Assembly Elections: ಇಂದು ಮಧ್ಯಪ್ರದೇಶ ಹಾಗೂ ಛತ್ತೀಸ್​ಗಢ ಚುನಾವಣೆ: 3,500 ಅಭ್ಯರ್ಥಿಗಳ ಭವಿಷ್ಯ ನಿರ್ಧಾರ

ಮಧ್ಯಪ್ರದೇಶ(Madhya Pradesh) ಮತ್ತು ಛತ್ತೀಸ್‌ಗಢ(Chhattisgarh) ವಿಧಾನಸಭೆ ಚುನಾವಣೆಗೆ ಮತದಾನ ಆರಂಭವಾಗಿದೆ. ಮಧ್ಯಪ್ರದೇಶದ ಎಲ್ಲಾ 230 ಸ್ಥಾನಗಳಿಗೆ ಒಂದೇ ಹಂತದಲ್ಲಿ ಮತದಾನ ನಡೆಯಲಿದೆ. 252 ಮಹಿಳೆಯರು ಸೇರಿದಂತೆ ಒಟ್ಟು 2,533 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ. ಛತ್ತೀಸ್‌ಗಢದಲ್ಲಿ ಎರಡನೇ ಮತ್ತು ಕೊನೆಯ ಹಂತದಲ್ಲಿ 70 ಸ್ಥಾನಗಳಿಗೂ ಮತದಾನ ನಡೆಯಲಿದೆ. ನವೆಂಬರ್ 7 ರಂದು 20 ಸ್ಥಾನಗಳಿಗೆ ಮತದಾನ ನಡೆದಿದೆ. ರಾಜ್ಯದ 70 ಸ್ಥಾನಗಳಲ್ಲಿ 958 ಅಭ್ಯರ್ಥಿಗಳು ತಮ್ಮ ಅದೃಷ್ಟ ಪರೀಕ್ಷೆಗೆ ಮುಂದಾಗಿದ್ದಾರೆ.

ಮಧ್ಯಪ್ರದೇಶ ಚುನಾವಣೆಯ ಸ್ಥಿತಿ ಹೇಗಿದೆ?
ಮಧ್ಯಪ್ರದೇಶ ವಿಧಾನಸಭಾ ಚುನಾವಣೆಯ ಪ್ರಚಾರಕ್ಕೆ ಬಿಜೆಪಿ ಮತ್ತು ಕಾಂಗ್ರೆಸ್ ಸಂಪೂರ್ಣ ಒತ್ತು ನೀಡಿದೆ. ಆದರೆ ಪ್ರಚಾರದಲ್ಲಿ ಬಿಜೆಪಿ ಕಾಂಗ್ರೆಸ್​ಗಿಂತ ಮೇಲುಗೈ ಸಾಧಿಸಿದೆ. ಇದೀಗ ಶುಕ್ರವಾರ ನಡೆಯಲಿರುವ ಮತದಾನದಲ್ಲಿ ಮತದಾರರು ತಮ್ಮ ನಿರ್ಧಾರವನ್ನು ಇವಿಎಂಗಳಲ್ಲಿ ಮುದ್ರೆ ಹಾಕಲಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ಮತ್ತು ಕೇಂದ್ರ ಗೃಹ ಸಚಿವ ಅಮಿತ್ ಶಾ 36 ಸಭೆಗಳನ್ನು ನಡೆಸಿದ್ದು, ರಾಹುಲ್ ಮತ್ತು ಪ್ರಿಯಾಂಕಾ 21 ಸಭೆಗಳನ್ನು ನಡೆಸಿದ್ದಾರೆ.

ಸಿಎಂ ಶಿವರಾಜ್ ಸಿಂಗ್ ಚೌಹಾಣ್ ಅವರು ಗರಿಷ್ಠ 160 ಸಭೆಗಳನ್ನು ನಡೆಸಿದ್ದರೆ, ಕಮಲ್ ನಾಥ್ 114 ಸಭೆಗಳನ್ನು ನಡೆಸಿದ್ದಾರೆ.
ವರಾಜ್ ನಂತರ, ಜ್ಯೋತಿರಾದಿತ್ಯ ಸಿಂಧಿಯಾ ಬಿಜೆಪಿಯಿಂದ ಗರಿಷ್ಠ 80 ಸಭೆಗಳನ್ನು ನಡೆಸಿದರು. ಕಾಂಗ್ರೆಸ್ ಮಾಜಿ ಸಿಎಂ ದಿಗ್ವಿಜಯ್ ಸಿಂಗ್ ಸಾಕಷ್ಟು ಸಭೆಗಳನ್ನು ನಡೆಸಿದ್ದರು.

ಬಿಜೆಪಿಯ ಮೂವರು ದೊಡ್ಡ ನಾಯಕರು
ಪ್ರಧಾನಿ ನರೇಂದ್ರ ಮೋದಿ: 15 ಸಭೆಗಳು, 1 ರೋಡ್ ಶೋ, 71 ಸ್ಥಾನಗಳನ್ನು ಒಳಗೊಂಡಿದೆ.
ಗೃಹ ಸಚಿವ ಶಾ: 21 ಸಭೆಗಳು, ಎರಡು ರೋಡ್ ಶೋಗಳು, 71 ಸ್ಥಾನಗಳನ್ನು ಒಳಗೊಂಡಿದೆ.
ಬಿಜೆಪಿ ಅಧ್ಯಕ್ಷ ಜೆಪಿ ನಡ್ಡಾ: 14 ಸಭೆಗಳು, 43 ಸ್ಥಾನಗಳನ್ನು ಒಳಗೊಂಡಿದೆ.

ಮತ್ತಷ್ಟು ಓದಿ: Chhattisgarh BJP Manifesto: ಛತ್ತೀಸ್​ಗಢ ಚುನಾವಣೆಗೆ ಪ್ರಣಾಳಿಕೆ ಬಿಡುಗಡೆ ಮಾಡಿದ ಬಿಜೆಪಿ, ಭರವಸೆಗಳ ಬಗ್ಗೆ ಇಲ್ಲಿದೆ ಮಾಹಿತಿ

ಕಾಂಗ್ರೆಸ್ ನ ಮೂವರು ದೊಡ್ಡ ನಾಯಕರು
ರಾಹುಲ್ ಗಾಂಧಿ: 11 ಸಭೆಗಳು, ಎರಡು ರೋಡ್ ಶೋಗಳು 43 ಸ್ಥಾನಗಳನ್ನು ಒಳಗೊಂಡಿವೆ.
ಪ್ರಿಯಾಂಕಾ ಗಾಂಧಿ: 10 ಸಭೆಗಳು, ಒಂದು ರೋಡ್ ಶೋ, 50 ಸ್ಥಾನಗಳನ್ನು ಒಳಗೊಂಡಿದೆ.
ಮಲ್ಲಿಕಾರ್ಜುನ ಖರ್ಗೆ: 7 ಸಭೆಗಳು, 20 ಸ್ಥಾನಗಳನ್ನು ಒಳಗೊಂಡಿದೆ.

ಛತ್ತೀಸ್‌ಗಢದ ಎರಡನೇ ಹಂತದ ಪರಿಸ್ಥಿತಿ ಹೇಗಿದೆ?
ಛತ್ತೀಸ್‌ಗಢದ 70 ವಿಧಾನಸಭಾ ಸ್ಥಾನಗಳಿಗೆ ಚುನಾವಣೆ ನಡೆಯಲಿದೆ. ಗರಿಯಾಬಂದ್ ಜಿಲ್ಲೆಯ ಬಿಂದ್ರನ್‌ವಾಗರ್ ಕ್ಷೇತ್ರವನ್ನು ಹೊರತುಪಡಿಸಿ, ಉಳಿದೆಲ್ಲ ಸ್ಥಾನಗಳಿಗೆ ಬೆಳಿಗ್ಗೆ 8 ರಿಂದ ಸಂಜೆ 5 ರವರೆಗೆ ಚುನಾವಣೆ ನಡೆಯಲಿದೆ. ಈ ಬಾರಿ ಎರಡನೇ ಹಂತದ ಮತದಾನದಲ್ಲಿ 1.5 ಕೋಟಿಗೂ ಹೆಚ್ಚು ಮತದಾರರು ಮತದಾನ ಮಾಡಲಿದ್ದಾರೆ. ರಡನೇ ಹಂತದ ಚುನಾವಣೆಯಲ್ಲಿ 1 ತೃತೀಯಲಿಂಗಿ ಸೇರಿದಂತೆ 958 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ. 958 ಅಭ್ಯರ್ಥಿಗಳ ಪೈಕಿ ಪುರುಷರು ಮತ್ತು ಮಹಿಳೆಯರು ಮತ್ತು ಒಬ್ಬ ತೃತೀಯಲಿಂಗಿ ಅಭ್ಯರ್ಥಿಯೂ ಕಣದಲ್ಲಿದ್ದಾರೆ.

ನಕ್ಸಲ್ ಪೀಡಿತ ಬಿಂದ್ರನವಗಢ ವಿಧಾನಸಭಾ ಕ್ಷೇತ್ರದ 9 ಮತಗಟ್ಟೆಗಳಲ್ಲಿ ಮಾತ್ರ ಬೆಳಗ್ಗೆ 7ರಿಂದ ಮಧ್ಯಾಹ್ನ 3ರವರೆಗೆ ಮತದಾನ ನಡೆಯಲಿದೆ.
ಎರಡನೇ ಹಂತದಲ್ಲಿ ರಾಜ್ಯದ ಒಟ್ಟು 1 ಕೋಟಿ 63 ಲಕ್ಷ 14 ಸಾವಿರದ 479 ಮತದಾರರು ತಮ್ಮ ಹಕ್ಕು ಚಲಾಯಿಸಲಿದ್ದಾರೆ. ಈ ಪೈಕಿ ಪುರುಷ ಮತದಾರರ ಸಂಖ್ಯೆ 81 ಲಕ್ಷದ 41 ಸಾವಿರದ 624, ಮಹಿಳಾ ಮತದಾರರ ಸಂಖ್ಯೆ 81 ಲಕ್ಷದ 72 ಸಾವಿರದ 171 ಮತ್ತು 684 ತೃತೀಯಲಿಂಗಿ ಮತದಾರರು ಸೇರಿದ್ದಾರೆ. ಇದರಲ್ಲಿ 1 ತೃತೀಯಲಿಂಗಿ ಸೇರಿದಂತೆ 958 ಅಭ್ಯರ್ಥಿಗಳು ಕಣದಲ್ಲಿದ್ದು, ಅವರಲ್ಲಿ 827 ಪುರುಷರು, 130 ಮಹಿಳೆಯರು ಮತ್ತು 1 ತೃತೀಯಲಿಂಗಿ ಅಭ್ಯರ್ಥಿಗಳು.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ