ಇದು ಚಿನ್ನದ ರಕ್ತ.. ಜಗತ್ತಿನಲ್ಲೇ ಅತ್ಯಂತ ಅಪರೂಪದ ರಕ್ತದ ಗುಂಪು ಯಾವುದು ಗೊತ್ತಾ?
ಈ ರಕ್ತದ ಗುಂಪನ್ನು ಚಿನ್ನದ ರಕ್ತ ಗುಂಪು ಎಂದು ಕರೆಯುತ್ತಾರೆ. ಈ ರಕ್ತದ ಗುಂಪನ್ನು ಯಾಕೆ ಚಿನ್ನದ ರಕ್ತ ಎಂದು ಕರೆಯುತ್ತಾರೆ. ಅದು ಅದರ ಚಿನ್ನದ ಬಣ್ಣದಿಂದಾಗಿಯೇ ಅಥವಾ ಬೇರೆ ಏನಾದರೂ ಕಾರಣವಿದೆಯೇ? ಇದಕ್ಕೆ ಗೋಲ್ಡನ್ ಬ್ಲಡ್ ಗ್ರೂಪ್ ಎಂದು ಹೆಸರಿಡಲು ಒಂದು ಪ್ರಮುಖ ಕಾರಣವಿದೆ. ಪ್ರಪಂಚದಾದ್ಯಂತ ಈ ರಕ್ತದ ಗುಂಪನ್ನು ಹೊಂದಿರುವ ಜನರು ಕಡಿಮೆ. ಆ ರಕ್ತದ ಗುಂಪು ಯಾವುದು ಗೊತ್ತಾ? ಇಲ್ಲಿದೆ ನೋಡಿ.
ನೀವು ನಾಲ್ಕು ವಿಧದ ರಕ್ತದ ಗುಂಪುಗಳ ಬಗ್ಗೆ ಕೇಳಿರಬೇಕು: A, B, O, ಮತ್ತು O+. ಆದರೆ ಬಹಳ ಅಪರೂಪದ ರಕ್ತದ ಗುಂಪಿನ ಬಗ್ಗೆ ಕೇಳಲೇಬೇಕು. ಕಳೆದ 50 ವರ್ಷಗಳಲ್ಲಿ, ಇದು ಕೇವಲ 40-45 ಜನರ ರಕ್ತನಾಳಗಳಲ್ಲಿ ಮಾತ್ರ ಕಂಡುಬಂದಿದೆ. ಹೌದು, ಇದನ್ನು ಕೇಳಿದ ನಂತರ ನಿಮಗೂ ಆಶ್ಚರ್ಯವಾಗುತ್ತದೆ. ಆ ರಕ್ತದ ಗುಂಪಿನ ಬಗ್ಗೆ ತಿಳಿದುಕೊಳ್ಳುವ ಕುತೂಹಲ ನಿಮಗೆ ಹೆಚ್ಚಾಗುವುದು ಗ್ಯಾರಂಟಿ. ಇದು ಬಹಳ ಅಪರೂಪದ ರಕ್ತದ ಮಾದರಿಯಾಗಿದೆ. ವಿಜ್ಞಾನಿಗಳು ಇದಕ್ಕೆ ಚಿನ್ನದ ರಕ್ತ (golden blood) ಎಂದು ಹೆಸರಿಸಿದ್ದಾರೆ. ಈ ರಕ್ತದ ಗುಂಪಿನ ಬಗ್ಗೆ ಮತ್ತು ಇದನ್ನು ಚಿನ್ನದ ರಕ್ತ ಎಂದು ಏಕೆ ಕರೆಯುತ್ತಾರೆ.
ಈ ರಕ್ತದ ಗುಂಪನ್ನು RH ನಲ್ ಎಂದು ಕರೆಯಲಾಗುತ್ತದೆ ಮತ್ತು ಇದು ಬಹಳ ಅಪರೂಪ ಎಂದು ಹೇಳಲಾಗುತ್ತದೆ. ವರದಿಗಳ ಪ್ರಕಾರ ಇದು ಪ್ರಪಂಚದಲ್ಲಿ ಕೇವಲ 40-45 ಜನರಲ್ಲಿ ಕಂಡುಬರುತ್ತದೆ. ಅದಕ್ಕಾಗಿಯೇ ಇದನ್ನು ಉಳಿದವುಗಳಿಗಿಂತ ಭಿನ್ನವೆಂದು ಪರಿಗಣಿಸಲಾಗುತ್ತದೆ. ಒಂದು ವೇಳೆ ಈ ರೀತಿಯ ರಕ್ತದ ಗುಂಪು ಹೊಂದಿರುವ ಜನರಿಗೆ ರಕ್ತದ ಅಗತ್ಯವಿದ್ದರೆ, ಅವರು ಅನೇಕ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಇದಕ್ಕೆ ಕಾರಣವೇನೆಂದರೆ, ಪ್ರಪಂಚದಲ್ಲಿ ಈ ರೀತಿಯ ರಕ್ತವು ರಕ್ತನಾಳಗಳಲ್ಲಿ ಹರಿಯುವ ಜನರು ಬಹಳ ಕಡಿಮೆ.
ಈ ರಕ್ತದ ಗುಂಪನ್ನು ಚಿನ್ನದ ರಕ್ತ ಗುಂಪು ಎಂದು ಏಕೆ ಕರೆಯುತ್ತಾರೆ ಎಂಬುದರಲ್ಲಿ ಯಾವುದೇ ಸಂದೇಹವಿಲ್ಲ. ಇದನ್ನು ಯಾಕೆ ಚಿನ್ನದ ರಕ್ತ ಎಂದು ಕರೆಯುತ್ತಾರೆ ಎಂಬುದಕ್ಕೆ ಇಲ್ಲಿದೆ ಕಾರಣ, ಇದಕ್ಕೆ ಗೋಲ್ಡನ್ ಬ್ಲಡ್ ಗ್ರೂಪ್ ಎಂದು ಹೆಸರಿಡಲು ಒಂದು ಬಲವಾದ ಕಾರಣವಿದೆ. Rh-null Rh ಪ್ರತಿಜನಕ ಉತ್ಪಾದನೆಗೆ ಕಾರಣವಾದ ಜೀನ್ಗಳಲ್ಲಿನ ರೂಪಾಂತರಗಳಿಂದ ಉಂಟಾಗುತ್ತದೆ, ನಿರ್ದಿಷ್ಟವಾಗಿ RHD ಮತ್ತು RHCE ಜೀನ್ಗಳು. ಈ ರೀತಿಯ ರಕ್ತದ ಗುಂಪನ್ನು ಹೊಂದಿರುವ ಜನರು Rh D ಪ್ರತಿಜನಕವನ್ನು ಹೊಂದಿರುವುದಿಲ್ಲ. ಆದ್ದರಿಂದ, ಈ ರಕ್ತದ ಗುಂಪು ಹೊಂದಿರುವ ಜನರಲ್ಲಿ ಪ್ರತಿಜನಕ ಕಂಡುಬರುವುದಿಲ್ಲ.
ಇದನ್ನೂ ಓದಿ: ಬೂದು ಕುಂಬಳಕಾಯಿ ರಸವನ್ನು ಪ್ರತಿನಿತ್ಯ ಸೇವನೆ ಮಾಡುವವರು ಈ ವಿಷಯಗಳನ್ನು ತಿಳಿದುಕೊಳ್ಳಿ
ಈ ರಕ್ತದ ಗುಂಪು ಏಕೆ ಅಪರೂಪ?:
ಈ ರಕ್ತದ ಪ್ರಕಾರವನ್ನು ಏಕೆ ಅಪರೂಪವೆಂದು ಪರಿಗಣಿಸಲಾಗುತ್ತದೆ ಎಂದರೆ, ಪ್ರಪಂಚದಲ್ಲಿ ಕೇವಲ 43 ಜನರಿಗೆ ಮಾತ್ರ ಈ ರಕ್ತದ ಗುಂಪು ಇದೆ. Rh-ನಲ್ ರಕ್ತ ಹೊಂದಿರುವ ಜನರು Rh ಪ್ರತಿಜನಕಗಳ ಕೊರತೆಯಿಂದಾಗಿ ಹೆಮೋಲಿಟಿಕ್ ರಕ್ತಹೀನತೆ ಸೇರಿದಂತೆ ಕೆಲವು ಆರೋಗ್ಯ ಸಮಸ್ಯೆಗಳ ಅಪಾಯವನ್ನು ಹೆಚ್ಚಿಸುತ್ತಾರೆ. ಇದರ
ವಿಶಿಷ್ಟ ಗುಣಲಕ್ಷಣಗಳಿಂದಾಗಿ, Rh-null ರಕ್ತವು ವೈದ್ಯಕೀಯ ಸಂಶೋಧನೆಯಲ್ಲಿ, ವಿಶೇಷವಾಗಿ ರಕ್ತ ವರ್ಗಾವಣೆ ಮತ್ತು ತಳಿಶಾಸ್ತ್ರದ ಅಧ್ಯಯನದಲ್ಲಿ ತುಂಬಾ ಮುಖ್ಯವಾದ ಪಾತ್ರವಹಿಸಿದೆ.
ಈ ರೀತಿಯ ರಕ್ತದ ಗುಂಪಿನ 43 ದಾನಿಗಳಲ್ಲಿ ಕೇವಲ 9 ಮಂದಿ ಮಾತ್ರ ಸಕ್ರಿಯರಾಗಿದ್ದಾರೆ.ಈ ರಕ್ತದ ಗುಂಪನ್ನು ಅಪರೂಪವಾಗಿದ್ದು, ಅದಕ್ಕಾಗಿಯೇ ಇದನ್ನು ಚಿನ್ನದ ರಕ್ತ ಎಂದೂ ಕರೆಯುತ್ತಾರೆ.ಈ ಕಾರಣಕ್ಕೆ ರಕ್ತದ ಪ್ರತಿ ಹನಿಯೂ ಚಿನ್ನಕ್ಕಿಂತ ಅಮೂಲ್ಯವಾದುದು ಎಂದು ಹೇಳಬೇಕು.
ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 5:37 pm, Sat, 1 March 25