Prabhas: ಹೇಗಿರಲಿದೆ ‘ಸಲಾರ್’ ಸಿನಿಮಾ ಇಂಟರ್ವಲ್ ದೃಶ್ಯ? ಪ್ರಭಾಸ್ ಅಭಿಮಾನಿಗಳಿಗೆ ಸಿಗಲಿದೆ ಭರ್ಜರಿ ಟ್ರೀಟ್
Salaar Movie:: ‘ಕೆಜಿಎಫ್ 2’ ಚಿತ್ರಕ್ಕೆ ಕೆಲಸ ಮಾಡಿದ ಬಹುತೇಕ ತಂತ್ರಜ್ಞರು ‘ಸಲಾರ್’ ಸಿನಿಮಾದ ತೆರೆ ಹಿಂದೆ ಶ್ರಮಿಸುತ್ತಿದ್ದಾರೆ. ಪ್ರತಿ ಹಂತದಲ್ಲೂ ಈ ಚಿತ್ರದ ಬಗ್ಗೆ ಇಂಟರೆಸ್ಟಿಂಗ್ ವಿಚಾರಗಳು ಕೇಳಿಬರುತ್ತಿವೆ.
ಮುಖ್ಯಾಂಶಗಳು
- ‘ಸಲಾರ್’ ಮೂಲಕ ಅವರು ಭರ್ಜರಿ ಯಶಸ್ಸು ಪಡೆಯುವ ನಿರೀಕ್ಷೆಯಲ್ಲಿದ್ದಾರೆ.
- ನಿರ್ದೇಶಕ ಪ್ರಶಾಂತ್ ನೀಲ್ ಅವರಿಗೂ ಇದು ಸವಾಲಿನ ಸಿನಿಮಾ.
- ಭರ್ಜರಿ ಸಾಹಸದೃಶ್ಯದ ನಂತರ ಇಂಟರ್ವಲ್ ನೀಡಲು ನಿರ್ಧರಿಸಿದ್ದಾರೆ ಎಂಬ ಮಾತು ಕೇಳಿಬಂದಿದೆ.
ನಟ ಪ್ರಭಾಸ್ (Prabhas) ಅವರು ಈಗ ‘ಆದಿಪುರುಷ್’ ಚಿತ್ರದ ಬಿಡುಗಡೆಗಾಗಿ ಕಾದಿದ್ದಾರೆ. ಅಲ್ಲದೇ, ‘ಪ್ರಾಜೆಕ್ಟ್ ಕೆ’, ‘ಸಲಾರ್’ ಮುಂತಾದ ಸಿನಿಮಾಗಳ ಕೆಲಸಗಳಲ್ಲೂ ಬ್ಯುಸಿ ಆಗಿದ್ದಾರೆ. ಇತ್ತೀಚಿನ ವರ್ಷಗಳಲ್ಲಿ ಪ್ರಭಾಸ್ ಅವರಿಗೆ ದೊಡ್ಡ ಗೆಲುವು ಸಿಕ್ಕಿಲ್ಲ. ‘ಸಲಾರ್’ ಮೂಲಕ ಅವರು ಭರ್ಜರಿ ಯಶಸ್ಸು ಪಡೆಯುವ ನಿರೀಕ್ಷೆಯಲ್ಲಿದ್ದಾರೆ. ನಿರ್ದೇಶಕ ಪ್ರಶಾಂತ್ ನೀಲ್ (Prashanth Neel) ಅವರಿಗೂ ಇದು ಸವಾಲಿನ ಸಿನಿಮಾ. ‘ಕೆಜಿಎಫ್: ಚಾಪ್ಟರ್ 2’ ಸಿನಿಮಾ ಮೂಲಕ ದೊಡ್ಡ ಮಟ್ಟದಲ್ಲಿ ಖ್ಯಾತಿ ಪಡೆದ ಅವರು ‘ಸಲಾರ್’ (Salaar) ಮೂಲಕ ಯಾವ ರೀತಿ ಮೋಡಿ ಮಾಡಲಿದ್ದಾರೆ ಎಂಬ ನಿರೀಕ್ಷೆ ಅಭಿಮಾನಿಗಳಿಗೆ ಇದೆ. ಈ ಚಿತ್ರದ ಇಂಟರ್ವಲ್ ದೃಶ್ಯದ ಬಗ್ಗೆ ಒಂದು ಗಾಸಿಪ್ ಕೇಳಿಬಂದಿದೆ. ಭರ್ಜರಿ ಸಾಹಸದೃಶ್ಯದ ನಂತರ ಇಂಟರ್ವಲ್ ನೀಡಲು ಪ್ರಶಾಂತ್ ನೀಲ್ ನಿರ್ಧರಿಸಿದ್ದಾರೆ ಎಂಬ ಮಾತು ಕೇಳಿಬಂದಿದೆ.
ಈ ವರ್ಷದ ಬಹುನಿರೀಕ್ಷಿತ ಸಿನಿಮಾಗಳ ಪಟ್ಟಿಯಲ್ಲಿ ಟಾಪ್ನಲ್ಲಿರುವುದು ಪ್ರಭಾಸ್ ನಟನೆಯ ಸಲಾರ್ ಸಿನಿಮಾ. ಕಳೆದ ಎರಡು ವರ್ಷದಿಂದಲೂ ಸಿನಿಮಾದ ಚಿತ್ರೀಕರಣ ನಡೆಯುತ್ತಿದ್ದು, ಪ್ರಶಾಂತ್ ನೀಲ್ ನೀಲ್ ಅವರು ಈ ಚಿತ್ರಕ್ಕಾಗಿ ಹೊಸ ಲೋಕವನ್ನೇ ಸೃಷ್ಟಿಸಿದ್ದಾರೆ. ಸಿನಿಮಾದ ಬಗ್ಗೆ ಈಗಾಗಲೇ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಕ್ರೇಜ್ ಶುರುವಾಗಿದೆ. ಸಿನಿಮಾದ ಚಿತ್ರೀಕರಣ ಮುಗಿಯುವ ಮುನ್ನವೇ ಭಾರಿ ಮೊತ್ತದ ಆಫರ್ಗಳು ಸಿನಿಮಾಕ್ಕಾಗಿ ಬರುತ್ತಿದ್ದು, ಈಗಾಗಲೇ ಆರ್ಆರ್ಆರ್ ಸಿನಿಮಾದ ಒಂದು ದಾಖಲೆಯನ್ನು ‘ಸಲಾರ್’ ಚಿತ್ರ ಮುರಿದಿದೆ.
ಇದನ್ನೂ ಓದಿ: Adipurush Movie: ಪ್ರಭಾಸ್ ಅಭಿಮಾನಿಗಳಿಗೆ ಬೇಸರದ ಸುದ್ದಿ; ‘ಆದಿಪುರುಷ್’ ವಿಚಾರದಲ್ಲಿ ನಿರ್ಧಾರ ಬದಲಿಸಿದ ನಿರ್ದೇಶಕ
ಸಲಾರ್ ಸಿನಿಮಾದ ಓವರ್ಸೀಸ್ ಬಿಡುಗಡೆ ಹಕ್ಕನ್ನು ಬರೋಬ್ಬರಿ 90 ಕೋಟಿಗೆ ಮಾರಾಟ ಮಾಡಲಾಗಿದೆಯಂತೆ. ದಕ್ಷಿಣ ಭಾರತದ ಇನ್ಯಾವುದೇ ಸಿನಿಮಾದ ವಿದೇಶಿ ಬಿಡುಗಡೆ ಹಕ್ಕು ಇಷ್ಟು ದೊಡ್ಡ ಮೊತ್ತಕ್ಕೆ ಮಾರಾಟವಾಗಿಲ್ಲ. ವಿದೇಶದಲ್ಲಿ ಮೋಡಿ ಮಾಡಿದ ಇತ್ತೀಚೆಗಿನ ತೆಲುಗು ಸಿನಿಮಾ ಆರ್ಆರ್ಆರ್ನ ವಿದೇಶಿ ಬಿಡುಗಡೆ ಹಕ್ಕು ಸಹ ಇಷ್ಟು ದೊಡ್ಡ ಮೊತ್ತಕ್ಕೆ ಮಾರಾಟವಾಗಿಲ್ಲ. ಆರ್ಆರ್ಆರ್ ಸಿನಿಮಾದ ಓವರ್ಸೀಸ್ ಹಕ್ಕು ಮಾರಾಟವಾಗಿದ್ದು 70 ಕೋಟಿ ರುಪಾಯಿಗೆ. ಇದು ಈವರೆಗಿನ ದೊಡ್ಡ ಮೊತ್ತವಾಗಿತ್ತು. ಆದರೆ ಸಲಾರ್ ಸಿನಿಮಾದ ಓವರ್ಸೀಸ್ ಹಕ್ಕು 90 ಕೋಟಿಗೆ ಮಾರಾಟವಾಗಿದೆ ಎಂದು ಇತ್ತೀಚೆಗೆ ಮಾಹಿತಿ ಕೇಳಿಬಂದಿತ್ತು.
ಇದನ್ನೂ ಓದಿ: Prabhas: ‘ಸೀತಾ ರಾಮಂ’ ಡೈರೆಕ್ಟರ್ ಜೊತೆ ಪ್ರಭಾಸ್ ಹೊಸ ಚಿತ್ರ? ವೃತ್ತಿಬದುಕಿನ ಸ್ಪೀಡ್ ಹೆಚ್ಚಿಸಿದ ಸ್ಟಾರ್ ನಟ
ಸಲಾರ್ನಲ್ಲಿ ಶ್ರುತಿ ಹಾಸನ್ ನಾಯಕಿಯಾಗಿ ನಟಿಸಿದ್ದು ಕನ್ನಡದ ಕೆಲವು ನಟರು ಸಹ ಪ್ರಭಾಸ್ ಜೊತೆ ನಟಿಸಿದ್ದಾರೆ. ಸಿನಿಮಾವು ಇದೇ ವರ್ಷ ಸೆಪ್ಟೆಂಬರ್ ತಿಂಗಳಲ್ಲಿ ಬಿಡುಗಡೆ ಆಗಲಿದೆ. ‘ಕೆಜಿಎಫ್ 2’ ಚಿತ್ರಕ್ಕೆ ಕೆಲಸ ಮಾಡಿದ ಬಹುತೇಕ ತಂತ್ರಜ್ಞರು ‘ಸಲಾರ್’ ಸಿನಿಮಾದ ತೆರೆ ಹಿಂದೆ ಶ್ರಮಿಸುತ್ತಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.