‘ದಿಂಬಿನಿಂದ ಒಂದು ಹುಡುಗಿಗೆ ಅಲ್ಲಿ ಹೊಡಿತೀರಲ್ಲ’; ಧನರಾಜ್ ವಿರುದ್ಧ ಮೋಕ್ಷಿತಾ ರೆಬೆಲ್

‘ಬಿಗ್ ಬಾಸ್ ಕನ್ನಡ ಸೀಸನ್ 11’ರಲ್ಲಿ ಮೋಕ್ಷಿತಾ ಪೈ ಅವರು ಆರಂಭದಲ್ಲಿ ಸೈಲೆಂಟ್ ಆಗಿ ಇದ್ದರು. ಆ ಬಳಿಕ ಅವರು ರೆಬೆಲ್ ಆದರು. ಈಗ ಮೋಕ್ಷಿತಾ ಬಿಗ್ ಬಾಸ್ ಮನೆಯಲ್ಲಿ ಧನರಾಜ್ ವಿರುದ್ಧ ಸಿಡಿದೆದ್ದಿದ್ದಾರೆ. ಅವರಿಗೆ ಬಾಯಿಗೆ ಬಂದಂತೆ ಬೈದಿದ್ದಾರೆ. ಕೆಲವೇ ಕೆಲವು ವ್ಯಕ್ತಿಗಳನ್ನು ಧನರಾಜ್ ನಾಮಿನೇಟ್ ಮಾಡುತ್ತಾರೆ ಎಂದು ಮೋಕ್ಷಿತಾ ಹಾಗೂ ಅನುಷಾ ರೈ ಹೇಳಿದ್ದಾರೆ. ಆ ಬಳಿಕ ಮಾತಿನ ಯುದ್ಧವೇ ನಡೆದಿದೆ.

ಕ್ಯಾಪ್ಟನ್ಸಿ ಟಾಸ್ಕ್​ನಿಂದ ಕೆಲವರನ್ನು ಹೊರಕ್ಕೆ ಇಡಲು ಟಾಸ್ಕ್ ಒಂದನ್ನು ನೀಡಲಾಗಿತ್ತು. ಈ ಟಾಸ್ಕ್​ನಲ್ಲಿ ಮೋಕ್ಷಿತಾ ಹೆಸರನ್ನು ಧನರಾಜ್ ಅವರು ತೆಗೆದುಕೊಂಡರು. ಇದರಿಂದ ಮೋಕ್ಷಿತಾ ಸಿಟ್ಟಾದರು. ಅಷ್ಟೇ ಅಲ್ಲ ಧನರಾಜ್ ವಿರುದ್ಧ ಏನೆಲ್ಲ ಕೋಪ ಇತ್ತೋ ಅದನ್ನು ತೀರಿಸಿಕೊಂಡರು. ‘ನೀವು ಕ್ಯಾಪ್ಟನ್ ಆಗಲು ಅರ್ಹರೇ ಅಲ್ಲ’ ಎಂದು ಮೋಕ್ಷಿತಾ ಹೇಳಿದರು.

ಧನರಾಜ್ ಅವರು ಸೈಲೆಂಟ್ ಆಗಿ ಇರುತ್ತಾರೆ, ಕೆಲವೇ ಕೆಲವರನ್ನು ನಾಮಿನೇಟ್ ಮಾಡುತ್ತಾರೆ ಎಂಬಿತ್ಯಾದಿ ವಿಚಾರಗಳನ್ನು ತೆಗೆದುಕೊಂಡರು ಮೋಕ್ಷಿತಾ. ಅಷ್ಟೇ ಅಲ್ಲ ಅವರ ಮಾತಲ್ಲಿ ಯಾವುದೇ ತೂಕ ಇರಲ್ಲ ಎಂಬುದನ್ನು ಸ್ಪಷ್ಟವಾಗಿ ಹೇಳಿದರು. ಈ ಮೊದಲು ನಡೆದ ಘಟನೆಯನ್ನು ಹಿಡಿದು ಮೋಕ್ಷಿತಾ ಅವರು ಧನರಾಜ್​ಗೆ ಕ್ಲಾಸ್ ತೆಗೆದುಕೊಂಡರು.

ಧನರಾಜ್ ಅವರು ಈ ಮೊದಲು ಗೌತಮಿ ಹಿಂಭಾಗಕ್ಕೆ ದಿಂಬಿನಿಂದ ಹೊಡೆದಿದ್ದರು. ಇದಕ್ಕೆ ಗೌತಮಿ ಸಿಟ್ಟಾಗಿದ್ದರು. ಈ ವಿಚಾರವನ್ನು ಮೋಕ್ಷಿತಾ ಎತ್ತಿದ್ದಾರೆ. ‘ಒಂದು ಹೆಣ್ಣು ಮಲಗಿರುವಾಗ ದಿಂಬು ತೆಗೆದುಕೊಂಡು ಅಲ್ಲಿಗೆ ಹೊಡತೀರಲ್ಲ, ನಾಚಿಕೆ ಆಗಲ್ವ. ನಿಮ್ಮಂಥವರು ಹೇಗೆ ಕ್ಯಾಪ್ಟನ್ ಆಗ್ತೀರಿ’ ಎಂದು ಮೋಕ್ಷಿತಾ ಸಿಟ್ಟಲ್ಲೇ ಕೇಳಿದರು.

ಇದನ್ನೂ ಓದಿ: ‘ತಲೆಯಲ್ಲಿ ಸೆನ್ಸ್ ಇದೆಯಾ?’; ಮೋಕ್ಷಿತಾ ಪ್ರಶ್ನೆಗೆ ನಡುಗಿ ಕಣ್ಣೀರು ಹಾಕಿದ ಧನರಾಜ್

ಧರ್ಮ ಕೀರ್ತಿರಾಜ್, ಭವ್ಯಾ, ಚೈತ್ರಾ ಕುಂದಾಪುರ, ತ್ರಿವಿಕ್ರಮ್, ಮೋಕ್ಷಿತಾ ಪೈ, ಗೋಲ್ಡ್ ಸುರೇಶ್ ಹಾಗೂ ಧನರಾಜ್ ಅವರು ಈ ವಾರ ನಾಮಿನೇಟ್​ ಆಗಿದ್ದಾರೆ. ಧನರಾಜ್ ಅವರು ಈ ವಾರ ನಾಮಿನೇಟ್ ವೀಕ್ ಸ್ಪರ್ಧಿಗಳಲ್ಲಿ ಒಬ್ಬರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.