Migraine: ಮೈಗ್ರೇನ್​ನಿಂದ ಬಳಲುತ್ತಿದ್ದೀರಾ? ಈ ಆಸನಗಳನ್ನು ಟ್ರೈ ಮಾಡಿ

ಮೈಗ್ರೇನ್ ಸಾಮಾನ್ಯ ಸಮಸ್ಯೆಯಂತೆ ಕಂಡರೂ, ವಿಪರೀತ ತಲೆನೋವನ್ನು ತಡೆದುಕೊಳ್ಳುವುದು ಕಷ್ಟದ ಸಂಗತಿ. ಇಡೀ ತಲೆ ನೋವು ಸಾಮಾನ್ಯವಾದದ್ದಾದರೂ ಅರ್ಧ ತಲೆ ನೋವು ತಡೆದುಕೊಳ್ಳಲಾಗದಷ್ಟು ನೋವನ್ನುಂಟುಮಾಡುತ್ತದೆ.
ತಲೆನೋವು ಬಂದಾಕ್ಷಣ ಅದನ್ನು ಮೈಗ್ರೇನ್ ಎಂದುಕೊಂಡು ಭಯ ಪಡುವ ಅಗತ್ಯವಿಲ್ಲ, ಸಾಮಾನ್ಯ ತಲೆ ನೋವು ಹಾಗೂ ಮೈಗ್ರೇನ್​ನಿಂದ ಬರುವ ತಲೆನೋವಿಗೂ ತುಂಬಾ ವ್ಯತ್ಯಾಸವಿದೆ.

ಈ ಮೊದಲು ಎಂದೂ ಕಾಣಿಸಿಕೊಳ್ಳದ ನೋವು, ಜೊತೆಗೆ ಕೈಕಾಲಲ್ಲಿ ನೋವು ಮತ್ತು ನಿಶ್ಯಕ್ತಿ ಇದ್ದರೆ ವೈದ್ಯರನ್ನು ಸಂಪರ್ಕಿಸುವುದು ಒಳಿತು. ಏಕೆಂದರೆ ಕೆಲವೊಮ್ಮೆ ತಲೆನೋವು ಅಪಾಯಕಾರಿ ಮತ್ತು ಮಾರಣಾಂತಿಕ ಕಾಯಿಲೆಯ ಸಂಕೇತವಾಗಿರುತ್ತದೆ. ಆದ್ದರಿಂದ ಪದೆ ಪದೇ ತಲೆನೋವು, ಕುತ್ತಿಗೆ ನೋವು, ವಾಕರಿಕೆ ಅಥವಾ ಕಣ್ಣು ಮಂಜಾಗುವುದು ಮೊದಲಾದ ಸಮಸ್ಯೆಗಳನ್ನು ಕಡೆಗಣಿಸಬೇಡಿ.

ಮೈಗ್ರೇನ್ ತಲೆ ನೋವಿಗೆ ಅನೇಕ ಕಾರಣವಿದೆ. ಒತ್ತಡ, ವಾತಾವರಣದಲ್ಲಿನ ಬದಲಾವಣೆ, ಉದ್ವೇಗ, ಆತಂಕ, ಆಘಾತ, ನಿದ್ರೆಯ ಕೊರತೆಯಿಂದ ಮೈಗ್ರೇನ್ ಉಂಟಾಗಬಹುದು. ಮೈಗ್ರೇನ್ ಸಮಸ್ಯೆ ಶುರುವಾದರೆ ಎರಡು ಗಂಟೆಗಳಿಂದ ಹಿಡಿದು ಎರಡು ದಿನಗಳ ಕಾಲ ನೋವು ಇರಬಲ್ಲದು. ಹಾಗೂ ಪದೇ ಪದೇ ತಲೆನೋವಿನ ಸಮಸ್ಯೆ ಕಾಡುತ್ತದೆ.

ಮೈಗ್ರೇನ್ ನಿವಾರಣೆಗೆ ವೈದ್ಯರು ಅಗತ್ಯ ಔಷಧಿಗಳನ್ನು ನೀಡುತ್ತಾರೆ, ಆದರೆ ಯೋಗ ಮತ್ತು ವ್ಯಾಯಾಮವು ಇದರ ಚಿಕಿತ್ಸೆಯಲ್ಲಿ ಹೆಚ್ಚು ಪರಿಣಾಮಕಾರಿಯಾಗಿದೆ.

ತುಂಬಾ ವರ್ಷಗಳಿಂದ ತಲೆ ನೋವಿನ ಸಮಸ್ಯೆಯಿದ್ದು, ಅದನ್ನು ಮೈಗ್ರೇನ್ ಎಂದು ವೈದ್ಯರು ಹೇಳಿದ್ದರೆ ನೀವು ಈ ಯೋಗಗಳನ್ನು ಮಾಡುವ ಮೈಗ್ರೇನ್ ತೊಂದರೆಯನ್ನು ಕಡಿಮೆ ಮಾಡಿಕೊಳ್ಳಬಹುದಾಗಿದೆ.

ಹಸ್ತ ಪಾದಾಸನ: ಉಪಯೋಗಗಳು
ಹಸ್ತಪಾದಾಸನ ಮಾಡುವುದರಿಂದ ಸ್ನಾಯುಗಳು ಸ್ಟ್ರೆಚ್ ಮಾಡಲು ಅನುಕೂಲವಾಗುವುದು
-ರಕ್ತದ ಸಂಚಾರ ಸುಗಮವಾಗಲಿದೆ
-ಬೆನ್ನುಹುರಿ ಹೆಚ್ಚು ಫ್ಲೆಕ್ಸಿಬಲ್​ ಆಗಿರಲಿದೆ

ಶಿಶು ಆಸನ ಪ್ರಯೋಜನಗಳು
-ಬೆನ್ನಿಗೆ ಸಹಾಯವಾಗಲಿದೆ
-ಮಲಬದ್ಧತೆ ಸಮಸ್ಯೆ ನಿವಾರಣೆಯಾಗಲಿದೆ
-ಒಂದೊಮ್ಮೆ ನೀವು ಗರ್ಭಿಣಿಯಾಗಿದ್ದರೆ ಈ ಆಸನಗಳನ್ನು ಟ್ರೈ ಮಾಡಬೇಡಿ

ಮಾರ್ಜರಿ ಆಸನದ ಉಪಯೋಗಗಳು
-ಬೆನ್ನುಹುರಿ ಹೆಚ್ಚು ಫ್ಲೆಕ್ಸ್​ಬಲ್ ಆಗಲಿದೆ
-ನಿಮ್ಮ ಮಣಿಕಟ್ಟು ಗಟ್ಟಿಮುಟ್ಟಾಗಲಿದೆ
-ಜೀರ್ಣಕ್ರಿಯೆ ಉತ್ತಮವಾಗಲಿದೆ

ಅಧೋಮುಖ ಶ್ವಾನಾಸನದ ಉಪಯೋಗಗಳು
ಕಿಬ್ಬೊಟ್ಟೆಯ ಮೇಲೆ ಮಲಗಿ ಕೈಗಳನ್ನು ನೆಲದ ಮೇಲೆ ಸರಿಸಿ ಮೇಲಕ್ಕೆ ಏಳುವುದು. ಈ ರೀತಿ ಮಾಡಿದರೆ ಮೆದುಳಿನಲ್ಲಿ ರಕ್ತ ಪರಿಚಲನೆ ಹೆಚ್ಚುತ್ತದೆ. ಇದರಿಂದ ತಲೆನೋವು ಕಡಿಮೆ ಮಾಡಬಹುದು.
-ಶ್ವಾಸಕೋಶ ಉತ್ತಮವಾಗಲಿದೆ
-ಎದೆಯ ಭಾಗದ ಸ್ನಾಯುಗಳು ಗಟ್ಟಿಯಾಗಲಿವೆ
-ಇಡೀ ದೇಹಕ್ಕೂ ಶಕ್ತಿಯನ್ನು ಒದಗಿಸಲಿದೆ

ಸೇತುಬಂಧಾಸನ ಪ್ರಯೋಜನಗಳೇನು
-ನಿಮ್ಮ ಬೆನ್ನಿಗೆ ಬಲ ನೀಡುತ್ತದೆ
-ಕುತ್ತಿಗೆ, ಎದೆ, ಬೆನ್ನುಹುರಿ ಭಾಗಕ್ಕೆ ಶಕ್ತಿ ದೊರೆಯಲಿದೆ
-ನೋವು, ಖಿನ್ನತೆ, ಮಾನಸಿಕ ಒತ್ತಡವನ್ನು ಕಡಿಮೆ ಮಾಡಲಿದೆ

ಆರೋಗ್ಯಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ