ಧನುಶ್ ವಿರುದ್ಧ ಹೇಳಿಕೆ, ನಯನತಾರಾ ಬೆಂಬಲಕ್ಕೆ ನಿಂತ ಕನ್ನಡದ ನಟಿಯರು

ತಮಿಳು ಚಿತ್ರರಂಗದ ಸೂಪರ್ ಸ್ಟಾರ್ ನಟ ಧನುಶ್ ವಿರುದ್ಧ ನಯನತಾರಾ ಸಮರ ಸಾರಿದ್ದಾರೆ. ಧನುಶ್ ನಿರ್ಮಾಣದ ‘ನಾನುಂ ರೌಡಿ ದಾ’ ಸಿನಿಮಾದ ಚಿತ್ರೀಕರಣದ ಮೂರು ಸೆಕೆಂಡ್ ವಿಡಿಯೋವನ್ನು ನಯನತಾರಾ ಅವರ ಡಾಕ್ಯುಮೆಂಟರಿಯಲ್ಲಿ ಬಳಸಿಕೊಂಡಿದ್ದು, ಅದಾಗಲೇ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ಆ ಮೂರು ಸೆಕೆಂಡ್ ವಿಡಿಯೋ ಬಳಸಿಕೊಂಡಿರುವುದಕ್ಕೆ ಧನುಶ್, ಬರೋಬ್ಬರಿ 10 ಕೋಟಿ ರೂಪಾಯಿ ಡಿಮ್ಯಾಂಡ್ ಮಾಡಿದ್ದಾರಂತೆ. ಇದರಿಂದ ಬೇಸರಗೊಂಡಿರುವ ನಟಿ ನಯನತಾರಾ, ಧನುಶ್​ ಅನ್ನು ನೀಚ ಎಂದು ಜರಿದು, ಧನುಶ್ ನಿಜ ರೂಪ ಎಂಥಹದ್ದು ಎಂದು ತೋರುವ ಸುದೀರ್ಘ ಪತ್ರವನ್ನು ಬರೆದಿದ್ದಾರೆ.

ಸ್ಟಾರ್ ನಟರೊಬ್ಬರ ವಿರುದ್ಧ ಹೀಗೆ ನಾಯಕಿಯೊಬ್ಬರು ನಿರ್ಭೀತಿಯಿಂದ ಅಭಿಪ್ರಾಯ ಹಂಚಿಕೊಂಡಿದ್ದು ಬಹುಷಃ ಇದೇ ಮೊದಲೇನೊ. ಲೇಡಿ ಸೂಪರ್ ಸ್ಟಾರ್ ನಯನತಾರಾ ಅವರ ಈ ದಿಟ್ಟತನದ ವರ್ತನೆಗೆ ಕನ್ನಡದ ನಟಿಯರು ಸೇರಿದಂತೆ ವಿವಿಧ ಚಿತ್ರರಂಗದ ನಟಿಯರು ಸಹ ಬೆಂಬಲ ನೀಡಿದ್ದಾರೆ. ವಿಶೇಷವೆಂದರೆ ಧನುಶ್ ಜೊತೆಗೆ ಅವರದ್ದೇ ನಿರ್ಮಾಣದ ಸಿನಿಮಾದಲ್ಲಿ ನಟಿಸಿರುವ ಮತ್ತೊಬ್ಬ ನಟಿ ಸಹ ನಯನತಾರಾಗೆ ಬೆಂಬಲ ನೀಡಿದ್ದು, ತೀವ್ರ ಆಶ್ಚರ್ಯ ಮೂಡಿಸಿದೆ.

ಕನ್ನಡದ ನಟಿ ಮೇಘನಾ ರಾಜ್ ಅವರು ನಯನತಾರಾಗೆ ಬೆಂಬಲ ಸೂಚಿಸಿದ್ದಾರೆ. ನಯನತಾರಾ ಅವರು ಹಂಚಿಕೊಂಡಿರುವ ಇನ್​ಸ್ಟಾಗ್ರಾಂ ಪೋಸ್ಟ್​ಗೆ ನಯನತಾರಾ ಲೈಕ್ ಒತ್ತುವ ಮೂಲಕ ಬೆಂಬಲ ನೀಡಿದ್ದಾರೆ. ಕನ್ನಡದ ಮತ್ತೊಬ್ಬ ನಟಿ ಮತ್ತು ನಿರೂಪಕಿಯೂ ಆಗಿರುವ ಅನುಶ್ರೀ ಅವರು ಸಹ ನಯನತಾರಾ ಅವರ ಪೋಸ್ಟ್​ಗೆ ಲೈಕ್ ಒತ್ತಿ ಬೆಂಬಲ ನೀಡಿದ್ದಾರೆ. ಕನ್ನಡದ ನಟಿ, ಮಾಜಿ ಬಿಗ್​ಬಾಸ್ ಸ್ಪರ್ಧಿ ಸಂಗೀತಾ ಶೃಂಗೇರಿ ಅವರ ಸಹೋದರ ಸಂತೋಷ್ ಸಹ ನಯನತಾರಾ ಪೋಸ್ಟ್​ಗೆ ಲೈಕ್ ಒತ್ತಿದ್ದಾರೆ.

ಇದನ್ನೂ ಓದಿ:ನೀಚ ಧನುಶ್​ ನಿಜ ಬಣ್ಣ ಬಯಲು ಮಾಡಿದ ನಯನತಾರಾ

ಧನುಶ್ ನಟನೆಯ ಬ್ಲಾಕ್ ಬಸ್ಟರ್ ಸಿನಮಾ ‘3’ ಸಿನಿಮಾನಲ್ಲಿ ನಟಿಸಿರುವ ಶ್ರುತಿ ಹಾಸನ್ ಸಹ ನಯನತಾರಾ ಪೋಸ್ಟ್​ಗೆ ಲೈಕ್ ಒತ್ತಿದ್ದಾರೆ. ಇದು ಹಲವರ ಆಶ್ಚರ್ಯಕ್ಕೆ ಕಾರಣವಾಗಿದೆ. ‘3’ ಸಿನಿಮಾ ಸಹ ಧನುಶ್ ನಿರ್ಮಾಣ ಮಾಡಿರುವ ಸಿನಿಮಾ. ವಿಶೇಷವೆಂದರೆ ಆ ಸಿನಿಮಾದ ಬಳಿಕ ಶ್ರುತಿ ಹಾಸನ್, ಮತ್ತೆಂದೂ ಧನುಶ್ ನಟನೆಯ ಸಿನಿಮಾದಲ್ಲಿ ನಟಿಸಿಲ್ಲ. ಬಹುಷಃ ನಯನತಾರಾ ರೀತಿಯಲ್ಲಿ, ಶ್ರುತಿಗೂ ಕೆಟ್ಟ ಅನುಭವ ಆಗಿರುವ ಕಾರಣಕ್ಕೆ ಅವರು ಲೈಕ್ ಒತ್ತಿರುವ ಸಾಧ್ಯತೆ ಇದೆ.

ಇನ್ನು ಮಲಯಾಳಂ, ತಮಿಳು ಇನ್ನಿತರೆ ಭಾಷೆಗಳ ಸಿನಿಮಾಗಳಲ್ಲಿ ನಟಿಸಿರುವ ಫಹಾದ್ ಫಾಸಿಲ್ ಪತ್ನಿ ನಾಜರಿಯಾ ಫಹಾದ್ ಸಹ ನಯನತಾರಾ ಪೋಸ್ಟ್​ಗೆ ಲೈಕ್ ಒತ್ತಿದ್ದಾರೆ. ನಾಜರಿಯಾ, ಧನುಶ್ ಜೊತೆಗೆ ನಟನೆ ಮಾಡಿಲ್ಲವಾದರೂ, ತಮಿಳು ಚಿತ್ರರಂಗದ ಜೊತೆಗೆ ಆಪ್ತ ಬಂಧ ಹೊಂದಿದ್ದಾರೆ. ವಿಶೇಷವೆಂದರೆ ಖ್ಯಾತ ನಟಿ ಕಾಜೊಲ್ ಅಗರ್ವಾಲ್ ಅವರ ಪತಿ ಗೌತಮ್ ಕಿಚಲು ಸಹ ನಯನತಾರಾ ಪೋಸ್ಟ್​ಗೆ ಲೈಕ್ ಒತ್ತಿದ್ದಾರೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ