ಬಾಕ್ಸ್‌ ಆಫೀಸ್‌ನಲ್ಲಿ ‘ಹನುಮಾನ್‌ ಅಂಶ್’ ಅಬ್ಬರ: 7ನೇ ಶನಿವಾರವೂ ದಾಖಲೆ

ಭಕ್ತಿಪ್ರಧಾನ ಕಥಾಹಂದರ ಇರುವ ‘ಹನುಮಾನ್‌ ಅಂಶ್’ ಚಿತ್ರವು ತನ್ನ ಅಭೂತಪೂರ್ವ ಪ್ರದರ್ಶನವನ್ನು ಮುಂದುವರಿಸಿದೆ. ಏಳನೇ ವಾರದಲ್ಲೂ ಅದ್ಭುತ ಕಲೆಕ್ಷನ್ ಮಾಡುತ್ತಿರುವ ಈ ಸಿನಿಮಾ, ಏಳನೇ ಶನಿವಾರದಂದು ಭಾರತೀಯ ಬಾಕ್ಸ್ ಆಫೀಸ್‌ನಲ್ಲಿ ಬರೋಬ್ಬರಿ 9.50 ಕೋಟಿ ರೂಪಾಯಿ ನಿವ್ವಳ ಕಲೆಕ್ಷನ್ ಮಾಡುವ ಮೂಲಕ ಎಲ್ಲರನ್ನೂ ಹುಬ್ಬೇರಿಸುವಂತೆ ಮಾಡಿದೆ. ಶನಿವಾರದ (ಸೆಪ್ಟೆಂಬರ್ 19) ಈ ಭರ್ಜರಿ ಗಳಿಕೆಯೊಂದಿಗೆ ಚಿತ್ರವು ತನ್ನ ಬ್ಲಾಕ್‌ಬಸ್ಟರ್ ಸ್ಥಾನವನ್ನು ಮತ್ತಷ್ಟು ಬಲಪಡಿಸಿಕೊಂಡಿದೆ.

7ನೇ ಶುಕ್ರವಾರದಂದು ‘ಹನುಮಾನ್ ಅಂಶ್’ ಸಿನಿಮಾ ಸುಮಾರು 5 ಕೋಟಿ ರೂಪಾಯಿ ಗಳಿಸಿತ್ತು. ಅಲ್ಲಿಗೆ ಕೇವಲ ಎರಡೇ ದಿನಗಳಲ್ಲಿ 14.50 ಕೋಟಿ ರೂಪಾಯಿ ಬಾಚಿಕೊಂಡಂತಾಗಿದೆ. ಭಾರತದ ಭಾಕ್ಸ್ ಆಫೀಸ್​ನಲ್ಲಿ ಈ ಚಿತ್ರದ ಒಟ್ಟು ನಿವ್ವಳ ಗಳಿಕೆ 245.85 ಕೋಟಿ ರೂಪಾಯಿಗೆ ಬಂದು ತಲುಪಿದೆ. ಪ್ರೇಕ್ಷಕರಿಂದ ಸಿಗುತ್ತಿರುವ ನಿರಂತರ ಬೆಂಬಲವನ್ನು ನೋಡಿದರೆ, ಈ ಸಿನಿಮಾ ಶೀಘ್ರದಲ್ಲೇ ಒಟ್ಟು 300 ಕೋಟಿ ರೂಪಾಯಿ ನಿವ್ವಳ ಗಳಿಕೆಯ ಮೈಲಿಗಲ್ಲನ್ನು ದಾಟುವ ಎಲ್ಲಾ ಲಕ್ಷಣಗಳು ಗೋಚರಿಸುತ್ತಿವೆ.

ಹನುಮಾನ್ ಅಂಶ್ ಬಾಕ್ಸ್ ಆಫೀಸ್ ಕಲೆಕ್ಷನ್:

ಈ ಚಿತ್ರದ ಬಾಕ್ಸ್ ಆಫೀಸ್ ಪ್ರಯಾಣ ಅತ್ಯಂತ ರೋಚಕವಾಗಿದೆ. ಮೊದಲ ವಾರದಲ್ಲಿ ಕೇವಲ 90 ಲಕ್ಷ ರೂಪಾಯಿ ಗಳಿಸಿದ್ದ ಈ ಸಿನಿಮಾ, ಎರಡನೇ ವಾರದಲ್ಲಿ 45 ಲಕ್ಷ ರೂಪಾಯಿ ಕಲೆಕ್ಷನ್ ಮಾಡಿತ್ತು. ಆದರೆ, ಮೂರನೇ ವಾರದಿಂದ ಪ್ರೇಕ್ಷಕರ ಬಾಯಿ ಮಾತಿನ ಪ್ರಚಾರದಿಂದಾಗಿ ಗಳಿಕೆಯಲ್ಲಿ ಭಾರಿ ಜಿಗಿತ ಕಂಡಿತು. ಮೂರನೇ ವಾರದಲ್ಲಿ 10.25 ಕೋಟಿ ರೂಪಾಯಿ ಕಲೆಕ್ಟ್ ಮಾಡಿದರೆ, ನಾಲ್ಕನೇ ವಾರದಲ್ಲಿ ಬರೋಬ್ಬರಿ 58.25 ಕೋಟಿ ರೂಪಾಯಿ ಬಾಚಿಕೊಂಡಿತು.

ಐದನೇ ವಾರದಲ್ಲಿ ತನ್ನ ಸಾರ್ವಕಾಲಿಕ ಗರಿಷ್ಠ ಗಳಿಕೆಯಾದ 85 ಕೋಟಿ ರೂಪಾಯಿಯನ್ನು ಗಳಿಸಿ ದಾಖಲೆ ಬರೆಯಿತು. ಆ ನಂತರ ಆರನೇ ವಾರದಲ್ಲೂ ತನ್ನ ಅಬ್ಬರ ತಗ್ಗಿಸದೆ 76.50 ಕೋಟಿ ರೂಪಾಯಿ ಬಾಚಿಕೊಂಡಿತ್ತು. ಈಗ ಏಳನೇ ವಾರದ ಆರಂಭದಲ್ಲೇ ಶುಕ್ರವಾರ 5 ಕೋಟಿ ಹಾಗೂ ಶನಿವಾರ 9.50 ಕೋಟಿ ರೂಪಾಯಿ ಸೇರಿ ಒಟ್ಟು 245.85 ಕೋಟಿ ರೂಪಾಯಿಗಳನ್ನು ತನ್ನ ಬೊಕ್ಕಸಕ್ಕೆ ಹಾಕಿಕೊಂಡಿದೆ.

ಇದನ್ನೂ ಓದಿ: ಆಸ್ಕರ್ ರೇಸ್‌ನಿಂದ ‘ಹನುಮಾನ್ ಅಂಶ್’ ಹೊರಗೆ: ಅವಕಾಶ ತಪ್ಪಿದ್ದಕ್ಕೆ ಕಾರಣ ತಿಳಿಸಿದ ನಿರ್ಮಾಪಕಿ

ನೀಮ್ ಕರೋಲಿ ಬಾಬಾ ಜೀವನಚರಿತ್ರೆ:

ವಿಶಾಲ್ ಚತುರ್ವೇದಿ ನಿರ್ದೇಶನದ ‘ಹನುಮಾನ್‌ ಅಂಶ್’ ಚಿತ್ರವು ಪ್ರಸಿದ್ಧ ಸಂತ ನೀಮ್ ಕರೋಲಿ ಬಾಬಾರವರ ಜೀವನ ಆಧಾರಿತ ಬಯೋಪಿಕ್ ಸಿನಿಮಾವಾಗಿದೆ. ತಾಯಿಯ ಅಗಲಿಕೆಯಿಂದ ಕಂಗಾಲಾದ ಸಣ್ಣ ಬಾಲಕನೊಬ್ಬ ದೇವರನ್ನು ಹುಡುಕುತ್ತ ಹೊರಟು, ಕಾಲಕ್ರಮೇಣ ದೇಶವೇ ಪೂಜಿಸುವ ಪೂಜ್ಯ ಸಂತ ನೀಮ್ ಕರೋಲಿ ಬಾಬಾರಾಗಿ ಹೇಗೆ ಬದಲಾಗುತ್ತಾನೆ ಎಂಬುದನ್ನು ಚಿತ್ರದಲ್ಲಿ ಅತ್ಯಂತ ಭಾವನಾತ್ಮಕವಾಗಿ ತೋರಿಸಲಾಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.