ಬಿಗ್ ಬಾಸ್: ಯಶಸ್ ಪರ​​ ವಹಿಸಿಕೊಂಡು ಮಾತನಾಡಲು ಹೋಗಿ ಪೇಚಿಗೆ ಸಿಲುಕಿದ ಆಸಿಯಾ

ಬಿಗ್ ಬಾಸ್ ಮನೆಯಲ್ಲಿರುವ ಆಸಿಯಾ ಫಿರ್ದೋಸ್ ಅವರು ಆರಂಭದ ದಿನದಲ್ಲಿ ಉತ್ತಮ ರೀತಿಯಲ್ಲಿ ಆಟ ಆಡಿದ್ದರು. ಆದರೆ, ದಿನ ಕಳೆದಂತೆ ಅವರ ಆಟ ದಾರಿ ತಪ್ಪಿರುವುದು ಸ್ಪಷ್ಟವಾಗುತ್ತಿದೆ. ಯಶಸ್ ಗೌಡ ಜೊತೆ ಅವರಿಗೆ ಒಳ್ಳೆಯ ಬಾಂಡ್ ಬೆಳೆದಿದ್ದು, ಅವರ ಪರವಾಗಿ ಮಾತನಾಡಲು ತಮ್ಮ ಶ್ರಮವನ್ನು ಅವರು ವ್ಯರ್ಥ ಮಾಡುತ್ತಿರುವುದು ಸ್ಪಷ್ಟವಾಗಿದೆ. ಇದು ಚರ್ಚೆಗೆ ಕಾರಣ ಆಗಿದೆ.

ಆಸಿಯಾ ಫಿರ್ದೋಸ್ ಅವರು ಬಿಗ್ ಬಾಸ್ ಮನೆಯಲ್ಲಿ ಹಲವು ಪರಿಸ್ಥಿತಿಗಳಲ್ಲಿ ಕಣ್ಣೀರು ಹಾಕಿದ್ದಾರೆ. ಅವರು ಕೆಲವು ಕಠಿಣ ಸಮಯದಲ್ಲಿ ಕಣ್ಣೀರು ಹಾಕುತ್ತಾ ಕುಳಿತಿರುತ್ತಾರೆ. ಈಗ ಅವರು ಯಶಸ್ ಪರ ಮಾತನಾಡಿ ಪೇಚಿಗೆ ಸಿಲುಕಿದ್ದಾರೆ. ಆ ಬಳಿಕ ನಾಮಿನೇಟ್ ಆದ ವಿಷಯಕ್ಕೆ ಕಣ್ಣೀರು ಹಾಕಿದ್ದಾರೆ.

ಗಾನವಿ ಹಾಗೂ ಯಶಸ್ ಮಧ್ಯೆ ಕಿರಕ್ ಆಗಿದೆ. ಇದಕ್ಕೂ ಆಸಿಯಾಗೂ ಯಾವುದೇ ಸಂಬಂಧ ಇಲ್ಲ. ಆದಾಗ್ಯೂ ಇದನ್ನು ಸರಿ ಮಾಡುವ ಪ್ರಯತ್ನಕ್ಕೆ ಮುಂದಾಗಿದ್ದಾರೆ. ಇದರಿಂದ ಕಿರಿಕ್ ಆಗಿದೆ. ಆ ಬಳಿಕ ಯಶಸ್ ಹಾಗೂ ಗಾನವಿ ಕೂಗಾಡಿಕೊಂಡಿದ್ದಾರೆ. ಆ ಬಳಿಕ ಗಾನವಿ ಹಾಗೂ ಆಸಿಯಾ ಮಧ್ಯೆ ಇದೇ ವಿಷಯಕ್ಕೆ ಕಿರಿಕ್ ಆಗಿದೆ. ‘ನೀವು ಯಶಸ್​​ನ ಮೌತ್​ಪೀಸ್’ ಎಂದು ಗಾನವಿ ಅವರು ಆಸಿಯಾಗೆ ತಿರುಗೇಟು ಕೊಟ್ಟಿದ್ದಾರೆ.

ಈ ಕಿರಿಕ್ ಇಷ್ಟಕ್ಕೆ ನಿಂತಿಲ್ಲ. ನಾಮಿನೇಷನ್​ವರೆಗೂ ಹೋಗಿದೆ. ನಾಮಿನೇಷನ್ ವೇಳೆ ಗಾನವಿ ಅವರಿಗೆ ನಾಮಿನೇಷನ್ ಮಾಡುವ ಅವಕಾಶ ಸಿಕ್ಕಿತು. ಆಗ ಆಸಿಯಾ ಅವರನ್ನು ಗಾನವಿ ನಾಮಿನೇಟ್ ಮಾಡಿದರು. ಇದರಿಂದ ಸಿಟ್ಟಾದ ಆಸಿಯಾ ಒಂದೇ ಸಮನೆ ಕೂಗಲು ಆರಂಭಿಸಿದರು. ಕೊನೆಗೆ ಅದು ಕಣ್ಣೀರು ಹಾಕುವ ಹಂತಕ್ಕೂ ಹೋಯಿತು.

ಇದನ್ನೂ ಓದಿ: ಬಿಗ್ ಬಾಸ್ ಅಲ್ಲಿರೋ ಕುಮಾರಿ ವೇಸ್ಟ್; ನೇರವಾಗಿ ತೀರ್ಪು ನೀಡಿದ ಲಕ್ಷ್ಮಿ

ಆಸಿಯಾ ಅವರು ಆಟದ ಸ್ವರೂಪದಲ್ಲಿ ಬದಲಾವಣೆ ಮಾಡಿಕೊಳ್ಳಬೇಕಿದೆ. ಇಲ್ಲವಾದಲ್ಲಿ ಅವರು ಮುಂದಿನ ದಿನಗಳಲ್ಲಿ ಸಾಕಷ್ಟು ತೊಂದರೆ ಅನುಭವಿಸೋದು ಪಕ್ಕಾ ಎನ್ನುವ ಮಾತುಗಳು ಕೇಳಿ ಬರುತ್ತಾ ಇವೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.