂತ್ರಸ್ತರೊಬ್ಬರ ಪರಿಚಯದ ಆರೋಪಿಯೊಬ್ಬ ತನ್ನ ಇತರ ಸ್ನೇಹಿತರೊಂದಿಗೆ ಆಗಮಿಸಿದ್ದ. ಬಲಿಪಶುಗಳಿಬ್ಬರೂ ಸಲಿಂಗ ದಂಪತಿಗಳು ಎಂದು ತಿಳಿದ ನಂತರ, ಆರೋಪಿಗಳು ಸಂತ್ರಸ್ತರ ಮೇಲೆ ಲೈಂಗಿಕ ದೌರ್ಜನ್ಯ ನಡೆಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮತ್ತಷ್ಟು ಓದಿ: ಸುಪ್ರೀಂಕೋರ್ಟ್​ ಎದುರು ಪ್ರಪೋಸ್ ಮಾಡಿ, ಉಂಗುರ ಬದಲಿಸಿಕೊಂಡು ಗಮನ ಸೆಳೆದ ಸಲಿಂಗಿ ವಕೀಲರು

ಐವರು ಆರೋಪಿಗಳ ವಿರುದ್ಧ ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 323 (ನೋವು ಉಂಟುಮಾಡುವುದು), 377 (ಅಸ್ವಾಭಾವಿಕ ಅಪರಾಧಗಳು) ಮತ್ತು 34 (ಸಾಮಾನ್ಯ ಉದ್ದೇಶ) ಅಡಿಯಲ್ಲಿ ಪ್ರಕರಣವನ್ನು ದಾಖಲಿಸಲಾಗಿದೆ.

ಕ್ರೈಂ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ