Sleeping On Ground: ನೆಲದ ಮೇಲೆ ಮಲಗುವುದರಿಂದ ಎಷ್ಟೆಲ್ಲಾ ಪ್ರಯೋಜನಗಳಿವೆ ಗೊತ್ತಾ! ಇಲ್ಲಿದೆ ಮಾಹಿತಿ

ಹಿಂದಿನ ಕಾಲದಲ್ಲಿ ಜನರು ನೆಲದ (Ground) ಮೇಲೆ ಮಲಗುತ್ತಿದ್ದರು. ಇಂದಿನ ತರಹ ಮೃದು ಹಾಸಿಗೆಗಳು ಇರಲಿಲ್ಲ. ನೆಲದ ಮೇಲೆ ಮಲಗಿದರು (Sleeping) ಅವರ ಆರೋಗ್ಯದಲ್ಲಿ ಯಾವುದೇ ವ್ಯತ್ಯಾಸವಿಲ್ಲ ಕಾಣಿಸಲಿಲ್ಲ. ಆದರೆ, ಇತ್ತೀಚಿನ ದಿನಗಳಲ್ಲಿ ಜನರು ಮೃದು ಹಾಸಿಗೆಗಳನ್ನು ಬಳಸುತ್ತಾರೆ. ಮೃದುವಾದ ಹಾಸಿಗೆಗಳ ಮೇಲೆ ಆರಾಮವಾಗಿ ಮಲಗಲು ಇಷ್ಟ ಪಡುತ್ತಾರೆ. ಹಾಸಿಗೆ ಇಲ್ಲದಿದ್ದರೆ ನಿದ್ದೆಯೇ ಬಾರದ ಸ್ಥಿತಿಗೆ ತಲುಪಿದ್ದಾರೆ. ವಾಸ್ತವವಾಗಿ, ಹಾಸಿಗೆ ಇಲ್ಲದ ಮನೆ ಇಲ್ಲ ಎಂದು ಹೇಳೆದರೆ ಅತಿಶಯೋಕ್ತಿಯಲ್ಲ. ಆದರೆ, ಇಂದಿಗೂ ನೆಲದ ಮೇಲೆ ಚಾಪೆ ಹಾಸಿ ಮಲಗುವವರಿದ್ದಾರೆ. ಏಕೆಂದರೆ ಹಾಸಿಗೆಗಿಂತ ನೆಲದ ಮೇಲೆ ಮಲಗುವುದು ಆರೋಗ್ಯಕ್ಕೆ ಒಳ್ಳೆಯದು ಎಂದು ಅವರಿಗೆ ಗೊತ್ತು. ನೆಲದ ಮೇಲೆ ಮಲಗುವುದರಿಂದ ಹಲವಾರು ಆರೋಗ್ಯ ಪ್ರಯೋಜನಗಳಿವೆ. ಆ ಪ್ರಯೋಜನಗಳೇನು ಎಂಬುದನ್ನು ಈ ಲೇಖನದಲ್ಲಿ ತಿಳಿದುಕೊಳ್ಳೋಣ.

ಉತ್ತಮ ನಿದ್ದೆ:

ಕೆಲವೊಮ್ಮೆ ಮೃದುವಾದ ಹಾಸಿಗೆಯ ಮೇಲೆ ಮಲಗಿದರು ಸಹ ಚೆನ್ನಾಗಿ ನಿದ್ರೆ ಬರಲ್ಲ. ಆಗಾಗ ಎಚ್ಚರವಾಗಬಹುದು. ಅಂತಹ ಸಮಯದಲ್ಲಿ ನೆಲದ ಮೇಲೆ ಅಥವಾ ಚಾಪೆಯ ಮೇಲೆ ಮಲಗುವುದು ಉತ್ತಮ ಎಂದು ಆರೋಗ್ಯ ತಜ್ಞರು ಸಲಹೆ ನೀಡುತ್ತಾರೆ. ನೆಲದ ಮೇಲೆ ಮಲಗುವುದು ಮೊದಮೊದಲು ಸ್ವಲ್ಪ ಕಷ್ಟವಾದರೂ ಅಭ್ಯಾಸವಾದ ನಂತರ ಸುಖ ನಿದ್ರೆ ನಿಮ್ಮದಾಗುತ್ತದೆ. ಜೊತೆಗೆ ನೀವು ಆರೋಗ್ಯವಾಗಿ ಕೂಡ ಇರುತ್ತೀರಾ.

ಒತ್ತಡ ಮತ್ತು ಬೆನ್ನು ನೋವಿನಿಂದ ಪರಿಹಾರ:

ನೆಲದ ಮೇಲೆ ಮಲಗುವುದರಿಂದ ಒತ್ತಡ ಕಡಿಮೆಯಾಗುತ್ತದೆ. ಮಾನಸಿಕ ಆರೋಗ್ಯ ಸ್ಥಿತಿಯೂ ಉತ್ತಮವಾಗುತ್ತದೆ. ನೆಲದ ಮೇಲೆ ಮಲಗುವುದರಿಂದ ಮನುಷ್ಯನ ಮೈಕಟ್ಟು ಕೂಡ ಸುಧಾರಿಸುತ್ತದೆ. ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ನ್ಯೂರೋಲಾಜಿಕಲ್ ಡಿಸಾರ್ಡರ್ಸ್ ಅಂಡ್ ಸ್ಟ್ರೋಕ್ ಪ್ರಕಾರ, ಬೆನ್ನುನೋವಿನಿಂದ ಬಳಲುತ್ತಿರುವ ಜನರು ಬಿರುಸಾದ ಹಾಸಿಗೆಗಳ ಮೇಲೆ ಮಲಗಬೇಕು. ನೀವು ಬೆನ್ನು ನೋವಿನಿಂದ ಬಳಲುತ್ತಿದ್ದರೆ, ನೆಲದ ಮೇಲೆ ಮಲಗುವುದು ಉತ್ತಮ.

ಯಾರು ನೆಲದ ಮೇಲೆ ಮಲಗಬಾರದು:

ವಯಸ್ಸಾದವರು ನೆಲದ ಮೇಲೆ ಮಲಗಬಾರದು ಎಂದು ಆರೋಗ್ಯ ತಜ್ಞರು ಸಲಹೆ ನೀಡುತ್ತಾರೆ. ಅಲ್ಲದೆ ನಡೆಯಲು ತೊಂದರೆ, ಮೂಳೆಗಳಲ್ಲಿ ನೋವು, ತೀವ್ರ ಬೆನ್ನು ನೋವು, ಅಲರ್ಜಿಯಂತಹ ಯಾವುದೇ ವೈದ್ಯಕೀಯ ಸ್ಥಿತಿ ಇರುವವರು ನೆಲದ ಮೇಲೆ ಮಲಗಬಾರದು. ಗರ್ಭಾವಸ್ಥೆಯಲ್ಲಿ ನೆಲದ ಮೇಲೆ ಮಲಗಬಾರದು. ಗರ್ಭಾವಸ್ಥೆಯು ಮಹಿಳೆಯರಲ್ಲಿ ಬೆನ್ನುಮೂಳೆಯು ಸ್ವಲ್ಪಮಟ್ಟಿಗೆ ಬಾಗುತ್ತದೆ. ಇದರಿಂದಾಗಿ ನೆಲದ ಮೇಲೆ ಮಲಗುವುದರಿಂದ ಬೆನ್ನು ನೋವು ಉಂಟಾಗುತ್ತದೆ.