ತಮಿಳು ನಟ ಅಜಿತ್ ಸಿನಿಮಾ ಸೆಟ್​ನಲ್ಲಿ ಮೊಬೈಲ್​ ಫೋನ್​ ಬ್ಯಾನ್

ತಮಿಳು ನಟ ಅಜಿತ್​ ಸದ್ಯ ವಲಿಮೈ ಸಿನಿಮಾದ ಶೂಟಿಂಗ್​ನಲ್ಲಿ ನಿರತರಾಗಿದ್ದಾರೆ. ಹೈದ್ರಾಬಾದ್​ನ ರಾಮೋಜಿ ರಾವ್​ ಫಿಲ್ಮ್​ ಸಿಟಿಯಲ್ಲಿ ಶೂಟಿಂಗ್ ನಡೆಯುತ್ತಿದೆ. ಆದ್ರೆ ಅಜಿತ್​ ಲುಕ್​ ರಿವೀಲ್​ ಆಗದಂತೆ ಮುನ್ನೆಚ್ಚರಿಕೆ ತೆಗೆದುಕೊಳ್ಳಲಾಗಿದೆ. ಸಿನಿಮಾ ಸೆಟ್​ನಲ್ಲಿ ಮೊಬೈಲ್​ ಫೋನ್​ ನಿಷೇಧಿಸಲಾಗಿದೆ.

ತಿರುಪತಿ ಬೆಟ್ಟ ಹತ್ತಿದ ಸಮಂತಾ:
ನಾಗಾರ್ಜು ಕುಟುಂಬದ ಸೊಸೆ ಸಂಮಂತಾ ಭಗವಂತನ ಮೊರೆ ಹೋಗಿದ್ದಾರೆ. ತಿರುಪತಿ ತಿಮ್ಮಪ್ಪನ್ನ ದರ್ಶನ ಪಡೆದಿದ್ದಾರೆ. 3500 ಮೆಟ್ಟಿಲುಗಳನ್ನ ಹತ್ತಿ ದೇವರ ದರ್ಶನ ಪಡೆದು ಪುನೀತರಾಗಿದ್ದಾರೆ. ಸಮಂತಾ ತಮ್ಮ ಸ್ನೇಹಿತೆ ನಟಿ ರಮ್ಯಾ ಜೊತೆಗೆ ತಿರುಪತಿ ಬೆಟ್ಟ ಏರಿದ್ದಾರೆ.

ಪ್ರಭಾಸ್​ಗಾಗಿ ಹೊಸ ಸೆಟ್​:
ನಟ ಪ್ರಭಾಸ್​ ಸಾಹೋ ಸಿನಿಮಾದ ನಂತ್ರ ಜಾನ್​ ಚಿತ್ರದಲ್ಲಿ ಬ್ಯುಸಿ ಆಗಿದ್ದಾರೆ. ಸಿನಿಮಾ ಶೂಟಿಂಗ್​ ಶುರುಮಾಡಿರೋ ಸಿನಿಮಾ ತಂಡ ಹೊಸದೊಂದು ಸೆಟ್​ ನಿರ್ಮಿಸೋಕೆ ಮುಂದಾಗಿದೆ. ಪ್ರೈವೇಟ್​ ಜಾಗವನ್ನ 3ತಿಂಗಳಿಗೆ ಲೀಸ್​ ಹಾಡಿಕೊಂಡು 2ಕೋಟಿ ಬಜೆಟ್​ನ ಸೆಟ್​ ನಿರ್ಮಾಣ ಮಾಡಲು ಮುಂದಾಗಿದೆ.

ವರುಣ್​ ಧವನ್​ ಮದುವೆ ನಿಗಧಿ:
ಬಾಲಿವುಡ್​ ನಟ ವರುಣ್ ಧವನ್​ ಮತ್ತು ನತಾಶಾ ಪ್ರೇಮ್​ ಕಹಾನಿ ಮದುವೆ ಹಂತ ತಲುಪಿದೆ. ಈಗಾಗ್ಳೇ ಎಂಗೇಜ್​ ಆಗಿರೋ ಈ ಜೋಡಿ ಮುಂದಿನ ವರ್ಷ ದಾಂಪತ್ಯ ಜೀವನಕ್ಕೆ ಕಾಲಿಡಲಿದೆ. 2020 ಏಪ್ರಿಲ್​ ನಲ್ಲಿ ಹಸೆಮಣೆ ಏರಲಿದೆ ವರುಣ್​-ನತಾಶಾ ಜೋಡಿ.