ಎಐ ವಿಡಿಯೋ ವಿಷಯದಲ್ಲಿ ವಿಚಿತ್ರ ಹೇಳಿಕೆ ಕೊಟ್ಟ ಆರ್ಜಿವಿ; ವ್ಯಕ್ತವಾಯ್ತು ಟೀಕೆ
ಎಐ ಡೀಪ್‌ಫೇಕ್ ವಿಡಿಯೋ ವಿವಾದದ ಬಗ್ಗೆ ರಾಮ್ ಗೋಪಾಲ್ ವರ್ಮಾ ನೀಡಿರುವ ಹೇಳಿಕೆ ಚರ್ಚೆಗೆ ಗ್ರಾಸವಾಗಿದೆ. ತಾರೆಯರ ಪ್ರತಿಕ್ರಿಯೆಯಿಂದ ವಿಡಿಯೋಗೆ ಹೆಚ್ಚು ಪ್ರಚಾರ ಸಿಗುತ್ತದೆ ಎಂಬುದು ಅವರ ವಾದ. ಆದರೆ, ಸೆಲೆಬ್ರಿಟಿಗಳ ಎಚ್ಚರಿಕೆ ಪೋಸ್ಟ್‌ಗಳು ಇಂತಹ ವಿಡಿಯೋ ಹಂಚಿಕೆಯಾಗುವುದನ್ನು ತಡೆಯಲು ನೆರವಾಗುತ್ತವೆ ಎಂದು ಅಭಿಮಾನಿಗಳು ಹೇಳಿದ್ದಾರೆ.
ಮುಖ್ಯಾಂಶಗಳು
- ಎನ್‌ಟಿಆರ್-ಜಾನ್ವಿ ಡೀಪ್‌ಫೇಕ್ ವಿಡಿಯೋ
- ತಾರೆಯರ ನಡೆಗೆ ಆರ್ಜಿವಿ ಆಕ್ಷೇಪ
- ಕಾನೂನು ಕ್ರಮ ತಡವಾದಾಗ ಸೆಲೆಬ್ರಿಟಿಗಳ ಜಾಗೃತಿಯೇ ಅಸ್ತ್ರ
ಚಿತ್ರನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಯಾವುದೇ ವಿವಾದಗಳಿಗೂ ಮುಕ್ತವಾಗಿ ಪ್ರತಿಕ್ರಿಯಿಸಲು ಹೆಸರುವಾಸಿ. ಇತ್ತೀಚೆಗೆ ಅವರು ಎಐ ನಿರ್ಮಿತ ಡೀಪ್‌ಫೇಕ್ ವಿಡಿಯೋಗಳ ಬಗ್ಗೆ ಮಾಡಿದ ಹೇಳಿಕೆ ದೊಡ್ಡ ಚರ್ಚೆಗೆ ಗ್ರಾಸವಾಗಿದೆ. ತಾರೆಯರು ಪ್ರತಿಕ್ರಿಯಿಸುವುದರಿಂದ ವಿಡಿಯೋಗೆ ಹೆಚ್ಚು ಪ್ರಚಾರ ಸಿಗುತ್ತದೆ ಎಂಬುದು ಅವರ ವಾದ. ಆದರೆ ಈ ವಿಷಯದಲ್ಲಿ ಮತ್ತೊಂದು ಪ್ರಮುಖ ಆಯಾಮವನ್ನು ನಿರ್ಲಕ್ಷಿಸಲಾಗಿದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.
ಎನ್‌ಟಿಆರ್ ಮತ್ತು ಜಾನ್ವಿ ಕಪೂರ್ ಅವರ ಡೀಪ್‌ಫೇಕ್ ವಿಡಿಯೋ ಬಗ್ಗೆ ಸಿನಿತಾರೆಯರು ದನಿ ಎತ್ತಿದ್ದರು. ಇದನ್ನು ಆರ್ಜಿವಿ ಖಂಡಿಸಿ, ತಪ್ಪಿತಸ್ಥರನ್ನು ಹಿಡಿಯುವ ಬದಲು ಪೋಸ್ಟ್ ಹಾಕುವುದು ವಿಡಿಯೋ ವೈರಲ್ ಮಾಡಲು ನೆರವಾಗುತ್ತದೆ ಎಂದಿದ್ದಾರೆ. ಅವರ ಮಾತಿನಲ್ಲಿ ಕೆಲ ಸತ್ಯಾಂಶವಿದ್ದರೂ, ತಾರೆಯರ ಎಚ್ಚರಿಕೆ ಲಕ್ಷಾಂತರ ಅಭಿಮಾನಿಗಳಿಗೆ ಜಾಗೃತಿ ಮೂಡಿಸುತ್ತದೆ. ಇದನ್ನು ನಾವು ಕಡೆಗಣಿಸಲು ಸಾಧ್ಯವಿಲ್ಲ.
ಕಾನೂನು ಪ್ರಕ್ರಿಯೆಗಳ ಮೂಲಕ ನ್ಯಾಯ ಸಿಗುವುದು ಯಾವಾಗಲೂ ತಡವಾಗುತ್ತದೆ. ಪ್ರಭಾವಿ ರಾಜಕಾರಣಿಗಳ ಪ್ರಕರಣಗಳಲ್ಲೂ ಆರೋಪಿಗಳನ್ನು ಬಂಧಿಸಲು ದಿನಗಟ್ಟಲೆ ಸಮಯ ಬೇಕಾಗುತ್ತದೆ. ಈ ಮಧ್ಯೆ ವಿಡಿಯೋ ಹಂಚಿಕೆಯಾಗಿ ಆಗಬೇಕಾದ ಹಾನಿ ಈಗಾಗಲೇ ನಡೆದಿರುತ್ತದೆ. ಆದ್ದರಿಂದ ಆ ಸಮಯದಲ್ಲಿ ಸಿನಿತಾರೆಯರ ತಕ್ಷಣದ ಪ್ರತಿಕ್ರಿಯೆ ಬಹಳ ಮುಖ್ಯವಾಗುತ್ತದೆ.
The only thing all the celebrities succeeded in , is to publicise and thereby make crores and crores of people see the objectionable link ..The smart thing would have been to concentrate on catching the perpetrator and publicise that ..Instead what they did is to tweet and bring enormous attention to the victim’s identity and the offensive content which is also a crime
— Ram Gopal Varma (@RGVzoomin) October 4, 2026
ಸಿನಿತಾರೆಯರು ಇಂತಹ ವಿಡಿಯೋಗಳನ್ನು ಹಂಚಿಕೊಳ್ಳಬೇಡಿ ಎಂದು ಮನವಿ ಮಾಡಿದಾಗ ಜನ ಜಾಗೃತರಾಗುತ್ತಾರೆ. ಉದಾಹರಣೆಗೆ ಎನ್‌ಟಿಆರ್ ಎಚ್ಚರಿಕೆ ನೀಡಿದ ತಕ್ಷಣ ಅನೇಕರು ಆ ವಿಡಿಯೋ ಲಿಂಕ್‌ಗಳನ್ನು ಹಂಚಿಕೊಳ್ಳುವುದನ್ನು ನಿಲ್ಲಿಸಿದರು. ಪ್ರಭಾವಿ ವ್ಯಕ್ತಿಗಳು ನೀಡುವ ಎಚ್ಚರಿಕೆ ವಿಡಿಯೋ ಪರಸರಣವನ್ನು ತಡೆಯಲು ಒಂದಿಷ್ಟು ಸಹಾಯ ಮಾಡುತ್ತದೆ.
ಇದನ್ನೂ ಓದಿ: ‘ಧುರಂಧರ್’ ಹೊಗಳುವ ನೆಪದಲ್ಲಿ ‘ಟಾಕ್ಸಿಕ್’ ತೆಗಳಿದ್ರಾ ರಾಮ್ ಗೋಪಾಲ್ ವರ್ಮಾ?
ಒಟ್ಟಾರೆಯಾಗಿ ಹೇಳುವುದಾದರೆ ಅಸಭ್ಯ ವಿಷಯಗಳಿಗೆ ಅನಗತ್ಯ ಪ್ರಚಾರ ಸಿಗಬಾರದು ಎಂಬ ವರ್ಮಾ ಕಾಳಜಿ ಸರಿ. ಆದರೆ ತಾರೆಯರು ಧ್ವನಿ ಎತ್ತುವುದರಿಂದ ಕಾನೂನು ಕ್ರಮ ಕೈಗೊಳ್ಳುವವರೆಗೆ ಆಗುವ ಹಾನಿಯನ್ನು ತಡೆಯಬಹುದು. ತಪ್ಪಿತಸ್ಥರನ್ನು ಹಿಡಿಯುವುದು ಮತ್ತು ಹಾನಿಯನ್ನು ತಡೆಯುವುದು ಎರಡೂ ಮುಖ್ಯ. ಆದ್ದರಿಂದ ಈ ಎರಡೂ ದೃಷ್ಟಿಕೋನಗಳು ತಮ್ಮದೇ ಆದ ಪ್ರಾಮುಖ್ಯತೆಯನ್ನು ಹೊಂದಿವೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.