Cough: ಕೆಮ್ಮಿದೆಯೇ? ಹಾಗಾದರೆ ಈ ಆಹಾರವನ್ನು ಸೇವಿಸಬೇಡಿ, ಸಮಸ್ಯೆ ಉಲ್ಬಣಿಸಬಹುದು

ಚಳಿಗಾಲ(Winter)ದಲ್ಲಿ ಬೇಡ ಬೇಡವೆಂದರೂ ರೋಗಗಳ ಸರಮಾಲೆಯೇ ನಮ್ಮ ಹಿಂದಿರುತ್ತದೆ. ಕೆಲವೊಂದು ನಮ್ಮ ತಪ್ಪಿನಿಂದ ಬಂದರೂ ಇನ್ನೂ ಕೆಲವು ಆರೋಗ್ಯ ಸಮಸ್ಯೆಗಳು ಹವಾಮಾನ ಬದಲಾವಣೆಯಿಂದಾಗಿ ನಿಮ್ಮನ್ನು ಕಾಡಬಹುದು. ಅದರಲ್ಲಿ ಕೆಮ್ಮು, ಶೀತವೂ ಕೂಡ ಒಂದು, ಚಳಿಗಾಲದಲ್ಲಿ ಒಂದೊಮ್ಮೆ ಕೆಮ್ಮು ಕಾಣಿಸಿಕೊಂಡರೆ ತಿಂಗಳುಗಟ್ಟಲೆ ಕಡಿಮೆಯಾಗುವ ಲಕ್ಷಣಗಳೇ ಕಾಣುವುದಿಲ್ಲ. ಮನೆಮದ್ದಿನಿಂದ ಹಿಡಿದು ವೈದ್ಯರು ನೀಡಿರುವ ಔಷಧಿಯವರೆಗೆ ಇದ್ಯಾವುದೂ ಪ್ರಯೋಜನಕ್ಕೆ ಬಾರುವುದಿಲ್ಲ.

ಹೀಗಿರುವಾಗ ನೀವು ನಿಮ್ಮ ಆಹಾರದ ಕಡೆಗೆ ಹೆಚ್ಚು ಗಮನಕೊಡಬೇಕು. ನೀವು ತೆಗೆದುಕೊಳ್ಳುವ ಆಹಾರವು ಕೆಮ್ಮನ್ನು ಹೆಚ್ಚು ಮಾಡುವಂತಿರಬಾರದು. ಅಂತಹ ಪರಿಸ್ಥಿತಿಯಲ್ಲಿ, ಚಳಿಗಾಲದಲ್ಲಿ ನಿಮ್ಮ ಆಹಾರ ಮತ್ತು ಪಾನೀಯಕ್ಕೆ ವಿಶೇಷ ಗಮನ ನೀಡಬೇಕು. ಏಕೆಂದರೆ ಚಳಿಗಾಲದಲ್ಲಿ ಕೆಲವು ಪದಾರ್ಥಗಳನ್ನು ಸೇವಿಸುವುದರಿಂದ ಕೆಮ್ಮಿನ ಸಮಸ್ಯೆ ಹೆಚ್ಚುತ್ತದೆ.

ಅದಕ್ಕಾಗಿಯೇ ನೀವು ಶೀತವಾದಾಗ ಕೆಲವು ಪದಾರ್ಥಗಳನ್ನು ತಿನ್ನುವುದನ್ನು ತಪ್ಪಿಸಬೇಕು. ಬನ್ನಿ, ಕೆಮ್ಮಿನ ಸಂದರ್ಭದಲ್ಲಿ ಯಾವ ವಿಷಯಗಳನ್ನು ತಪ್ಪಿಸಬೇಕು ಎಂಬುದರ ಕುರಿತು ಇಲ್ಲಿ ಮಾಹಿತಿ ನೀಡುತ್ತೇವೆ.

ಕೆಮ್ಮು ಇರುವಾಗ ಈ ಪದಾರ್ಥಗಳನ್ನು ತಿನ್ನಬಾರದು
ಡೈರಿ ಉತ್ಪನ್ನಗಳು
ಕೆಮ್ಮಿನ ಸಮಸ್ಯೆಯಿಂದ ನೀವು ಹೋರಾಡುತ್ತಿದ್ದರೆ, ನೀವು ಡೈರಿ ಉತ್ಪನ್ನಗಳಿಂದ ದೂರವಿರಬೇಕು. ಏಕೆಂದರೆ ನೀವು ಕೆಮ್ಮಿದಾಗ, ನಿಮ್ಮ ದೇಹದಲ್ಲಿ ಲೋಳೆಯ ಉತ್ಪಾದನೆಯು ಹೆಚ್ಚಾಗುತ್ತದೆ, ಇದರಿಂದಾಗಿ ಕೆಮ್ಮಿನ ಸಮಸ್ಯೆ ಹೆಚ್ಚಾಗುವ ಸಾಧ್ಯತೆಯಿದೆ.
ಆದ್ದರಿಂದ, ಕೆಮ್ಮಿನ ಸಮಸ್ಯೆಯಿಂದ ನೀವು ತೊಂದರೆಗೊಳಗಾಗಿದ್ದರೆ, ಡೈರಿ ಉತ್ಪನ್ನಗಳಿಂದ ದೂರವಿರಿ.

ಆಲ್ಕೋಹಾಲ್ ಮತ್ತು ಧೂಮಪಾನ
ಕೆಮ್ಮಿರುವಾಗ ಮದ್ಯಪಾನ ಮತ್ತು ಧೂಮಪಾನವನ್ನು ಮಾಡಬೇಡಿ, ಏಕೆಂದರೆ ಆಲ್ಕೋಹಾಲ್ ಅಥವಾ ಧೂಮಪಾನವು ನಿಮ್ಮ ರೋಗನಿರೋಧಕ ಶಕ್ತಿಯನ್ನು ದುರ್ಬಲಗೊಳಿಸುತ್ತದೆ ಮತ್ತು ಇದು ಅನೇಕ ರೋಗಗಳಿಗೆ ಕಾರಣವಾಗಬಹುದು. ಅದಕ್ಕಾಗಿಯೇ ಕೆಮ್ಮು ಇರುವಾಗ ಮದ್ಯಪಾನ ಮತ್ತು ಧೂಮಪಾನ ಮಾಡಬೇಡಿ.

ಸಿಹಿ ಪದಾರ್ಥಗಳಿಂದ ದೂರವಿರಿ
ಕೆಮ್ಮು ಮತ್ತು ಶೀತದ ಸಂದರ್ಭದಲ್ಲಿ, ಸಿಹಿ ಪದಾರ್ಥಗಳಿಂದ ದೂರವಿರಿ. ಇಂತಹ ವಿಷಯಗಳು ಬ್ಯಾಕ್ಟೀರಿಯಾ ಮತ್ತು ವೈರಲ್ ಸಮಸ್ಯೆಗಳನ್ನು ಪ್ರಚೋದಿಸಬಹುದು, ಆದ್ದರಿಂದ ಕೆಮ್ಮು ಸಮಯದಲ್ಲಿ ಸಿಹಿತಿಂಡಿಗಳನ್ನು ತಿನ್ನುವುದನ್ನು ತಪ್ಪಿಸಿ.

ಬಾಳೆಹಣ್ಣು ತಿನ್ನಬೇಡಿ
ನಿಮಗೆ ಕೆಮ್ಮು ಮತ್ತು ಶೀತದ ಸಮಸ್ಯೆ ಇದ್ದರೆ ಬಾಳೆಹಣ್ಣು ತಿನ್ನಬೇಡಿ, ಏಕೆಂದರೆ ಬಾಳೆಹಣ್ಣು ತಿನ್ನುವುದರಿಂದ ದೇಹದಲ್ಲಿ ಲೋಳೆಯು ಹೆಚ್ಚಾಗುತ್ತದೆ, ಇದರಿಂದಾಗಿ ಕೆಮ್ಮು ಮತ್ತು ಶೀತಕ್ಕೆ ಸಂಬಂಧಿಸಿದ ಸಮಸ್ಯೆಗಳು ಉಂಟಾಗಬಹುದು. ಆದ್ದರಿಂದ, ಕೆಮ್ಮಿನ ಸಮಸ್ಯೆಯಿಂದ ನೀವು ತೊಂದರೆಗೊಳಗಾಗಿದ್ದರೆ, ಬೆಳೆಹಣ್ಣನ್ನು ತಿನ್ನಬೇಡಿ ಇದರಿಂದ ಕಫದ ಸಮಸ್ಯೆ ಹೆಚ್ಚಾಗುವ ಸಾಧ್ಯತೆ ಹೆಚ್ಚಿರುತ್ತದೆ.

ಆರೋಗ್ಯಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ